蒜蓉燒汁雞膇 + 昆明生菜 ( 17-JUN-2022 )

( 17-JUN-2022  FRI )

半夜去完廁所   真係比較難瞓番   可能尋晚食咗齋燒鵝熱氣呀 ~

今朝起身有啲頭痛   最慘係咁發夢   去完廁所就入課室番學   但唔知點解去咗另一個場景   行番去課室要 15 分鐘   仲要上一條好直嘅樓梯   好記得我上到去已經無哂力   之後鬧鐘響   如果唔係響   可能我喺夢裡面已經暈咗   哈哈哈哈 ~

早餐食腿蛋治   今朝好想食鹹嘢呀 ~

阿花又 Get 同款   所以我又有爆谷同海鮮杯麵食喇   哈哈

菇場忙下停下咁啦   但今日啲時間都快過 ~   

Lunch Time 出去買糖同包   順便買盒朱古力比阿花   最後買埋乳酪就番菇場喇 ~

阿花話係咪交換禮物 ?!   我話係   哈哈哈哈

都仍然係唔太忙   所以又 Skype 又 Whatsapp 傾偈   時間過得快好多呢 ~

放工即走   番到屋企都可以做小清潔   因為里奧大人無啦啦喺公司開緊急會議 ~

做到成身汗又餓喎   所以 7 點幾都自己食泡菜拉麵先   等埋里奧大人番嚟先一齊食餸 ~

里奧大人 8 點半先番到屋企呀   叫佢食完先沖涼   因為開冷氣食麵都可能會出汗   哈哈 ~

是日懶餐 - 蒜蓉燒汁雞膇 + 昆明生菜

蒜蓉燒汁雞膇 - 其實想冬菇燜雞膇   但唔想食飯   所以仍然係焗   咁樣食麵就會夾啲   哈哈 ~

昆明生菜 - 之前剩 2 棵   今晚都要食埋去 lu ~

洗埋碗就即開機洗衫   之後即沖涼喇 ~

我同里奧大人講話頭先做完小清潔   唔知點解隻左手係慶㗎   我真係第一次咁情況咋   佢話可能發炎   講講下都可能係   佢又叫我唔好煮飯兩星期   我話諗諗先啦   成日食出面嘢好悶嘛   雖然我煮都唔會話好得去邊   哈哈 ~

睇電視睇到 11 點都自己瞓先   今晚有啲攰 ~