Babymama: 萬步。台北 DAY 3 (PART 2/2) ( 27-NOV-2017 )

( 27-NOV-2017 MON ) - PART 2/2

食完繼續上路但仍然落雨囉不過里奧大人話唔緊要落雨影相又有唔同感受 ~

上到最高處食芋圓好出名㗎話好好食但我覺得好一般不過我哋都想搵地方坐下所以坐低食下都好嘅同埋我最主要同里奧大人感受一下九份最高處嘅感覺哈哈 ~

雖然落緊雨但行行下覺得好鬼熱

到九份最高處喇 (應該)

好多民宿 ?! 住宅 ?!

正喎陰沉得來幾型格哈哈

另一邊比較多霧即刻諗起清境

周圍行下

都有唔少店舖

去到高處我其實覺得無咩嘢好睇

九份金礦博物館

上到咁高因為我想去 "阿柑姨芋圓"

好在我依家鍾意行路但仍然好怕行樓梯

里奧大人話好恐怖

店內環境

我自己去 Order 所以叫哂綜合湯唔想講咁多國語哈哈

我要熱里奧大人要凍

但凍嘅芋圓係比較煙韌

一啖入口有排咬

里奧阿伯邊食邊望風景

坐近窗口位置係望呢啲呢

好多人呀同埋落雨關係地下濕濕立立又無冷氣感覺唔多乾淨

由呢條冷巷行番出去

叫里奧大人幫我影佢幾唔願意應該睇到 "情綿綿" 呢 3 個字覺得肉麻哈哈

阿柑姨隔離係買包點

食到飽飽又行過見到有間 Cafe 望到景觀唔錯但我話一定要坐窗口位囉如果唔係就唔飲嘢喇 ~

咁我哋入去睇 menu 之後就諗住上去搵位個職員話要點咗餐先可以上去里奧大人即問佢有無窗口位佢話無所以即走 lu ~

上到山加埋落雨所以真係好鬼凍 ~

食飽就落番去喇

依家幾鍾意呢個白面人里奧大人話千與千尋嘅乜乜乜我話唔知喎我無睇過

好大隻招財貓

頭先就係去呢間小師父食 Lunch

里奧大人要買嘢飲

紅火龍果汁無味道嘅

里奧大人知我鍾意食黑橋牌香腸所以叫我買嚟食

"我們的牛皮不是吹的" 我成日講咗 "我們的牛皮不是真的" 哈哈哈哈

五香茶葉蛋其實我想食鐵蛋但又怕好鬼硬所以唔買咯第一次食鐵蛋係成包食哂食到好驚囉哈哈

搞笑

第一次嚟九份我記得買咗好多盒當時好平嘛依家好貴呀所以唔買 lu

守則

第三點 "老公購物時要懂得讚美提供建議" 建議係買多件比老婆嗎 ?! 哈哈

里奧大人必須要學第二點啦哈哈

咁我拎住啲垃圾好似試食完嘅牙簽 ?! 之後呢間魚蛋個阿姐叫我比啲垃圾比佢幫我掉仲叫里奧大人將啲垃圾比埋佢呀勁好人呀但佢唔係話兜生意㗎喎

第一次食牛軋餅好期待呀但佢哋無得試食我要比 NT$10 買 1 塊嚟食呢

但唔好味嘅

仍然人頭湧湧

唔識欣賞噃

炸蝦丸 (NT$70/份) 其實抵嘅見佢都好大粒但我哋太飽食唔落啦

好正咁

好大粒麻糬同埋好似好煙韌咁

好喇係時候行番落山之後打的去瑞芳站行下行咗陣就搭台鐵 lu ~

話咁快又落車喇

@ 瑞芳車站

周圍行下

原來的士站有去九份嘅價錢牌

清楚寫明價錢就最好

最緊要有好多的士哈哈

學生放學 ?!

其實我樣樣都好想睇所以成日唔會向前望

台灣嘅古早味真係唔知有幾古早呢

直行啦反正地方唔大

我好鍾意去台北同泰國嘅 7-11 因為有好多零食呢

坐喺 7-11 食嘢都唔錯

舊舊嘅街道

呢座 Building 勁正

里奧大人影到年月日

我就影到時間哈哈

無冷氣又有陣味所以影完相即走

行番去坐火車了

瑞芳都幾多教會

里奧大人做咩影呢張相嘅

舊式店舖

阿 mi 話想要微熱山丘鳳梨酥咁啱都諗住同里奧大人行誠品所以我即上網 Check 售賣地點感恩信義區三越 A9 區有呀所以即去喇 ~

去咗高雄就搞笑

好多學生呀

瑞芳好似一個人名哈哈

運石粒嘅火車

對腳好痛呀所以有位就即坐里奧大人就負責排隊呢

咁里奧大人排隊排第 2 我就坐住等因為對腳超級痛咁差唔多有車前面係一家三口之後到我哋後面係一對國語人母女咁呢個時候有 2 母女企喺我哋隔離擺明打尖里奧大人叫佢哋後面排隊咁架火車一到站頂佢哋吖居然即衝上來仲迫入車廂快過我哋同第一位入車廂呀不知所謂咁我好明顥知道後面國語人母女係台灣人因為佢哋無打尖同埋講嘢好細聲咁我又比咗半邊位佢坐嘛即係 4 個人坐 3 人座位我覺得佢哋本身應該係有位座嘛係比啲衰人打尖先無位所以我點都會比半邊位佢坐囉 ~

火車就到喇所以工作人員叫乘客企入啲

依家先知呢架叫 TRA

其實我哋唔知買唔買到鳳梨酥㗎因為太耐無來台北所以唔係咁識路但會盡力搵搵本書就難到我搵食店我可以好快手哈哈 ~

搭捷運去新光三越

又見到便當真係好想試呀

里奧大人問我食唔食嘢但我唔餓呀所以唔行入去睇 lu

話咁快又 17:07 了

人來人往好在唔係迫沙甸魚

市政府站落車

行緊去新光三越我哋去 A4 館嘅鼎泰豐

鼎泰豐

感恩唔駛排隊等位

樣樣都想試但無可能哈哈

"用心看餐牌"

里奧大人問我買唔買呢個 Stand

如果妳件外套放喺櫈度職員會套住件外套咁就唔會整污糟

蟹粉小籠包 (NT$370/10 只) - 每次食都係咁有水準勁呀所以要食 2 籠哈哈

咁樣影又無咩肉汁咁噃

但其實有肉汁㗎

米醋 + 薑絲

酸辣湯 (細 NT$80) - 好味呀同埋好多材料好在叫細碗咋

呢張搞笑我明明係 "北" 一大更材料感覺澎湃啲但里奧大人話肉酸喎係都要我擺哂啲材料落隻匙更上面

食完就行陣超市之後去三越 A9 館喇 ~

我行先嘅地方一定係有食物嘅地方哈哈

Minions Chocopips 好似幾好味不過應該係細路仔食嘅

我覺得紅色 Building 好靚

咁嘅街景好似好凍咁

好多裝飾

里奧大人就哂位幫我影好似托住個波咁呢

貓蘿紀

好迫真呀

我用咗 NT$20 抽到我手上張卡係做善事嘅但唔記得係咩善事 lu 都應該係幫啲貓貓咁呢

又周圍行會經過 A8 館

有好濃烈嘅聖誕氣氛了

曾經好鍾意嘅 Line 公仔

港女

型

食 Tea

幾好味咁哈哈

我矮所以好怕坐吧枱

Zakuzaku 捧捧泡芙 (NT$88) - 里奧大人話買嚟試下

度哂尺寸

每人限購 6 支

里奧大人從來唔會嫌我影相太耐哈哈

得個脆字無咩特別

凍嘅吉士醬餡里奧大人話甜咁我咪食哂囉之後又話我自己食哂

食完就去 1/F 全部係名店同化妝品里奧大人第一句就話唔係呢度啦但我話上網 Check 係 1/F 㗎之後行多兩間店我離遠見到 Sunny 呢個英文字即去睇喇 ~

好在我上網睇咗佢英文名係咩但唔記得係 Sunny 咩囉如果唔係無咁快搵到哈哈 ~

去 "微熱山丘" 幫阿 mi 買鳳梨酥 (NT$420/盒)

離遠見到 "已售完" 呢 3 個字勁驚囉好在唔係放喺鳳梨酥面前咋

終於買到你了呵呵呵呵

任務完成之後里奧大人話去洗手間嘛咁我喺附近等佢啦但我對腳痛到好似就來斷咁我話真係要買對鞋三越買實貴但比較襟咁樣諗就最正面哈哈哈哈 ~

咁我睇到有間做 7 折即飛入去睇我想買嗰對做緊特價但無碼咁我再望下其他囉所以里奧大人咪成日話我囉無就走啦又死都唔走喎係都要買到為止哈哈 ~

咁佢幫我揀咗另一對布鞋係原價 7 折折咗係 NT$1,323 (HK$350) 佢話 OK 呀所以我都買喇 ~

7 折就吸引喇

真係好舒服個店員仲好有心機幫我縛咗個比較有型嘅鞋帶仲教我哋點縛添呀勁細心

里奧大人去比錢不過等咗好耐因為部電腦有啲問題

老實講唔係我真係需要買鞋離遠見到係嘅格局係唔會吸引妳行去睇囉哈哈

之後覺得呢對新鞋好輕可想而知我本身對鞋原來係咁重囉 ~

里奧大人成日問我腳痛唔痛 ?! 我知如果着呢對鞋都仲腳痛又鬧鬼我嘛不過我話真係唔痛喎之後佢笑住話買咗對新鞋死都話唔痛啦哈哈 ~

第一次去饒河街夜市覺得好多嘢食今次去就無咩嘢想食同埋最出名嘅胡椒餅我哋已經食咗所以食第啲但我今次嚟台北最想食嘅係臭豆腐 ~

又增值