Babymama: 慢慢行 ♡ 首爾。南韓 DAY 2 (PART 2/2) ( 30-MAY-2023 )

( 30-MAY-2023 TUE ) - PART 2/2

行咗一個鐘左右里奧大人話好攰呀要搵個地方坐但其實搵個地方都用咗要唔少時間哈哈 ~

韓國應該有唔少雪冰店

芝麻油平過香港幾蚊辣椒醬就幾乎同香港價錢一樣真係無諗過我以為起碼平香港一半添

曲奇餅都幾吸引但我唔會買始終我對自己揀韓國零食無咩信心哈哈

我部手機應該開始有問題因為有 2 條黑色直線但影嘅時候又唔覺有喎

勁鍾意呢個袋仔但接近 HK$200 就覺得貴啦如果 $100 就會買哈哈

DIY 獨一無二係正嘅

Sausage & Tteok-ggochi 要 4000W 接近 HK$25 喺明洞食嘢真係貴咗 Double 呀

全部店舖嘅襪都係 2,000W 一對阿爽今朝 Whatsapp 叫我幫佢買襪佢都係以為 1,000W 一對但佢話如果一千鬆啲啲都可以買之後我覆佢 2,000W 一對喇所以佢話唔買啦因為今朝我都同阿齋講咗佢都話 2,000W 一對唔會買呀家姐又係咁講佢哋疫情前去只係 1,000W 一對咋

係多款式嘅不過咁嘅價錢就唔會買 lu

橫街窄巷都無咩人

比我見到 1,500W/對 --> 15,000W/11 對影相比家姐睇佢話要呀所以即刻買比佢

同里奧大人一齊揀佢揀得仲細心過我哈哈

又見到 ASTRO 喇

但紙質唔靚所以唔買

呢啲好有淘寶 feel

之前已經買咗筆袋如果唔係都會買番個

店名叫 "恭喜面館" 里奧大人話諗起 "驅魔麵館" 呀

好多人會去明洞嘅 "大使館" 兌換錢

兌換率係 HKD167.80

呢條街都有唔少兌換店

其中一間兌換率都係 HKD167.80

想落雨 ?!

我同里奧大人話咁似香港故宮入口嘅

再望真啲先知原來係 "中華人民共和國大使館"

咁里奧大人話要搵地方坐嘛咁諗住食雪冰啦但其實呢間入面只係飲咖啡哈哈

之後搵到呢間 Angel-in-us

見到有 CROFFLE 呀所以就入去食喇

蛋糕唔錯但唔想食哈哈

影定相最好之後直接比店員睇就可以了

我都係鍾意食芒果多啲

呢啲麵包就無咩興趣了

地方好闊落同埋最緊要冷氣夠呀

可以坐喺度慢慢等佢響哈哈

有得食喇

Croffle with Ice Cream (5,700W) - 好味呀但就要快啲食因為啲雪糕好快溶

Apple Mango Ice Flakes (12,000W) - 芒果好酸啦好在最後先食佢可以幫助消化哈哈

特登將啲芒果粒切到大小不一 ?!

有對男女行去吸煙房吸煙但將手機手袋就咁放喺度韓國治安都真係好好喎

我同里奧大人講話記得明洞有街邊小食但頭先周圍都唔見有里奧大人話係咪夜晚先有呀 ?! 我話唔會啩做遊客生意喎但我之前上網睇啲人真係日光日白喺明洞食小食喎 ~

坐到 5 點半之後再行出少少就見到好多小食檔喇嗰刻真係好開心啦同埋真係好在里奧大人話要搵地方坐咋如果唔係走咗就食唔到㗎喇 ~

最鍾意同里奧大人掃街所以每次去曼谷同台北都一定同里奧大人去夜市咁先知道當地人係鍾意食啲乜呢

章魚餅其實好味㗎但太大塊就唔想食囉因為天氣太熱喇戰鬥力大減

烤地瓜喺冬天食就正但依家咁熱就真係唔好搞了

呢檔係章魚串同烤栗子等等

我同里奧大人講唔寫價錢就唔買呢幾年無去旅行我覺得自己弧寒咗好多咁呀哈哈哈哈

炸雞係吸引不過再去睇多幾檔先

7,000W 一串烤羊肉真係好貴喎接近 HKD4x 而牛肉串更貴要 9,000W

雞蛋包好多人都話好好食

咁睇都吸引嘅

估唔到又幾好食喎加上熱辣辣真係好鬼正但一定要 Share 食啦唔係就會好飽

雖然魚糕湯係好出名嘅街頭小食但今日我唔想食

影相又有問題喇 個湯其實唔係橙色㗎

好似關東煮

呢間 DAISO 個場好細所以無乜嘢睇

烤雞肉串

熱狗

Cheese Ball & 油炸螃蟹

牛油煎蝦

見到糖餅就諗起魷魚遊戲哈哈

糖餅肯定勁甜

我的寶貝

警察局咁得意嘅

我最想食嘅迷你紫菜卷飯

6 件就 6,000W 12 件就 10,000W

我揀咗辣烤肉 x 2 + 烤肉 x 2 + 蟹肉捧 + 金槍魚

唔同國家嘅指示路牌裝飾

臨走前嘅一日一定會飲香蕉奶

買呢支菠籮味道嘅 FANTA

呢幾款好似幾好味咁

上次喺韓印紅買咗包韓國薯片份量其實都好多㗎所以我覺韓國薯片都抵買不過我唔博啫

我鍾意睇呢啲小店設計嘅衫

校服好靚呀

果乾都吸引但我唔會即刻買都係想睇下其他地方有無得賣呢

其實都唔知依家韓國興啲咩女裝衫因為依家好少睇韓劇

里奧大人一定唔比我買黑白粗間橫條着起上嚟真係肥過航空母艦呀同埋阿花話黑白橫條係漢堡神偷先着哈哈

炸雞年糕一見到年糕兩個字就覺得吸引

外賣嘅話仲包埋錫紙保溫真係好細心喎

我都買一份嚟試下

買咗酸甜味道我覺得好味呀

我同里奧大人講話搵到呢間 SHOE MARKER 就知道明洞掃街嘅位置哈哈

有人拍片

辣炒鳳爪里奧大人唔食鳳爪所以我都唔會買嚟食呢

里奧大人鍾意龍珠所以我叫佢買件不過得 XL 其實大件唔係問題個袖太長先係問題嘛最後買咗件 Seoul 本來我都想買但無我 Size

又見到黑色直線

再影又無問題喎希望可以捱到番香港啦

烤五花肉卷好似要 10,000W

日式燒餅

糖餅

類似車輪餅嘅嘢

鯽魚餅

Fried Shrimp (6,000W) & Fried Mini Crab (5,000W) 韓國人好鍾意食炸嘢

擺得幾有心思噃

草莓糯米糕個名幾吸引哈哈

唔知咩肉只知道製作進行中

唔同味道嘅魚餅

切到個西瓜幾乾淨

又見到鯽魚燒

呢個魷魚小食接近 HKD7x

又見到章魚餅

有警車巡邏

好大粒嘅烤栗子

好多款杯麵

幾好味咁但係會番到弘大先買呢

魷魚乾都好似幾好味咁

蕃薯乾就有興趣喇

沿途都有啲小食檔

唔通今日交通燈壞咗 ?! 因為中午已經見到有人指揮交通

再去多次洗手間就走人又要再講多次等人嘅地方大到呢

SUPER HAPPY

估唔到個蓋係 LOTTE

原來係條脷其實都幾肉酸下哈哈

差唔多行到 7 點都番弘大喇聽朝要早起身所以都想早啲番酒店休息 ~

行落去搭地鐵喇

樓梯隔離條坑應該係 For 推行李用的

提款機顏色好 Sharp 呀

韓國啲麵包真係好似幾好味咁

唔係咁多人搭車

全人類等車都望手機

車廂唔算多人

但另一邊又多人喎

T-Money 卡嘅餘額係 4,920W 以前會影嚟做記錄咁睇相就知道用咗幾多錢但好耐無去旅行喇真係好多嘢都無影相做記錄添哈哈

T-Money 增值機我覺得如成日要搭地鐵真係要買張交通卡

半個鐘頭就到弘大咁經過 OLIVE YOUNG 就睇下嘢啦有個女人叫個男人幫手睇但個男人話職鬼睇呢啲文咩呢句好笑呀其實 OLIVE YOUNG 真係唔啱男人去有幾多男人好似韓男咁日日化妝護膚吖 ~

里奧大人行入去先

我隻手指仍然嚴重濕疹所以要買 Vaseline

Aveeno 價錢同香港差唔多

見到我好想買嘅牙線牌子但特價都要 3,800W 咁都係有機會去曼谷先買 lu

Mask 其實算唔算平呢 ?!

咁我買完出去嘅時候見到有個鬼婆好熟面口原來係坐飛機隔離個鬼婆呀 ~

由地鐵站行到去酒店沿路都多嘢睇嘅咁都唔錯呀行起上嚟無咁悶嘛 ~

寵物衫檔口佢佔嘅地方係最多呢

又睇下啲男裝衫啦一係 Over Size 一係就貼身真係有啲啲肥肉都唔可以着咁點搞呀真係韓國人就話全民皆星個個身體管理非常好啫但都要諗下其他人家嘛哈哈 ~

仲有喎高大着 Over Size 就話型啫但有幾多男仔係咁呀不過我哋眼見高大嘅韓國男仔大多數都係後生嘅即係十幾廿幾歲嗰啲呢佢哋着就好睇囉 ~

女裝就多數露腰衫同埋其實設計大件啲得唔得呀 ?! 哈哈哈哈