酸辣米線 + 蜜糖焗雞肶 + 炸魚皮 (外賣) + 銀絲旺菜 ( 22-NOV-2017 )

之前睇包裝   研究緊 2 粒啡色嘢係咩來   我話應該係丸啦   估唔到係鵪鶉蛋   今次送 2 粒   之後唔知會唔會送 lu









( 22-NOV-2017  WED )

真係開始凍喎   但我仍然短袖衫   所以極度異相   哈哈哈哈 ~

早餐食芝蛋治   夠哂飽 ~



菇場忙呀又   快啲搞掂啦   想安安樂樂去旅行呀 ~

Lunch Time 出去行陣   因為難得有陽光   咁同阿墨一齊搭 Lift 嘛   講開食咩   我話我一食微波爐叮嘅食物   會喉嚨痛   原來佢同我一樣囉   但無人明白   成日以為我即叮即食   但其實個 Lunch Box 已經灘涼 20 分鐘喇喎   但食完都係唔舒服   所以無咩必要   真係唔會帶 Lunch Box ~

行到 1 點就買燒賣 + 腸粉番菇場食   食完 4 粒燒賣已經好飽   所以啲腸粉係得閒就吉 1 條嚟食   食到 2 點幾   哈哈 ~

阿墨無啦啦又走過嚟傾偈   仲話我瘦咗好多呀   勁開心啦   終於有啲成果   但其實呢兩日都瘦咗 3 磅   可能太多嘢做   無咩胃口食嘢 ~

4 點幾終於清哂啲 Urgent 嘢   真係要抖抖咯 ~

放工去街市買餸   之後番屋企 lu ~

抖多陣就去徑步   今晚都係徑 20 分鐘   咁就可以同埋家姐一齊食呢 ~

是日懶餐 - 酸辣米線 + 蜜糖焗雞肶 + 炸魚皮 (外賣) + 銀絲旺菜  

酸辣米線 - 家姐同事喺淘寶買咗   知道家姐鍾意食辣就比家姐   同埋佢同事又唔食辣   咁其實點解要淘嘅 ?!   哈哈   咁我跟足指示嚟煮啦   佢要啲米線煮完就冷凍一個鐘   我無咁做囉   冷凍咗一陣就算   其實咪即係過冷河   估唔到家姐都話辣   所以我會叫里奧大人幫我淘一箱   其實得 10 包㗎咋   哈哈 ~ 

我唔要包酸醋包酸筍絲



蜜糖焗雞肶 - 今晚好有心機焗啦   但都唔熟嘅   頂   已經焗咗 30 分鐘喇喎   仲係咁吉啲肉   估唔到仲係唔熟 ~

炸魚皮 (外賣) - 喺菇場附近買㗎   好味過喺街市買喎   咁第時買炸魚皮就方便了 ~

銀絲旺菜 - 食埋剩咗嘅一斤   浸落啲湯度   勁辣   哈哈哈哈 ~

食完都 9 點幾   所以即切人參果比家姐食   之後睇陣電視先洗碗   我洗完出來   佢居然瞓着咗   咁我又唔想叫醒佢   所以我沖涼先喇 ~

佢話個頭有啲痛同埋好眼瞓   佢話啲同事又係咁   可能 Lunch 出去食齋   嗰間齋舖好多味精呀   8 卦之前都講過   佢食重味精嘅嘢會好眼瞓㗎 ~

佢瞓嘅動作係無郁過   勁驚佢暈咗   所以行近啲睇佢有無抖氣   哈哈 ~

差唔多 10 點 40 分先醒呀   之後佢話瞓到手都痺咗   佢去埋廁所就走喇   好在啱啱有車   所以都好快番到屋企 ~

咁我上 Youtube 睇嘢   睇到 11 點 40 分先瞓 ~