燒汁焗金沙骨 + 菜心苗 ( 20-MAY-2023 )

 

( 20-MAY-2023  SAT )

今朝 5 點幾電話響   原來係個的士司機打嚟問水姑落樓未 ?!   咁我聽到里奧大人話唔好意思唔好意思   之後佢再打比水姑話的士已經到咗 10 分鐘喇喇   仲未落樓呀 ?!?!   不過我都無問咁多嘢住   因為我要瞓覺 ~

早餐食柯華田瑞士卷   諗住每人食 2 件半   但食 2 件都夠哂飽了 ~

咁問番里奧大人今朝乜事 ?!   佢話佢今朝 5 點幾醒醒哋   問水姑出發未 ?!   水姑話 Book 咗架的士臨時甩底   所以里奧大人再幫佢 Call 的士啦    咁的士 2 分鐘後就到   但水姑居然遲成 10 分鐘都未落樓   所以司機打嚟問囉   里奧大人就慶喇   叫得佢 Call 就應該 Ready 等緊司機嚟㗎啦   仲做咩要人等 10 分鐘呀 ?!

之後仲同里奧大人講話尋晚半夜先執嘢   里奧大人話頂佢哋唔順   嚟咗兩星期啦   日日咁得閒都唔執   做嘢一塌糊塗   我直頭話不知所謂啦   我話其實佢哋駛咩驚趕唔切去機場啫   同個機師講等多 10 分鐘先起飛嘛   咁鍾意遲到 ~

菇場忙咗陣就等放工   咁同溫總傾開新 System   佢話好多時都要用人手加番落去   所以佢話買呢個 System 係嘥錢   我直頭覺得係廢添啦   Print Out 一樣嘢   個程序要按 7 樣嘢先 Print 到出嚟   完全浪費時間啦 ~

眨下眼又放工   買埋午餐就番屋企喇 ~

好在咁啱我睇住佢放入袋咋   因為佢只放咗一個咋   但其實我係買 1 個餐 + 1 個包   之後佢仲話我應該有兩張飛喎   我話張單係 1 個餐 + 1 個包喎

食完就抖下   里奧大人 2 點半去開會   我就小清潔屋企同執好冰格嘅儲備   咁樣再認真睇下買過啲咩   唔駛成日唔記得食呀 ~

搞掂哂都 4 點幾   抖咗一陣瞓住瞓下   但里奧大人 5 點開完會   咁叫佢陪我去惠康買珍寶藍莓同 8424 西瓜喇 ~

番到屋企整 li 整 lu   所以今晚 7 點幾先食晚餐 ~

是日晚餐 - 燒汁焗金沙骨 + 菜心苗

燒汁焗金沙骨 - 我鍾意食金沙骨多過排骨   煮完就切開   我負責食有骨嗰邊   哈哈 ~

菜心苗 - 終於食哂喇   下次都係買 1 斤算   哈哈 ~

洗埋碗就開機洗衫   之後沖涼休息了 ~

諗住睇劇   但已經 10 點   所以都係睇 Youtube 算喇 ~