蒜蓉豬肉拚腸仔 + 菜心苗 ( 11-MAY-2023 )

尋晚食剩嘅雞膇同白飯

尋晚食剩少少梅菜扣肉

仍都係尋晚食剩嘅魚片炒烏冬   哈哈哈哈   所以里奧大人話今晚想食台灣嘢   我話唔可以呀

里奧大人叫我比啲佢食   我以為自己聽錯   因為佢好少食呢啲嘢   佢話個樣好似好煙韌好好味咁   哈哈   我次次都剪開一條條咁食   咁樣方便好多呢

( 11-MAY-2023  THU )

感恩瞓得都唔錯   但今朝又陰陰天落毛毛雨   感覺比較攰 ~

早餐食醬占多士   仍然覺得好味道   以前食多士一定大火   因為好怕烘咗等如無烘   同埋加一蚊雞㗎   同食方包無分別一定唔得啦   哈哈 ~

菇場忙下停下   西瓜 11 點出去做嘢   真係爽喇   無人行來行去 ~  

依家想飲多啲水   所以又用番個超大杯   肥仔豪話又見番個大杯喇   我話因為之前手痛先唔用   但其實我用呢隻杯   啲同事以為我真係食完麵要洗杯呀   搞笑 ~

阿花買咗盒擦子膠糖   所以又請我食 2 粒   哈哈

Lunch Time 出去買青瓜同洋蔥   再行多陣就買雞翼紅薯粉番菇場食喇 ~

西瓜唔喺度   菇場就最靜   因為個個篤手機   所以阿花話西瓜唔喺度   佢叫做自由活動   哈哈 ~

放工即走   同里奧大人一齊番到屋企   我一入屋覺得好凍   原來里奧大人無熄冷氣呀   真係比佢激死   佢笑住認衰   我話我都要照鬧   同埋真係整定比我知   因為無咩幾何同步入屋嘛 ~

  

是日懶餐 - 蒜蓉豬肉拚腸仔 + 菜心苗

蒜蓉豬肉拚腸仔 - 九唔搭八呀呢   但唔想焗唒啲豬肉   但太少又似食剩   所以清埋冰格最後 4 條腸仔   將所有嘢剪到一粒粒   咁樣變咗一大碟咁   哈哈 ~

菜心苗 - 終於食哂喇   我無落油同豉油   但都好好食㗎   不過見有梅菜汁就落埋啦   唔好嘥嘛 ~ 

里奧大人番學   我就出去行下   行咗半個鐘都番屋企 lu ~

沖埋涼就休息休息   里奧大人準時放學   所以等佢沖埋涼就睇 "鬼怪" ~

睇咗半個鐘就瞓   又係 11 點唔夠都瞓先   睇劇真係好易令人眼瞓   但唔係悶   只係集中精神睇又追字幕   所以好攰   哈哈哈哈 ~