黑椒牛扒 + 節瓜瑤柱湯 ( 15-MAY-2023 )

( 15-MAY-2023  MON )

今朝瞓到 9 點半自然醒   但其實都校咗 9 點半要起身呢 ~

同里奧大人去食早餐   諗住試新嘢   點知原來 11 點先開   咁去另一間食啦 ~

招牌蛋牛麵 - 碎牛肉炒蛋   味道仲辣辣地咁   呢個好味道呀

豬扒麵 - 碎上最好   同埋豬扒都入味

食完都番屋企抖下   沖埋涼就出發去尖沙咀 ~

隻手好得意

今日約咗 12 點婦檢   差唔多 12 點半先有得睇   我係最後一個 ~

本來想下個月先睇   不過成日好驚   所以都係早啲睇下好 ~

感恩醫生真係好好同好細心   因為我成日話好驚   醫生好溫柔唔駛驚㗎   咁我血壓又高   醫生問係咪因為睇醫生驚呀 ?!   我話係呀   哈哈 ~

做埋檢查都差唔多 25 分鐘搞掂   可能太多嘢要醫生解答呀   咁我同里奧大人好信醫生㗎   雖然佢真係好貴   但佢講嘢好 firm   我唔需要再睇幾個醫生綜合答案   其實睇幾個醫生仲貴   同埋要驚多幾次呀 ~

拎埋藥就搭車番屋企   今日有人送錶   所以都唔周圍去喇 ~

番到屋企就收到電話   話 2 點 45 分送錶嚟   咁又好喎   始終好過放喺管理處嘛 ~

上網揀嘅時候係無黑色   諗住要綠色都 OK   但最後決定落單嘅時候就有黑色   真係好感恩呢

差唔多 3 點先去食下午茶   本來我話唔食   但最後都係想 Relax 下   哈哈 ~

華田脆脆雪山西多士 ($40) - 份量都好多   下次想同家姐食   感覺佢都應該鍾意食呢 

珍寶肉醬熱狗 ($38) - 好巨呀   我都好耐無食熱狗 lu   因為里奧大人唔鍾意食   但今次竟然係佢話食呀   哈哈

食完再買麵包   之後都番屋企 lu ~

里奧大人就幫我 Set 隻錶   我就熨 2 機衫當做運動 ~ 

家姐都血壓高   所以里奧大人係都要送隻比家姐   呢款係男裝   因為我鍾意大錶面   里奧大人 2 個女同事就話錶面太大   哈哈

差唔多 5 點半就搞掂   之後燜餸同預備晚餐   今晚 7 點半先開餐 ~

是日晚餐 - 黑椒牛扒 + 節瓜瑤柱湯

黑椒牛扒 - 尋日買咗 2 塊牛扒   比埋里奧大人帶飯   都食剩一半呀   又要留番聽晚食 lu ~   

節瓜瑤柱湯 - 用咗 4 個節瓜滾湯   今日又晏食下午茶   所以今晚都唔煮飯同麵   食節瓜都已經好飽 ~

洗完碗即沖涼   差唔多 9 點半就睇埋最後 1 集 "鬼怪"   真係好好睇呀   又搞金又感人~

今晚 11 點 45 分先瞓呀   真係太夜了 ~