慢慢行 ♡ 首爾。南韓 DAY 2 (PART 1/2) ( 30-MAY-2023 )

( 30-MAY-2023  TUE )

感恩一覺瞓到 9 點呀   梳洗之後就去食早餐喇 ~

咁嘅光線   係咪想瞓多陣 ?!   哈哈哈哈

餐廳地方都闊落

睇到嘢嗎 ?!   我見依家好多男團都係咁

芒草 ?!

咩玩法

見到花都開心   不論真花假花同埋畫嘅花

一張長枱   放哂麵包 果汁 麥片 生果

旁邊係咖啡機

我要飲杯美式咖啡

咖啡機沖嘅咖啡   唔好有要求

我真係睇緊邊度有 BAGEL 㗎   哈哈

沙律菜

沙律醬汁

香蕉

有鮮奶同橙汁   但唔記得中間係咩

每次去旅行   我最期待係酒店嘅自助早餐   但今次嘅早餐唔係自助餐   真係有啲失望 ~

里奧大人比我更失望   因為佢知我最想食自助早餐   但睇酒店 Website 又無特別註明係獨立早餐 ~

不過咁   我其實對弘大呢區完全唔熟悉   如果附近無早餐食就麻煩   因為唔知邊度有嘛   所以點都會加錢食早餐呢 ~

早餐只有兩種選擇   Korean Breadfast OR American Breadfast

全部客人都食美式早餐   哈哈

對我嚟講   呢份早餐真係超級豐富

里奧大人都要自己影相留念   兩份嘅份量都差唔多

樣樣都係即整嘅   所以都好味道   同埋嚟緊 5 日都會食佢㗎喇   因為韓式早餐真係唔吸引我呢

我想食多士呀

雖然係多士   但口感都好 Soft 噃   唔錯唔錯

餐廳門口位置

等電梯時可以自拍   因為門口就有塊大嘅直身鏡呀

食完就番上酒店抖下   沖埋涼就出發喇   都已經10 點 50 分了 ~

好好天氣   感恩感恩

工業風酒店   其實同污糟真係有咩分別 ?!   但我鍾意   哈哈哈哈

我覺得算開揚㗎喇

後樓梯位置

因為間房實在太暗喇   同個 Wedsite 影出嚟嘅出入好大嘛   所以問職員可唔可以轉房 ?!   但可惜間間房都 Full 哂囉

酒店行過少少   就會見到呢間超市   所以買嘢好方便

熱

呢間 GS25 便利店比較細

人同車都唔多

呢間都應該係型格酒店   同埋都應該係貴

KFC 都吸引㗎

里奧大人一定全程拎住手機搵路

首爾都有共享單車   仲好乾淨添喎

再行前少少又見到

里奧大人研究緊呢架車嘅用途

唔通車主行開咗 ?!   因為個袋係開住咗喎

OLIVE YOUNG   可能係男人最恐懼嘅地方   哈哈哈哈

好多樹   所以行起上嚟係好舒服

經過 KAKAO FRIENDS   我同里奧大人講話搵日入去睇下   但里奧大人話難得無人   梗係依家入去睇啦   其實 KAKAO FRIENDS 係行程之一   因為我呢期好鍾意 APEACH 呀 ~

里奧大人 Send 啲相去群組   家姐話阿妹最 like   因為之前家姐去韓國   我都叫佢幫我睇 APEACH 公仔   嗰時買都貴㗎   所以叫佢唔好買   但佢最後都係喺香港買咗比我 ~

@ KAKAO FRIENDS (弘大旗艦店) (首爾特別市麻浦區楊花路 162)

點影都靚   哈哈哈哈

一入門口就見到好大隻 RYAN

最鍾意 APEACH

比着以前   真係唔理三七廿一買咗先呀   但依家真係覺得買公仔係最無謂囉

記事簿都勁鍾意   但屋企太多簿喇   所以真係無可能再買   影咗當買咗啦

玻璃杯就一定唔買   喺香港買番屋企都驚整爛啦   哈哈

行上一層睇下先

屋企牆紙係咁就好喇   哈哈

點解我無捉住佢哋影相㗎   可能見到已經太興奮

勁鍾意呀

呢套就麻麻哋   里奧大人每次聽我話好鍾意   佢就會問有邊啲唔鍾意 ?!   我話有㗎   哈哈

睡衣好靚但好貴

中間個小欖枕又唔貴喎   但買嚟又無乜用

撥扇只係 1,500W   所以買咗把 APEACH

其實呢啲風扇仔   只係用嚟擺設   哈哈

但望住都開心嘅

影相紀念下

呢隻公仔真係無咩興趣

呢樽糖接近 HK$60 呀   實在太貴   真係唔捨得買

糖嘅顏色好靚呀

兩個鐘都幾靚

個 Mon 都係佢哋做版面

又影下先

畫簿

影下相又睇下嘢   都用咗 20 分鐘   感恩里奧大人肯陪我睇咋   嘻嘻 ~

今日搭地鐵去明洞   咁落到去到地鐵站   見到有電梯   我同里奧大人講話要搭呀   好在都有人搭咋   哈哈 ~

反正到咗地鐵站   所以又增值 WOWPASS   今次增值 HK$1,000 (1:166.21 - 166,210 KRW)   其實用唔哂都唔怕   因為可以兌換番港幣呢 ~

弘大入口站 8 號出口就可以去到 KAKAO FRIENDS

見到有電梯真係雙眼發光㗎

T-Money 機

WOWPASS 機喺地鐵 2 號線弘大站出口站 ( 往1,2,8,9 號出口走 )   所以住弘大就有呢個好處

我要影住成個過程   下次跟住做就可以

領取韓幣現金

重新發行新卡

再插入 WOWPASS 卡

之後會見到 WOWPASS 餘額

選擇要儲值嘅貨幣   我哋當然係 HKD 啦

Maximum Card Balance KRW1,000,000

確認貨幣

因為尋晚已經開咗卡   所以餘額有 81,340W

依家再增值 HKD1,000

我唔知兌換率係唔係同明洞一樣   但如果用 WOWPASS 就要比手續費   好處係妳用幾多就拎幾多   始終我唔係成日去韓國   唔想又兌換咗一堆 WON 番香港呢

正在儲值   請稍後

我要收據做記錄

成個過程   如果識嘅話   真係 2 分鐘就搞掂   但尋晚第一次用   真係搞咗好耐呢

今日去明洞   雖然搭 7 個站   但中途要轉線要行 10 分鐘   應該係識行就 10 分鐘囉   呵呵 ~

又準備上上落落啦

呢張係幾年前嘅 T-Money 卡   唔知依家係咩款式呢 ?!

數字 239 字體都已經唔係大隻   點知 238 同 240 就更細   哈哈

嚟咗韓國短短一日半   我已經非常感受到韓國人係非常行得

坐勻哂所有站   唔知要幾多日呢 ?!

咁睇就簡單得多

候車區都算闊落

大家都有位坐   值得影相留念啦   哈哈

又要行一段路喇

下次有機會都想入去食嘢   體會一下當地文化嘛

椰子餅好靚呀

吸引我睇嘅   係因為每款麵包都有註明 KCAL   真係好少見呀   但食個包都要計   我覺得好唔享受啦

有香腸就一定高卡

香港都有類似呢啲包   但就貴囉

Potato Salad Bread 都幾正

核桃燒

我對呢啲小食真係無咩興趣

冬天食一流   如果新鮮整出來嘅話

自助點單好方便

酥皮蛋撻賣相就一般噃

我鍾意睇帽   因為多款過香港好多好多

我哋由 11  點 25 分開始搭   差唔多 11 點 50 分就去到乙支路   雖然唔係話遠   但仍都唔係近囉   因為阿齋成日話去邊都好近   而我好近嘅定義係 5-10 分鐘咁囉 ~

今日都好熱下   加上喺地鐵站上上落落   其實都已經有啲攰嘅感覺   哈哈哈哈 ~

上樓梯其實唔辛苦   如果搵啱路嘅話

LOTTE

呢邊似商業區   因為見到唔少人係掛住公司卡

如果有風   其實踩單車番工係舒服嘅

LOTTE DUTY FREE 嘅超市

里奧大人影自己想買嘅零食   之前我喺香港買過比佢   但出咗一排又無出   依家見到都應該會買㗎喇

唔知價錢係咪同其他超市或便利店一樣

漬物同涼拌都幾正

有餸同湯   但其實仲有好多唔同嘅食物   不過無影到

因為想去洗手間   所以上到 4 樓

每層嘅地方都好大   但無乜人

全部賣嘅   都係貴嘢

呢啲質地嘅衫   真係要高高瘦瘦先着得好睇   不過睇睇下都幾似睡衣

坐喺度等人真係唔錯   距離洗手間好遠㗎   所以唔怕會有味道

頭先買嘅 APEACH 撥扇

Directory 係有語言可以選擇的   咁就方便喇

好唔想出去呀   哈哈

呢個哥哥係負責指揮交通

對面有 SPAO  TheyB   ALAND   但呢啲店鋪就唔會特登去行呢

大熱天時喺戶外做嘢   真係好辛苦

LOTTE young PLAZA

12 點半到明洞地下街   睇咗個場   唔會期望可以買到啲咩   不過又無咩所謂   因為我又真係無咩想買   只係想里奧大人快啲買到衫就得㗎喇 ~

明洞地下購物中心

最緊要有冷氣   哈哈

想買涼鞋但唔想拎   所以唔買 lu

喼就真係唔會買啦

環保袋都幾貴

呢啲真係喺韓國先有得做

咁似咩咩嘅

嘩   正呀

呢間嘅杯碟都幾靚

疫情前喺地下街買衫好平咋   7,000W 就買到一件   依家真係樣樣貴一倍

我只係識 BTS  Blackpink 同林英雄

行呀行   居然比我見到 ASTRO 月曆   真係超級勁開心呀 ~

阿花佢又唔要   佢只係想要車銀優鎖匙扣   不過我問咗店主   佢話無囉 ~

見到 ASTRO 呀   其實係開心得嚟又傷心   遺憾由 6 星變 5 星再變 4 星

里奧大人叫我買呀

可能成為絕版了   嗚嗚

Sticker 就唔買了

女團就無興趣

SEVENTEEN 都會望下   因為我都鍾意勝寬同珉奎

到明洞喇   得一團遊客嚟咋

呢條街有唔少食店

里奧大人同家姐講話我追星   咁好難得嚟韓國嘛   梗係要睇下我班寶貝啲周邊啦

又見到 ASTRO 同車銀優   開心開心

有 ASTRO 就好啦

Plastic Card

阿花唔要銀優卡   所以我就咁買 ASTRO 就算喇

其實係里奧大人叫我買㗎   當為留念都好   佢成日都話無諗過我會鍾意 ASTRO 咁耐   我都同阿花講 ASTRO 係第一個追嘅團   仍都係最後一個追嘅團

呢套 Sticker 都幾得意   但質地唔係咁好

我要認住呢間   哈哈

K-MART 超市

成條街都無咩人

李棟旭身型一流   佢起碼高我一尺

我成日覺得佢對眼無咩神咁   哈哈

行行下比我見到 "荒謬的生肉"   呢間都係會 Plan 去食嘅   同埋原來已經 1 點 15 分   所以就去食喇 ~

食店只係提供兩款肉類   但係可以無限食嘅 (如無人等嘅話) ~

荒謬的生肉 (明洞店)

無限提供 (16,800W/人)

又要上樓梯   哈哈哈哈

職員幫忙開爐   再同我哋講話張櫈   可以打開用嚟放袋的   咁就唔會有油煙味呢    

我哋坐窗口位置

我鍾意飲嘅大醬湯

抽風煙管貼住枱號   咁就好易見到   呢間食店地下好乾淨呀   唔會立痴痴

坐嘅位置都闊落

餐枱櫃桶有乾/濕紙巾供應

Side Menu 及注意事項   有人等候就限時用餐兩小時   無人等候就唔限時間    而浪費食物要額外付 3,000W

烤肉方法

自助醬料區

韓國嘅大蔥真係好正   爽爽地嘅口感   同埋食完個口唔會有口氣的   哈哈

有其他調味料供應   我記得有鹽 辣椒粉 豉油

只得兩款烤肉選擇   就係 3cm 厚切五花腩 & 梅花肉

每樣拎 3 件先

我拎嘅配菜

準備開餐

我最想帶里奧大人食烤肉   今日又完成咗一件任務喇

正宗韓燒   哈哈

應該係無醃過嘅肉   食落無羶味又唔 "鞋"

剪到一片片就會快啲熟

我嗰邊火力大啲   因為里奧大人嗰邊都燒唔到脆邊嘅

配菜多過肉

再食多 3 件五花腩就收工

職員見無乜湯   就會再加湯 (唔係水)

個湯熱辣辣呢

大滿足

同異性一齊嚟要小心呀   唔好因為無限時而食出個大肚腩來   哈哈哈哈   真抵死

唔記得係咩茶   仍都唔記得係凍定熱添

呢餐 33,600W   平均 1 人只係 16,800W (HK$103)

食到 2 點半都走 lu   係時候又要行下幫助消化 ~

呢日未完㗎 ^^