雲桂香雲桂香米線專門店 @ 官塘 ( 11-NOV-2017 )

( 11-NOV-2017  SAT )

今朝 10 點半自然醒   里奧大人就早過我起身   所以要等埋我起身之後就一齊落去食早餐喇 ~

食完就番屋企   我就抹嘢拖地大清潔   里奧大人就去圖書館還書同借書 ~

我搞掂哂再沖埋涼   都差唔多 12 點 45 分   咁我都去圖書館搵里奧大人喇   順便編下行程 ~

差唔多 2 點就去食下午茶   其實我唔餓   不過里奧大人話要食啲嘢喎 ~

2 點 45 分坐 A22 去機場   差唔多 4 點先到    依家坐 A 車真係好耐   以前最多 45 分鐘咋 ~

今次坐坐下車都開始喊   唔知點解今次好唔捨得咁 ~

去到即去 D 區   估唔到叔叔已經喺 Counter 排緊隊   但 4 點 50 分先開 Counter   咁我哋一齊企埋入去傾偈   之後越來越多人排隊喇 ~

5 點左右搞掂   又去翠華喇   又係同埋叔叔 2 個好朋友一齊送機   佢哋好有心   叔叔一番香港   就會帶叔叔周圍去   叔叔都話每一日都有節目   哈哈 ~

佢哋食 2 Set 公司三文治   我同里奧大人 Share 一個餐就夠 lu   因為一陣會出去食嘢嘛 ~

咁我食完就去美珍香買豬肉乾比叔叔上機食   佢話唔要咁多   咁我買 4 塊啦   都要成 $90   堅貴 ~

叔叔坐 7 點 50 分機   所以 6 點 15 分就準備離港   又喊到我呢   叔叔叫我減少去東南亞旅行   一次將啲假期去加拿大   哈哈   其實都可以嘅   但真係要佢日日陪住我哋囉   唔係唔掂咯 ~

今次真係驚險   嬸嬸離境時 Check 機票   但同 Passport 唔一樣   所以要去 Counter 再搞   但叔叔已經入咗去嘛   好在職員比叔叔出番嚟咋 ~

但嬸嬸上兩次離港都無問題   同埋嬸嬸都話問咗加拿大果邊都 OK   估唔到香港呢邊無啦啦話唔得   原來香港呢邊   將嬸嬸個名用 Space 位隔開咗   所以出唔哂個名囉   根本唔關嬸嬸事   佢証件都係無 Space 位家嘛   咁去到 Counter    職員都準備收工添喇   所以個職員見到我哋   佢黑哂面啦   衰   其實好在趕得切咋   真係好彩頭先喺翠華早啲走咋   唔係唔知點算好 ~

又再一次離境   都幾搞笑   哈哈 ~ 

我同里奧大人就喺機場行咗陣 MUJI   佢話餓喎   買咗包朱古力 Puff   佢依家都幾擦得下喎 ~

坐番 A22 番官塘   好在第 2 程半價   感覺平好多   哈哈哈哈 ~

7 點坐到 8 點 10 分   今日真係坐到腰骨痛 ~

好想食酸辣米線同口水雞   所以去雲桂香喇 ~

里奧大人話生飛滋   諗住去食綠豆沙涼粉同大菜糕   點知無位   咁就外賣啦 ~

買完即番屋企   沖埋涼再望個鐘   原來已經 10 點   我仲以為 9 點咋   哈哈 ~

睇多陣電視   12 點左右就瞓 lu ~