黑椒豚肉扁意粉 + 銀絲旺菜 ( 21-NOV-2017 )

( 21-NOV-2017  TUE )

今朝好凍呀   加上天陰陰   完全係冬天嘅感覺   好後悔無着外套 ~

凍到打冷震   所以早餐要食麵餐呀 ~

菇場忙到顛 Q 咗   前所未有咁忙   今日仍然主力跟個客   但其實個個客啲嘢都好趕   8 卦先慘   問咗我幾次做完未 ?!   佢好少咁問   因為佢啲嘢又係趕到爆炸 ~

Lunch Time 都到喇   但忙到都無咩胃口   沖咗杯麥皮   但沖完真係食唔落   留番一陣先食 ~

咁上下網   話咁快又 1 點半   要即開工 ~

我 3 點先食杯麥皮呀   其實唔餓   但點都要食囉   已經凍鬼哂 ~

4 點先搞掂哂一個客嘅嘢   臭虫唔比大數我   我錯咗先比   咁原來佢係有大數啦   點解我上次錯咗 3 次都唔比我呀   真係正一死八婆   自私到爆   其實比完大數我都要再 Check   唔係唔駛做囉 ~

抖都唔抖又要繼續做   做到 6 點 05 分先放工   其實本來想再做夜啲   不過我口嗰邊熄咗冷氣   開始好焗   咁我都走 lu ~

今日勁喇   1 點坐到 6 點都唔駛去廁所   不過其實忙到都無時間飲水   無嘢好出   哈哈 ~

放工即走   番到屋企就預備晚餐   今晚家姐嚟食飯   我等埋佢先食   不過我搞掂哂都餓   所以食咗 2 條粟米先   家姐一見我話食粟米   就話小心胃病呀   哈哈   佢次次都咁講   估唔到佢又記得我食粟米唔舒服 ~

食完就去徑步   今晚徑 20 分鐘算 lu   因為有啲攰   同埋想早啲煮定嘢 ~

家姐 8 點幾嚟到   一坐低就可以開餐喇 ~

是日懶餐 - 黑椒豚肉扁意粉 + 銀絲旺菜  

黑椒豚肉扁意粉 - 煮 1 人份量咋   我禁食祈禱嘛   唔食紅肉   但家姐話好飽   咁我幫手食啲意粉呢 ~

銀絲旺菜 - 買咗 2 斤   咁可以分兩餐食   我哋覺得口感似娃娃菜   都幾好味   咁我加咗忘不了嘛   家姐鍾意食   但又話好鹹喎 ~   

搞掂哂就一齊睇電視   家姐 10 點幾先走   我就即沖涼喇 ~ 

再睇多陣電視   11 點半有睡意   所以即瞓 ~