蕃茄洋蔥豬扒 + 蠔皇鮑魚扒芥蘭苗 ( 19-DEC-2024 )

( 19-DEC-2024  THU )

感恩一覺瞓天光呀   起身都好精神 ~

同里奧大人出去食早餐   雖然我都係食麵包   但感覺就 Relax 好多   哈哈 ~

里奧大人叫我喺佢銀包拎錢   我拎 $70   咁佢話找番就比我   之後我話蝕咗   之得拎 $500 啦   佢話係啦   如果真係拎 $500 就唔係咁係咁講啦   係會叫擺番好啲錢啦   哈哈 ~

菇場唔忙   又可以整理啲相 ~

阿齋前日就咳到甩肺所以請病假   尋日就到我請病假   呢兩次都係咁   好邪啦 ~

Lunch Time 出去行下   行咗 20 分鐘仲係凍   同埋有啲餓   所以食完鯪魚球米先去買菜 ~

唔忙就整理好啲相   啲時間就會過得特別快 ~

阿齋食餅乾話唔甜   我話妳病咪覺得唔甜囉   佢話關事咩 ?!   我話是但啦   之後阿爽話佢邊日唔病 ?!   阿齋話阿爽咒佢   佢話呢年無好過呀   阿爽話呢年好快就過㗎啦   哈哈 ~ 

阿爽話咳就唔好食餅乾啦   食完仲咳   點知講完之後阿齋係咁咳 ~

阿花同阿虫食完餅乾去斟水   阿爽就話搞到個個都要飲水   阿齋話請人食嘢都比人話真係慘   好在我無食咋   因為阿虫話好黐牙 ~

放工即走   番到屋企都即刻煮晚餐   里奧大人 6 點幾番到屋企都未食得   所以叫佢沖涼先喇 ~

里奧大人公司有生果籃   所以每人要拎啲番屋企

是日晚餐 - 蕃茄洋蔥豬扒 + 蠔皇鮑魚扒芥蘭苗 

蕃茄洋蔥豬扒 - 食洋蔥殺菌   所以就整呢個餸呢 ~

蠔皇鮑魚扒芥蘭苗 - 係家姐之前比嘅阿一鮑魚   上次執櫃見到就即開嚟食喇 ~    

洗埋碗就開機洗衫   休息一下再食生果同零食 ~

呢個紅火龍果好甜呀   我次次買親都唔甜嘅

Baton d or 嘅 Uji Matcha 700 Yen) - 里奧大人鍾意宇治綠茶味   所以買比佢喇

好濃嘅綠茶味呀   同埋啲朱古力好滑

Macadamia & Orange (1,188 Yen)   我見到幾好味   所以即 Whatsapp 比家姐叫佢揀   佢揀咗 2 款   我番到香港之後就比佢啦   佢話原來咁貴   當時無睇到價錢添   我話鍾意食咪得囉   咁講法香港買咪仲貴   同埋唔知有無得買添   始終我好少睇餅乾零食   哈哈

因為我無買比自己   叫佢影實物嚟睇下   佢話好好味呀   朱古力入面仲有啲橙皮   咁又幾正喎  

食完就要搞廚房鋅盤喇   頭先塞住咗呀   感恩好快搞掂 ~

9 點半再食藥   咁睇多陣 Youtube   今晚 10 點 25 分都瞓覺 lu ~