脆肉瓜炒帶子 ( 19-OCT-2015 )

( 19-OCT-2015  MON )

今朝唔係咁想起身添   所以有啲眼瞓呀   好在沖咗個涼就精神番好多呢 ~

早餐食奄列   食到一半已經覺得好飽   又唔記得叫佢走茄汁豆   所以最後食剩佢   嘥哂 ~

菇場做埋 Report 就 Hea 過   攰呀   唔想郁   坐喺度最好   呵呵 ~

Lunch 食麥皮   食咗幾啖唔想食   因為其實未餓   所以就落去行下先 ~

諗住買禮物比叔叔佢哋   不過啱得女又唔啱得男   我一買要買 8 份   同埋聽晚會同叔叔食飯   我想比埋佢哋   所以依家真係好頭痕喇 ~

番到菇場食埋凍冰冰嘅麥皮   好味到無朋友   嗚嗚嗚嗚 ~

放工即走   番到屋企抖咗陣   6 點半見有啲餓   所以蒸埋尋晚食剩嘅一大碟糯米飯   我好鍾意食無料糯米飯㗎   我再加啲甜豉油已經覺得好好味   不過實在太大碟喇   食咗 2/3 真係食唔落   好滯呀 ~

里奧大人 8 點先放工   咁煮個辛辣麵佢食啦   因為今晚啲餸無咩味咁   哈哈 ~

是日懶餐 - 脆肉瓜炒帶子 

脆肉瓜炒帶子 - 呢餐所有材料都係之前買架   係時候清哂去   一了百了   本來想食帶子刺身   但擺咗咁耐   都係煮鬼埋佢囉 ~

洗埋碗就同里奧大人一齊去 Zara 睇 scarf   揀咗差唔多 1 個鐘   好感恩可以一次過買哂 8 條呀   買咗接近 $1,900   其實我 Target 係一條 $300   依家算平咗   但我今個月都要食麥皮做午餐 lu ~

買完就去 Haagen Daz 食雪糕   家姐之前比咗張 Coupon 我呀   本身係一個球   再用八達通加 $15 就變咗兩球   咁都抵嘅   不過我真係覺得佢啲雪糕球好細囉   我嗰時喺澳洲食一球雪糕   嗰球真係拳頭咁大㗎   但唔知依家係咪 lu ~

芒果紅桑子 & 藍莓

番到屋企都 10 點半喇   所以即沖涼   不過整好哂啲禮物   又 11 點半先瞓呀 ~

女嘅 4 條

男嘅 4 條