蟹籽燒賣皇 + 潮州蒸粉果 + 四寶滑雞扎 + 炸物 (外賣) ( 12-JUN-2022 )

炸物 - 最好食都係炸蝦角   

潮州蒸粉果 / 蟹籽燒賣皇 / 四寶滑雞扎 -  我留起 1 個粉果 + 1件雞扎 + 1 粒燒賣比里奧大人聽朝做早餐   韭菜餅就因為唔夠粉果   所以我揀佢喇   無諗過粉果會爆開哂   哈哈

( 12-JUN-2022  SUN )

今朝 8 點 45 分自然醒   咁都起身整早餐 lu ~

家姐問黑色係咩來 ?!?!   我話係燶咗呀   哈哈哈哈

食完就大清潔屋企再拖地   最後就大清潔廁所   沖完涼抖陣就番教會喇 ~

崇拜完畢就同阿妹傾偈   今日里奧大人 2 點先放工   好在有佢陪我   哈哈 ~

買完 Lunch 就番里奧大人公司   食完就出發去旺角喇 ~

今次都係行花園街   因為我要買 One piece   我一口氣買咗 5 件呀   接近 $900 其實都抵   因為質料都唔錯   同埋件件唔同款先開心   之後里奧大人即刻去比錢   我其實諗住自己比㗎   話哂係我要買嘛 ~

咁我又買個小新盒同 2 張 KAKAO FRIENDS Placemet   個收銀員居然問我幾錢 ?!   因為佢係唔想搵個價錢 Label 位置   呢啲咁態度真係唔多掂 ~

咁我拎銀包比錢   有個中學生問佢有無暖水壺   佢答你要咩款 ?!   中學生話妳有咩款 ?!   佢就話有咩咩咩款   之後中學生話想睇   佢就指個位置比中學生睇   我聽住佢地對話好笑   一早話個位置喺邊就得啦   反正都要去睇下   雖然有時想買 A 款   但最後覺得 B 款係最好咁都得家嘛 ~

買埋地毯   再去點心達人買晚餐就搭車番屋企了 ~

番到屋企即試哂所有 One Piece   全部都好啱身   真在太感恩喇   我同里奧大人講話有件衫好擔心唔啱身   里奧大人笑住話擔心就唔好買啦   比妳激死   我話我想要嗰啲款嘛 ~

佢問我今日開唔開心呀 ?!   我話 200% 開心呀   因為陪我買衫又送比我   佢話: 算妳啦   妳都好知足   咁就算佢唔送衫比我   但肯陪我行都開心啦   真係呢 ~

沖埋涼就休息下   今晚 6 點半可以開餐   因為只係蒸熱同焗熱就搞掂 ~

洗埋碗就開機洗衫   之後睇陣電視   今晚 11 點唔夠都自己瞓先喇 ~