慢慢行 ♡ 首爾。南韓 DAY 1 (PART 2/2) ( 29-MAY-2023 )

( 29-MAY-2023  MON ) - PART 2/2

食完就行番去酒店喇   沿途又周圍望下咁啦   哈哈 ~

食店設計幾得意噃   有架車衝出來咁   夜晚睇應該無咁清楚

其實都想去豬腳小姐食晚餐   但我知道細份嘅份量都好多   我哋兩個人根本無可能食到囉

食物同價錢都吸引嘅

可能星期一關係   我覺得唔算多人

成日見韓國 Youtuber 食 bhc 嘅炸雞同芝士波   所以我都想搵晚試下

去到酒店都 3 點 20 分了   Check-in 後職員話早餐 Last Call 係 10 點   咁無問題啦 ~

搭 Lift 位置

早餐時間

職員好 Nice

基本上唔會叫 Room Service 同埋喺酒店餐廳食嘢

酒店外型係幾型格嘅

唔知係咪會用呢架車接送住客呢 ?!

電梯入面都好暗

走廊都好暗

入房喇

我覺得算唔錯   比我想像中大   但就比較暗

雙人床 & 小梳化

如果係咁光猛就好喇

衣架左下角係夾萬   但里奧大人部大機都裝唔到囉   右下角係迷你雪櫃   酒店都有提供茶包

有茶包提供的

估唔到係電子馬桶

淋浴露 / 洗頭水 / 護髮素 / Body Cream   而紙袋入面有鬚刨 & 梳 & 棉花捧等等

呢個係真電話嚟㗎

我鍾意呢個小區域

我好鍾意嘅紅磚牆

呢個茶几真係好正

估唔到會出現個迷你滅火筒   都無留意係真定係裝飾添

好在張床唔係對住個廁所

另一邊係浸浴同花灑浴

一定唔會浸浴   哈哈

 

最鍾意呢啲大花灑噴頭   沖完涼成個人醒哂   哈哈

一開電視就係 Trot 表演   唔係咁啱我

同里奧大人每人一張卡片   之後我話影相咪得囉

乜都黑色   又暗喎   好在眼力唔算太差咋   哈哈

路在口邊   加上真係唔知點去地鐵站   自己搵係好嘥時間   所以問另一個職員點行去地鐵站   估唔到佢係流利英語   咁就真係易聽好多啦   因為韓國人多數講韓式英語嘛 ~

我哋 4 點 10 分走人   行去弘大地鐵站只係 10 分鐘左右   我覺得算近   人生路不熟都只係用 10 分鐘喎   咁係咪算近先 ?!   哈哈 ~

一出酒店條路就係咁   唔算多人   感覺呢度係靜中帶旺咁   因為行出多兩個街口就比較多人呢

去到地鐵站   第一時間申請 WOWPASS (手續費 KRW 5,000)   之後就即刻增值 HK$500 (兌換率 1:163.87  KRW81,000)   但都係驚唔夠用   所以再增值多 HK$500 (兌換率 1:166.4  KRW83,200)   其實住弘大有個好處   因為地鐵站 1, 2, 8, 9 號出口都有 WOWPASS 機   咁樣兌換錢就好方便呢 ~

之後就增值 T-Money   好感恩用到呀   因為阿齋借咗 2 張 T-Money 卡比我   但佢話有效期係 6 年   佢又唔記得買咗幾耐   所以佢都話可能用唔到㗎 ~

地鐵站內好焗   所以去到邊都好怕搭地鐵   但搭地鐵又實在好方便

沿路都有店舖   如果有冷氣   我一定會慢慢睇   哈哈

阿齋借比我哋嘅 T-Money 卡

感恩可以用到   希望下次阿齋都用到啦

餘額 3,320W   另一張都有餘額   但唔記得幾多   但佢之前話張卡無錢㗎噃

搞掂哂都 4 點 45 分   旅程正式開始喇 ~

因為里奧大人想買 Tee   所以我都會揀有男裝衫嘅 Shopping Mall   其實本身想去高速巴士地下街睇睇先嘅   但上網見到話永登浦算最多男裝   咁第一站就一定去永登浦啦 ~

@ 弘益大學站 (Hongik Univ.)

我覺得英文同數字嘅字體要大隻啲囉   離遠真係見唔到咁滯

唔少人等車

我以遊客身份覺得   沿途望住咁嘅環境都唔錯㗎   哈哈

諗起屍殺列車   Oops

要轉車喇

係要再行前   先可以上去

上到去再繼續行

之後去錯出口   所以上完又要落番嚟   哈哈

終於啱喇   呢個站無咩人等車

見到粒粒石頭喺路軌   我覺得好似搭火車   哈哈

差唔多 5 點 20 分先到永登浦呀   上網睇話去永登浦地下街算係用最少時間   不過可能我哋唔識路   需要啲時間去搵呢 ~

又熱又口渴   所以即去便利店買凍飲

臨走前一日   我就會買奶類飲

如果有 ASTRO   我一定會買

呢啲杯裝咖啡都幾吸引

家姐鍾意西瓜味軟糖   所以即刻影定相   之後先再去買   首爾好熱呀   人都熱溶   何況係糖   哈哈

大叔樣包裝嘅糖   我同阿花叫佢做阿彬糖   因為 Binnie 食過   仍都係之後先去買

 

去到永登浦地下街入口   眼見都 OK 㗎   點知越行越入就越唔對路   所謂嘅男裝   真係阿伯衫喎    真係得啖笑 ~

咁睇好似幾吸引咁

其實賣男裝嘅店舖   都唔係好多間咋噃

鍾意睇 One Piece   但啲款唔係咁啱我

呢間嘅男裝衫都幾有時代感

難為咗里奧大人   一心同佢去睇男裝   點知個場啲衫係咁重男人味

但一場嚟到   點都要行到最尾   哈哈

越行就越覺得對唔住里奧大人   哈哈哈哈

諗住出去睇下有咩地方可以行下   但唔多覺有噃

天氣太熱了   唔係我會過對面影相

上咗地面一陣咋   真係急不及待要入番商場

行到攰   睇下有咩地方可以食下嘢同坐低抖下

想食 WAFFLE

但食店好焗   所以都係唔食喇

繼續行   同里奧大人留意身邊係咩嘢年紀嘅人先會行   之後我哋一路行一路笑   呢個場真係唔會再來

有店舖新開張

好熱鬧咁

差唔多行到 6 點都走人喇   諗起又要行番地鐵站   我已經覺得好攰    哈哈哈哈 ~

攰到連 LOTTE 都無心機行

經過麵包店又影下   韓國嘅麵包都貴喎

Millefeuille Soboro   呢個酥皮包好正咁   不過我係鍾意睇多過食   哈哈   始終麵包呢啲飽肚嘢   真係好少特登買嚟當少食咁呢

Mont Blanc Pastry   呢個睇樣都好飽肚

Soboro Bread   其實都啱我口味   如果家姐一齊嚟埋   佢起碼買 3 款唔同嘅麵包   因為佢勁鍾意食麵包

Neige Chocolate / Chocolate Prokent / Chocolate Cranberry 都唔錯喎

Meringue Cookie 仲吸引

Food Court 賣嘅食品   大大件嘅壽司

木制食物架好靚呀

蛋糕就無咩興趣

第一日嚟到首爾   我已經比地鐵嚇怕咗   點解唔整條扶手電梯呀   哈哈

好在無人等車   因為要行到好前先睇到數目字

去到弘大都 6 點半喇   但我哋兌換咗啲錢   所以要番酒店放低先 ~

KAKAO FRIENDS 係必去行程之一   但唔係今日去睇

買支大嘅梨汁番酒店慢慢飲

居然有 Melody 雪條   阿花見到實會買

經過見到 Sul Bing (雪冰)   實在太好喇   因為我都會去呢間食冰   依家知道喺酒店附近就易搵好多呢

呢支梨汁都幾甜

我嘅平安錢   即係一定要留到最後去機場嗰日   到時可能要用嚟搭車或者食嘢

抖到接近 8 點就出去搵食   基本上嚟韓國   食晚餐都係想食烤肉炸雞飯卷同部隊鍋   所以如果搵得番今日見到食部隊鍋嗰間   就就入去食喇 ~

唔講都唔知已經 8 點呢 ?!   因為個天都仲未黑

無咩人行最好

我其實鍾意黃色衫同袋   基本上我都鍾意鮮艷嘅顏色   不過依家肥所以啲衫裙要偏向沉色   哈哈哈哈

白色都好睇

因為呢對係增加自信嘅鞋   搞到我都想買   哈哈

Bin ar 你好嗎 ?!

見到有間教會

呢度都有唔少食店

無高樓就好易見到月亮   羨慕羨慕

弘大都好多嘢睇   又多嘢食   阿齋真係無介紹錯

拉麵就無咩興趣

佢哋跳舞都好睇㗎

好似香港嘅村屋設計

終於去番呢間食晚餐喇

歡迎光臨

中午係開咗窗㗎   但夜晚就關咗窗

我鍾意餐牌有相片   會大概知道食材係乜東東

部隊火鍋 (Sausage Stew) (11,800W/一人份) - 我哋揀咗烤牛肉   呢個係 2 人份量   原來 1 人份量只得半個麵

里奧大人自己都要影番張相留念

我哋覺得味道唔夠   但旨在食下 "正宗部隊鍋"   其實都唔知咩係正宗唔正宗   哈哈

我鍾意食魷魚

食完先見到有人去拎泡菜同黃蘿蔔

我成日同里奧大人講   去韓國一定要飲韓國啤酒   CASS 就係其中一個牌子

店內環境

食完都 9 點半   又喺弘大行下先 ~

終於天黑

都有唔少街邊檔   佢整緊冰糖胡蘆

食羊肉就唔多啱我喇

Busking

好鍾意件黃色外套   但睇落好似員工制服   哈哈

依家好多地方都係呢啲設計   企喺樓梯影相都幾唔錯

同里奧大人睇下男裝衫

呢啲淺色都唔錯

時裝店都有幾層

好多地方都見到   但唔知有咩用途

好似 Berry 細個嘅時候

我覺得唔算多人   可能星期一關係啦

呢間柳氏家辣炒雞排   好似幾吸引咁

搵一晚嚟食先

唱 K 嘅地方   咁開揚都幾特別

疫情前 1,000W 一對   依家 2,000W 一對   咁一定唔會買了

韓國真係好多烤肉店同炸雞店

廿幾年前喺日本見過   當時好似港紙十萬一部

韓國人都勁鍾意打卡   我見有啲網紅食店   要排 2 個鐘㗎   真係咪搞我

買冰糖胡蘆的   生果係士多啤梨

呢間餅店啲蛋糕幾吸引

繼續周圍行下

生人勿近

韓國都好多白色車

諗住食雪冰啦   因為難得經過又見到嘛   不過實在太多人   所以唔食住 lu ~

再行下又經過 DAISO   咁就一定要去睇下啦   比錢嘅時候聽到廣播   我估應該係話就嚟關店啦   因為差唔多 10 點 ~

見到 KAKAO FRIENDS 產品就最開心

影比阿花

零食種類唔多

差唔多到酒店   原來酒店對面有間地道超市   所以去買雪糕   好想每晚都食一款雪糕或者雪條呀 ~~~~

又見到月亮

酒店附近有間超市   咁樣就方便喇   哈哈

想買餅乾做手信   始終買薯片比較麻煩

 

買呢兩款番酒店食

10 點 10 分番到酒店   食埋甜筒先沖涼 ~

里奧大人真係好鍾意食呢啲雪糕批

好濃朱古力味

好多朱古力脆粒   雖然成個甜筒都好味   但食完有啲漏   哈哈

今日買咗少少嘢   除咗 2 盒辣雞餅 (1,700W/盒)   其他全部都係 1,000W/件

我覺得電視機好細部   瞓喺床到睇都幾辛苦

今晚瞓覺時間都同喺香港差唔多㗎咋   即係 11 點左右瞓   去旅行都唔會 Chur 到太盡   到頭來係自己辛苦   哈哈 ~

呢日行程完畢 ^^