金大班 @ 官塘 ( 12-NOV-2017 )

宮保雞丁 - 好想食正宗嘅宮保雞丁   哈哈

粉絲海鮮雜菜煲 - 都幾好味   不過里奧大人一見到魷魚就話下次唔好再叫呢個煲   話魷魚難消化   



( 12-NOV-2017  SUN )

尋晚瞓得唔係咁好   瞓瞓下又好似熱熱咃   但又唔想開冷氣   我又成日睇下幾點   係咁計住時間   睇下叔叔番到加拿大未 ~

10 點起身   沖埋涼就去食早餐   之後番崇拜喇 ~







崇拜完畢即走   不過落大雨   要等細雨先番屋企呢 ~

家姐今日要更新部手機   所以嚟我屋企   不過其實佢 11 點都嚟到   叫佢自己招呼自己    哈哈 ~ 

2 點左右同家姐去超市買嘢    順便買埋下午茶番屋企食啦 ~

差唔多 3 點里奧大人打嚟問發生咩事 ?!   問點解咁耐都未番嚟嘅 ?!   無計啦   同家姐行超市一定好耐   今日仲 92 折   所以買廁紙 可樂 出前一丁 雞蛋 童星麵 薄荷糖   又買咗 3 百幾   呢啲仲唔係主食添   所以去超市買油買米   真係好快可以買到 5 百   不過其實係依家啲錢唔見駛就真 ~

買完即去買下午茶   家姐先慘   又幫我拎 2 Pack 可樂同廁紙同 1 袋嘢   幾乎全部佢幫我拎哂   但佢又話唔重   其實點會唔重吖 ~

食完都差唔多 4 點幾   家姐 5 點幾都走人   姐夫車佢番屋企   咁就好啦   佢之前都買咗唔少嘢   唔駛拎咁遠   呵呵 ~

我地抖到 6 點半就去食飯   今日成日落雨   所以早啲去食飯   費事無位 ~ 

食完去超市買涼粉   之後番屋企 ~

家姐打嚟又話去百佳買油買米   之後再去 Mrs. Fields 買鬆餅   我話唔係咪拎埋啲油米去買呀嘛 ?!   佢話擺咗喺車先   勁驚佢真係拎住買鬆餅呀   因為兩袋米已經好重呢   其實佢今日早午晚都去百佳囉   勁 ~

沖埋涼就睇下電視   里奧大人又食埋個紅豆大菜糕   好在我提佢咋   佢居然唔記得自己買咗 ~

今晚 11 點幾都要瞓喇   有啲攰咁呢 ~