青咖哩扎肉炒刀削麵 + 椰菜 ( 9-JUN-2022 )

( 9-JUN-2022  THU )

感恩一覺瞓天光呀   鬧鐘未響都醒咗添呀 ~

里奧大人有個習慣   成日好鍾意叫我拎呢樣嗰樣   明明係應該佢自拎   就等如飯盒咁   不過我唔會幫佢拎   因為我要佢習慣拎飯盒番工嘛   之後佢自己拎啦   仲話舉手之勞都唔得   呢句好笑   哈哈 ~

早餐食餐蛋治   感覺係食新嘢 ~

菇場忙呀   好在今日夠精神呢 ~

Lunch Time 雖然落雨   但都係想出去行陣   買咗豬腰芒比里奧大人食   出去真係要買下嘢先安樂咁   其實勁想唔帶銀包   但驚比人查身分證呀   哈哈 ~

我會買定豬肉鬆同豬肉乾比里奧大人喺公司食   佢覺得呢啲都係餸菜之一   哈哈   

成日縮埋身咁瞓覺   我可以好似佢咁就好喇   哈哈哈哈   

仍然忙   但都要準時收工   因為難得無落雨   拿拿臨去買埋雞骨草比里奧大人就番屋企了 ~ 

里奧大人早過我番到屋企   所以我都快快手煮晚餐了 ~

是日晚餐 - 青咖哩扎肉炒刀削麵 + 椰菜

青咖哩扎肉炒刀削麵 - 焗熱扎肉再切條   加埋椰菜絲同 XO 醬一齊炒   我覺得都算係方便菜式   哈哈 ~

椰菜 - 我都鍾意食椰菜   爽爽甜甜咁   又可以擺得耐少少就最好 ~

洗埋碗就沖涼   今晚飲咗米酒   所以唔跳舞喇 ~

里奧大人 8 點 45 分要開會   真係好邪囉   星期二先同里奧大人講話好耐無開會   點知佢尋晚話今晚要開   之後里奧大人都話我把口都真係   哈哈哈哈 ~

喺菇場又係咁   我同 8 卦講老闆未番   點知唔夠 5 秒就見到佢   好多時係咁   所以之後我咃有共識   大家唔好問老闆幾時番   哈哈 ~

終於 10 點 45 分開完   次次有 Melody 開會都會最少要兩個鐘囉 ~

今晚 11 點鬆啲都瞓   唔知係咪夜晚天氣涼涼地   好似好易眼瞓咁呢 ~