煎釀尖椒 + 腐乳唐生菜 ( 23-NOV-2017 )

問家姐鍾意用咩蘸尖椒 ?!   佢話辣椒豉油   呢度 2 隻指天椒   佢可能覺得唔夠辣   不過我唔想佢食咁多辣囉 





( 23-NOV-2017 )

今朝我挑戰人體極限   仍然短袖 One Piece   凍到黐咗線   哈哈 ~

早餐食吞拿魚牛角包   超級勁好味呀   下次會再食 ~





菇場唔太忙喇   但西瓜同老闆唔喺度   所以唔急嘅嘢都唔做住   呵呵 ~

家姐話呢排心口痛   嚇到我喊出來   之後打比里奧大人啦   佢話家姐肥得滯   不過家姐都真係肥咗起碼 10 磅   佢係肥咗之後先咁囉   所以里奧大人叫佢即刻減肥   里奧大人仲話佢之前都同我講過佢心口痛啦   依家瘦咗 10 磅就無痛   又唔見妳咁擔心   我話我有擔心你唔知啫   哈哈 ~

Lunch time 未餓   所以去行陣先   諗住買對鞋   點知拎上手係勁重   所以一定唔會買囉   之後去一田超市行下   大激安呀又   咁見唔多人排隊   就買薯片比家姐啦 ~

買完即排隊比錢   後面阿嬸無啦啦同我傾偈   又話買日清麻油好平   比佢講講下我又再去睇下   之後佢話買完番番嚟呢度排隊就得   咁我後尾買另一隻牌字   因為家姐話 759 特價過一次   仲要好快比人賣哂   咁我同番阿嬸講   佢又即刻換我呢隻牌字   哈哈   我哋兩個滕來滕去都幾搞笑 ~

買完再周圍行下   因為太凍   又買咗件風褸   之後就去買燒賣腸粉番菇場食 lu ~



3 點搞掂哂   上網睇下行程啦   睇到 4 點又有 Urgent 嘢做   做到 5 點 50 分先放工 ~

番到屋企就抹嘢   之後拖地   浸埋菜就抖下喇   今晚唔出去徑步了   好攰呀 ~

8 點預備煮喇   煎釀需要時間呢 ~

家姐差唔多 9 點先到   但我等埋佢一齊食嘛   其實咁樣好鬼肥   所以下次都係自己食先   哈哈 ~

佢一嚟到就比 Pack 印尼撈麵比我   知我想食嘛   所以我又係好驚同佢講鍾意食咩   佢一定要買到為止㗎 ~

是日晚餐 - 煎釀尖椒 + 腐乳唐生菜  

煎釀尖椒 - 我依家鍾意食尖椒   無咁臭青味   同埋有辣味 ~   

腐乳唐生菜 - 呢度 3 棵菜   如果里奧大人見到就話多囉   咁我同家姐講話妳都鍾意食菜喎   佢笑住話因為有腐乳   其實我哋兩姐妹都好重口味   但依家年紀大   真係要慢慢淡番啲口味了 ~ 

食完就食生果   里奧大人差唔多 10 點就番到嚟   可以幫家姐整埋電話   之後傾多陣偈   家姐 10 點半都走人 lu ~

家姐鍾意蜜糖味   



每人 2 支麻油   佢勁開心啦



沖埋涼  睇多陣電視   11 點半先瞓   因為我太夜食飯   唔想咁早瞓呀 ~