昂坪 360 + 稻香 @ 深水埗 (Part 2/2) ( 21-OCT-2015 )

Part 2/2

1 點出發去心經簡林   大部份係平路   好好行呢   哈哈 ~ 

跟住路牌指示   

入去心經簡林喇

有埋地圖都幾好   可以知道要行幾耐   呵呵  

經過一間破爛嘅屋

另一間吉屋就有個巨型金元寶喺門口位置   應該之前係做生意呢   因為我見到入面有啲膠餐牌

繼續行   話咁快就 1 點 lu    

鳳皇 ?! 

喺呢度聽到好似有人叫里奧大人   原來係佢舊同事高佬   最搞笑里奧大人話佢同事戴咗帽同黑超   如果臉對臉行過都認佢唔到囉

叔叔話佢以前行上去鳳凰山頂   仲指比我睇由邊度行   睇見到驚   哈哈  

                             

我覺得好似好多十字架咁  



由入口行咗 20 分鐘   終於到心經簡林喇

每條木都有唔同嘅佛句

圍住一個圈咁行   所以好快行哂   不過我都好想快啲行哂   因為比太陽曬住好熱呀

                            

睇下點行番出去先   

又見到呢啲花  

開始行番出去 lu   叔叔話佢 1 小時行 4 公里   之後里奧大人計過   我哋 1 個鐘平均最多行 3 分里咋   咁叔叔真係行得好快喎   所以里奧大人成日叫我打壞後生   佢咪一樣係   呵呵 

呢條路好好行呀   我可以行好耐都得呢

落到嚟 lu  

                          

差唔多 2 點就再去寶蓮寺   食多次豆腐花   坐多陣都已經 3 點   係時候坐番纜車出東涌喇 ~

寶蓮寺附近有個大鼎  

好多大大支嘅香

Q 版福祿壽 ?!

2 點 15 分再去食多碗山水豆腐花   我就飲汽水   我拎完就同個男人講   話連埋豆腐花一齊比   咁我行番入去   有個女人都有計到呢支汽水錢   之後個男人態度好差咁問我比咗錢未 ?!   里奧大人話比咗   個女人都話收咗   真係鬼得閒呃妳支汽水咩   同埋啲態度唔駛咁衰呀嘛   

去番市集買生肖公仔

一坐纜車   叔叔就最開心   一見到啲山呢   就好開心話以前由邊度邊度咁開始行上山㗎   又係嘅   又諗番起以前嘅點點滴滴   我哋細過嘅嘢佢都記得   反而我同家姐都唔記得呀   哈哈 ~

叔叔話今次番嚟香港   第一件最開心係可以去鄉下搵番到祠堂   話係爺爺條根   所以佢叫老友帶路一齊搵   真係好勁啦   講緊嘅係幾十年無去㗎喎   估唔到祠堂仲係度   第二件事係見到我同家姐平平安安就安心喇   真係好感動佢仲係咁掛住我哋   叔叔喺我好細過就移民   當時根本唔知移民係咩   只記得有好大班人喺機場囉   大個之後又無咩點聯絡   但就一定收到叔叔啲聖誕卡   咁十幾年前叔叔嬸嬸一家嚟咗嚟香港   一見番叔叔嬸嬸就好有感覺喇   喊到我呢   真係人大咗就更加珍惜親情   我哋仲隔咁遠   好在依家科技發達   真係唔會失去聯絡   最大問題係時差啫   哈哈 ~

傾傾下又講開啲機場巴士線   話一日之內坐 2 次   第 2 次係半價優惠   我好大反應話邊度有人一日坐 2 次機場巴㗎   之後嬸嬸話接機送機嗰啲咪係囉   哈哈   係喎   因為我搭機場巴士多數去旅行嘛   同埋真係好少送機接機就真   哈哈 ~  

坐纜車 Zoom 埋去影   因為叔叔話隻牛耳有個黃色牌   佢真係好眼力   因為我就咁睇都睇唔到   哈哈

佢哋要繼續努力   

差唔多到東涌喇 

3 點半落到東涌   又係轉車轉車又轉車   因為里奧大人驚佢咃唔識行去九龍塘   所以我哋送到佢哋去九龍塘   我哋再去番深水埗喇   真係好感激里奧大人今日嘅貼心照顧呢 ~

頭先我哋用自拍神棍影相   嬸嬸話想買比兩個堂妹   但我驚佢哋唔識買   所以我話我哋買比堂妹佢哋   我送機嘅時候比佢哋就得   不過唔嬸嬸唔知堂妹用咩 Model 手機   咁我哋唔買住   今晚問咗堂妹先   唔係買嚟變咗無用就慘咯 ~

都 5 點喇   去稻香拎飛   但原來 6 點先開始晚飯   佢哋又無開燈   所以都唔喺度坐啦   咁今日行到對腳好攰呀   所以去姑奶教會坐到 6 點好過 ~

食下傾下都 7 點半喇   要走喇   因為我哋仲要趕住番九龍灣幫水姑拎嘢 ~

薑蔥魚雲煲

燒腩仔

魚香茄子煲 

白灼蝦 

脆皮咕嚕肉 

乾扁肉鬆四季豆  

蒜蓉炒油麥菜 

七味豆腐 x 2 

美極金薯牛柳粒

蒜蓉炒菜心  

南乳齋煲 

脆皮雞 (半隻)

坐地鐵番九龍灣   因為諗住要去德福幫水姑拎嘢   點知佢叫朋友搞掂咗   我頂   搞掂咗就話比里奧大人知啦   好彩里奧大人打比佢啫   唔係就白行一趟啦   離鬼哂譜   之後阿奧話如果水姑知道我哋幫佢做嘢依依哦哦   但佢朋友就即幫會點睇 ?!  我話好笑喇   佢仲好意思咁樣比較 ?!   首先你要記住   第一妳叫人做嘢   唔關咩親人同朋友囉   妳唔好成日奉旨咁囉   第二係妳叫人做嘢又唔交帶清楚   要幫嘅人同妳打去問嘢   但咩資料都無   妳以為間舖係妳開嗎 ?!   里奧大人講唔過我啦   所以佢都知我好慶   話同我食雪糕喎   咁係嘛   最憎啲人咁樣 ~

頭先食飯   大埔姑奶一家 9 個人食   所以以人頭計最好啦   但姑奶嗰份就叫里奧大人比   之後打嚟解釋話等姑奶覺得佢係家姐   咁都講得出口   真係 Cheap 到爆   真係第一次見啲人係咁 Cheap   我唔明點解比錢就係覺得佢係家姐囉 ~

食完雪糕   番到屋企都 8 點幾   即開機洗衫之後沖涼喇 ~

諗住 10 點半瞓   點知里奧大人無手尾   將 Remote Control 周圍擺   話明明擺喺梳化   但我哋搵咗幾次都無   又搵下其他地方   搵咗 20 分鐘呀   之後佢再搵   原來攝咗喺梳化入面   抵啦   成日將啲嘢周圍放   明明早瞓變遲瞓   最慘累埋我都遲瞓嘛 ~