Babymama: 慢慢行 ♡ 首爾。南韓 DAY 3 (PART 1/2) ( 31-MAY-2023 )

( 31-MAY-2023 WED )

今朝要跟 Local Tour 去南怡島所以 6 點要起身喇 ~

里奧大人食咗 2 粒合桃蛋糕當做早餐我就唔食喇寧願去到南怡島先食呢 ~

睇下卡通片都好好過睇 Trot 哈哈

呢個肥仔幾得意喎

今日好好天呀感恩感恩

大廈嘅天台都幾乾淨幾乎全部係綠色唔知係咪政府規定呢 ?!

突然聽到嗚嗚聲我以為係酒店誤嗚之後里奧大人手機收到警報而我手機又係咁響初初以為係導遊 Reminder 呀哈哈 ~

收到呢個 "極度緊急警示" 搞到我極度緊張其實咁啱今朝要早起身唔係瞓瞓下覺聽到真係會嚇到彈起

即刻睇翻譯

7 點要去 KFC 集合所以我哋 6 點 45 分出發去 KFC 喇 ~

天氣好但真係好熱哈哈

出入要小心

L7 HOTEL

咁早應該無咩人同車

成條街都安安靜靜真係好舒服

我哋 6 點 53 分已經到咗喇呢架係我哋坐嘅旅遊巴

導遊係玫瑰木小姐係講英文嘅因為呢日得講英文嘅導遊呢 ~

今日嘅 Schdeule 係7點到 Hongdae (2組-4人) 7點45分到 Myeongdong (7 組-21人) 最後就 8 點到 Dongdaemun (1 組-4 人) 咁我哋住弘大所以最早接我哋 ~

今次團友總共 40 人所以坐大嘅旅遊巴呢團得我哋同另一組 (2 人) 係香港人其他都係外籍人士 ~

坐位都好舒適

旅遊巴士嘅個窗係茶色玻璃所以成日以為未天光

睇緊 Isaac 資料突然又有緊急警示不過今次係叫人民生活可以回復正常真係好日唔嚟韓國突然收到呢啲警報妳都咪話唔驚㗎

里奧大人都收到訊息

我再睇香港新聞

第一次親身感受

雖然咁早起身我又唔眼瞓可能去旅行開心哈哈

少少塞車

其實每次去旅行都想試下坐當地嘅巴士感受一下當地文化嘛不過次次都係唔敢坐哈哈

香港算係豪宅了

其實呢座 Building 係咪啡紅色呢 ?!

見到十字架應該係教會

座 Building 設計原來係咁幾特別喎

Chong Kun Dang 大型製藥

依家係 7 點 15 分已經有啲塞車

又見到另一間教會

Isaac 已經開始營業了

售樓資料

呢間酒店設計都好懷舊

咁多人排隊嘅

螢幕嘅 3 個小朋友好似樣我其實都覺得韓國人個個都差唔多樣

CJ 大樓 ?! 諗起社內相親哈哈

里奧大人影㗎可能佢覺得條街有咁大棵花係好靚呢

透過茶色玻璃影相好似校咗去復古模式咁哈哈

雪糕筒外型好得意仲係笑哈哈樣好搞鬼

民宿 ?!

見到漢江好多人都鍾意去不過我又唔會特登去哈哈

另一邊就塞車

經過迴旋處又見到漢江

"美星" 係屋苑名 ?!

呢個時候應該去到邊都塞車因為已經 8 點喇

住嘅地方可以望到漢江係韓國人夢寐以求呢

沿途風景都似話你知你已經進入郊區範圍哈哈

9 點順利到達 Rail Park 一落車就感覺到好熱 ~

好大嘅露天停車場

行去 Rail Park 方向

地方唔係好大

再跟玫瑰木小姐向前行

戴住副太陽眼鏡影相真係要 Load 相先知自己影咗咩哈哈

好在我知自己身處 Rail Park 因為唔會特登留意呢堆英文字係咩

特登着黑色衫 + 藍色裙褲嚟吸熱

得我哋一團人咋所以點影都得如果妳唔怕熱嘅話

印象中韓國人都鍾意睇書

半夜見到都幾驚哈哈

乜都影下

到此一遊

咁熱天時其實真係幾需要拎把遮

靚遮哈哈哈哈

一陣坐呢啲自行車

欄住唔比人行落去因為仲要聽簡介呀

玫瑰木小姐向職員拎票

我哋坐 4 人嘅自行車如果坐 2 人嘅要額外加 KRW5,000/位

我鍾意橙色遮

掛上去嘅公仔個個都唔同的

最鍾意見到花

之後有一大班學生如果無佢哋我哋就係包場㗎喇

一班同學一齊玩係開心嘅

工作人員細心講解

頭頂上嘅遮真係起到作用㗎唔係就企喺度乾煎了

開始起程喇

全部一齊向前行

我哋係 TEAM 1 所以安排 TEAM 2 (外籍女子) 同一架車

玫瑰木小姐話大力嘅人坐右邊因為踩 Break 要有力咁一定係里奧大人坐啦

我哋車牌係 No. 1146

一開始踩係比較吃力因為用盡力嘛不過習慣之後其實都唔駛點用力

追到前面架車 lu 我哋要踩 5.5 公里應該唔係要好耐時間呢

春川嘅鄉間

望住翠綠顏色真係好舒服嘅同埋踩嘅時候都有風都唔覺得熱

見到少少紅葉

"禁止拍照保持安全距離"

向前少少又見到個告示牌

感恩今日天氣好好

之後發現共實只用少少力自行車都會滑行嘅哈哈

見到有個工作人員

唔知里奧大人想影啲咩呢 ?!

雖然無咩嘢睇但都覺得好正哈哈始終好少機會望到田園嘛

唔知種啲咩呢 ?!

又唔見有人喺度喎

企喺路軌影相都唔錯㗎但當然無可能啦

入隧道喇

有風車裝飾嘅隧道

話咁快就出嚟哈哈哈哈

唔知有無人住 ?!

呢間屋嘅設計好得意

CHEESeeeeeeeeee

喺度露營 ?!

泡沫隧道

見到好多 Bubble 身處其中真係覺得好特別成個畫面係好靚㗎

入到去仍然睇到 Bubble

成條隧道用咗唔同顏色嘅燈咁樣就靚好多喇

出去 lu

估唔到迎頭會見到火車

另一款 2 人坐位嘅自行車我哋嗰架好似靚啲咁噃

呢間屋好似好單薄咁但我都好鍾意

望下倒後鐃睇下後面架車有無追得太貼有就要加快速度上前喇哈哈

又入另一條隧道喇唔知係咩主題呢 ?!

宇宙隧道 ?!

紫色好靚以前不嬲唔鍾意紫色係因為 ASTRO Logo 係紫色我先開始鍾意咋

好似驗眼要妳睇前面係啲咩哈哈

又出去喇

無諗過咁快又入另一條隧道不過隧道入面好涼所以唔想咁快出嚟住哈哈

山洞如果可以落去影相就好喇

最後係入 K-POP 隧道

全程播 K-POP 音樂我覺得無咩特別

又出去 lu

如果無影相做記錄真係會無印象入過邊條隧道哈哈

出埋呢條隧道就差唔多要落車喇

職員示意要慢慢踩過去全程踩咗接近 30 分鐘

見到 2 人坐位自行車里奧大人叫我去影張相

頭先 CHEESeeeeee 嘅相價錢係 7,000W/張 or 15,000W 一張相連相架

小食亭

一陣坐呢架 "浪漫列車" 去江村站 (舊站)

10 點 40 分左右開車我同里奧大人坐露天座位因為吹住風係好舒服呀

前前後後都係學生哈哈哈哈

企喺車頭影相都唔錯

沿途好舒服呀可以欣賞春川風景

唔知咩橋

落車喇車程約 15 分鐘左右

我離遠見到問里奧大人呢度做咩擺咁多袋米喺地下嘅 ?!

佢話係小型賽車場呀哈哈

企鵝 ?!

我哋坐嘅旅遊巴士

呢座 Building 設計好特別

原來兩座 Building 連埋一齊咁樣就更加特別喎

郊外地方係舒服但交通真係唔方便自己開車除外

試食時間呢塊係好健康 (無味) 嘅米餅其實我鍾意食不過要買1大包就唔買喇開咗要好快食哂唔係會好快腍

紫菜好味呀但好油

自備 Black Coffee

沿途經過嘅地方

見到屋頂有隻猩猩

春川炒辣雞真係好出名

11 點 35 分左右落車之後行去食午餐喇

我好期待嘅午餐哈哈

餐廳入口

懷舊設計

準備上菜

春川辣炒雞 (15,000W) 但我要加芝士 (4,000W)

再另加蕎麥麵 Makguksu (9,000W)

好吸引咁噃

餐廳老闆好好人等我影埋相先炒

加芝士

可以開餐喇

我哋坐嘅位置

我最鍾意食啲配菜

原來仲有碟白蘿蔔我差啲放咗張紙巾上去呀以為係白色碟呀哈哈

行走嘅年糕 (濕紙巾)

加埋芝士一齊炒

可以拉絲但我無拉呀因為好想快啲食哈哈

呢度有齊芝士泡菜雞肉年糕超級好味呀我同里奧大人都話估唔到團餐係咁好食呢

加蒜片再包生菜食都唔錯

蕎麥麵 Makguksu - 就咁睇真係無咩吸引

老闆教我哋撈勻去

呢個蕎麥麵真係非常之有驚喜個湯汁係酸酸甜甜同埋蕎麥麵口感係煙韌㗎再加埋青瓜絲蘿蔔絲真係非常之有口感好鬼正呀

老闆叫里奧大人要一啖食哂呀但里奧大人話個口太細唔可以 One Bite 哈哈

食剩咁少咋里奧大人話之得叫佢食埋去啦不過我話呢啲比較多油所以唔叫佢食囉

食店都好闊落呢個時間只係得我哋呢團遊客

幾快又到 12 點 20 呀不過 12 點半先走可以坐多陣

第一次見咁樣放冷氣機散熱器

企呢度 1 分鐘都頂唔順哈哈

洗手間位置

呢度唔知有咩用途

原來係遊戲機我離遠睇以為係大雪櫃哈哈

食店嘅裝潢都比較古舊

吸煙區 ?!

小擺設

里奧大人叫我望上去

個雀巢都好大啊

玫瑰木小姐有嘢要講所以我叫里奧大人入去聽呀

係咪得一間食店做生意呢 ?!

準備坐船入南怡島 (Naminara Republic)

里奧大人話想 "高空滑索" 去南怡島但我話要加 KRW 37,000 之後我再話囉你一個人咁早入到去做咩呢 ?! 你都要等埋我家嘛

因為唔駛 1 分鐘就飛到去可想而知係幾咁快速呢咁里奧大人問我驚唔驚 ?! 我話又唔驚嘅如果有咩事我今勻仲唔紅過車銀優 ?! 佢即刻話: 人哋鬼識妳邊位咩 ?! 用一名香港女子形容妳咋妳估用妳個名呀 ?! 哈哈哈哈

介紹一下南怡島邊個位置影相係最靚

雪人公仔 ?!

準備上船

見到韓國國旗嗎 ?!

隻船嘅設計幾得意喎

上層掛滿萬國旗

佢哋準備落船啦

等佢哋落哂船就到我哋上船喇

話咁快就到我哋上船

無咩機會係第一個上船哈哈

想坐邊都得

但我想坐呢啲位

坐我哋隔離嘅係阿珠媽佢超級超級熱情呀係咁拎隻狗仔比里奧大人抱影完又拎另一隻仲特登企喺我後面引啲狗仔望鏡頭不過因為我哋要讓個位比個坐輪椅婆婆所以要行去另一邊如果我繼續坐嘅話我會抱到佢落船呀因為我最鍾意松鼠狗呢 ~

隻狗好得意呀但里奧大人就唔敢抱佢驚整親佢啲手仔腳仔

終於抱實

我哋一齊笑呀哈哈

3 隻都好得意呀又乖喎完全無吠過呀

全部都伸哂條脷仔出嚟

依家做狗真係好幸福架車仔幾靚呀好在呢 3 隻唔肥所以坐埋一齊都唔會好迫

望住佢哋已經好開心主人仲比我哋抱佢我就更加開心哈哈

佢哋係咁攣來攣去

又一齊望鏡頭

右邊最得意因為係白色同埋剪完毛哈哈

頭 dup dup 仲得意

影完佢哋就開船喇

原來附近都有唔少食店喎

可以企呢個位置

呢度係企位

而呢度就可以坐嘅

萬國旗

職員拎住把遮我就諗都無落雨之後再諗其實遮太陽都好緊要

一家大細

有位坐呀居然

準備入南怡島喇

12 點 45 分開船 10 分鐘船程左右就到南怡島都好快喎 ~

再次見到阿豬媽所以里奧大人叫佢一齊影相留念

沿途都有唔少人帶狗狗入南怡島

同雪人一齊影相哈哈

開始行喇

WELCOME TO NAMI ISLAND

雖然好熱但真係好感恩有好天氣因為我哋日日睇實個天氣到最尾嗰刻先 book 位呢

唔同國家嘅雪人

最期待係見到參天大樹

唔同國家嘅問候語

雖然今次睇唔到紅葉同銀杏但我都覺得好靚

影相一流但如果係紅葉同銀杏季節就肯定非常之多人了

船嘅班次都幾密噃

都叫做見到紅葉啦哈哈

里奧大人話爛地我話地下就係咁㗎啦同埋真係唔係爛地嘛

真係好少人對我嚟講就梗係好啦

觀光車一定唔坐

南怡島好大所以我哋其實只係行咗好少地方叫做到此一遊咁囉

以為個牌只係裝飾所以影張相留念

洗手間位置

我等里奧大人去洗手間嘅時候真係有小火車經過呀

紅葉真係好靚

呢邊算多人

UNICEF LOUNGE

姆明

買 Souvenir 嘅店舖

對呢啲公仔真係無咩興趣咁我離遠見到個長頭髮女仔睇緊嘢之後好似有隻嘢飛喺佢後頸度佢摸完之後就掃走 (我會直接掃走) 佢完全唔驚咁原來里奧大人都見到都覺得佢好大膽哈哈

繼續周圍行其實里奧大人先最攰因為相機+背囊起碼 7 Kgs 呢

STEAMED BUN 咁熱環境下再睇到個蒸字會覺得熱上加熱哈哈

呢間食物都吸引但都好似係坐外面食

靚呀

一大班志同道合嘅人一齊唱下跳下係好開心嘅

多謝觀看

心型樹幹

里奧大人見到松鼠

我叫里奧大人做心心啦其實我最怕呢個動作哈哈哈哈

呢度無咁熱

一路行一路影咁又已經 1 點 40 分係時候搵個地方坐下 ~

人造小瀑布

周圍都係綠色好舒服呀

黑色兔仔 好在係白色鼻子唔係夜晚就見唔到佢㗎喇

咁睇好肥

對眼好大呀

里奧大人話本來想租呢部車但我係完全唔知有呢部車添呀

如果屋企對面係咁就好喇

一有地方就會叫里奧大人坐下

個頂原來係咁

影到咁嘅色添

我覺得呢啲櫈都好靚

可以行出去睇下

影花草樹木最開心

樹葉好靚

呢邊無咁熱

我好少幫里奧大人影相因為次次都係佢影我多呢

無人呀真係點影都得

行呢條路都舒服

我真係覺得無銀杏同紅葉都好靚因為香港無咁嘅公園

又見到紅葉

影到橙色哈哈

行番去集合地點喇

自拍哈哈哈哈

喺度野餐都唔錯

咁影當堂有啲陰森哈哈

啲葉好似星星咁

比兔仔住嘅屋 ?!

行來行去都係呢啲地方哈哈

見到孔雀嗎 ?!

我第一次咁近距離睇孔雀

唔知佢係點上去呢 ?!

氹氹轉

唔係里奧大人話有孔雀我根本係見唔到囉

呢個係打卡景點

冬季戀歌我係一集都無睇過哈哈

無睇簡介所以唔知佢代表乜嘢

另一啲係咁嘅

簡介

垃圾回收箱

Beautiful Nami

Toilart Studio

女廁

男廁

南怡島係歡迎狗狗進來嘅地方

又見到孔雀個女仔跟住佢行

里奧大人又係跟住隻孔雀

越行越近

南怡將軍墓

生平事跡

差唔多時間走喇

走嘅時候就 SEE YOU AGAIN

入嚟就 WELCOME

再睇番入口位置原來左右嘅牌匾係唔同

2 點 45 分集合上船我哋由 1 點開始行我覺得夠皮喇始終又熱又曬再加埋揹住背囊咁行條腰都有啲痛了 ~

等船嘅時候見到香港嘅團友咁又傾幾句啦佢嚟咗幾日佢係特登嚟睇黃致列我以為係釜山 Dream Concert 但原來係去瑞山我完全未聽過呢個地方添 ~

見到船喇