CoCo 壹番屋 @ 紅磡 ( 21-DEC-2024 )

炆雞肉咖哩薄餅套餐 ($70) - 我唔想食飯呀   呢個咖哩係 3 分辣   估唔到食落都幾辣

(+$4) 轉蒜香薄餅 - 塊薄餅熱辣辣   口感有啲煙韌   我哋覺得好好食呀

炸雞球咖哩飯 ($73) - 里奧大人要 2 分辣   真係無 3 分咁辣喎   我仲話諗住無咩分別添   哈哈

蘋果汁 & 抹茶雪糕 (+$23)

( 21-DEC-2024  SAT )

今朝瞓到 9 點 45 分自然醒   沖埋涼就出去食早餐喇 ~

食完就番屋企抖陣   之後去銀行存番哂啲外幣   搞掂就搭地鐵去荃灣喇 ~

太耐無去荃灣行街   都唔記得商場叫咩名   里奧大人話地鐵一出就係   之後我話係新之城呀   行咗陣就去搵剪髮表妹   不過佢唔喺度   所以就再行千色匯 ~

穿過千色匯有間店舖   里奧大人之前買過褲嘅   好在間舖仲喺度   所以買咗 2 條褲   好似折咗 $330   買完再行陣   原來都已經 2 點半   係時候食午餐喇 ~

諗住食生煎包   不過啲位好迫   咁就唔食 lu ~

之後見到有間無咩人嘅餐廳就入去食   估唔到冷氣超級勁   我覺得好舒服呀   因為啲商場好焗   雖然行街係開心   但好焗係有啲辛苦囉 ~

川味口水雞 ($52) - 呢個普通啦

鹹魚雞粒炒飯 ($48) - 呢個飯好香鹹魚味同足料   同埋炒得好乾身呀   好味好味

食完再周圍行就搭小巴番屋企   今日真係超級開心呀   真係好耐無同里奧大人咁輕鬆行街呢 ~

離遠睇以為係啲咩符號添   哈哈

咁里奧大人話要去買啤酒   我順便買乳酪   好感恩兩樣都特價呀 ~

番到屋企放低嘢   我同里奧大人講話乳酪真係超級抵   佢話鍾意食就再買多啲啦   咁我話我再落去買   佢話陪我   我話唔駛啦   之後話佢都想買多 Pack 啤酒呀 ~

蜜桃熱情果同士多啤梨味乳酪只係 $22/4 盒   最後我買咗 20 盒   呢個牌子嘅乳酪好味道㗎

番到屋企抖陣   差唔多 6 點半就出去黃埔喇 ~

真係好搞笑啦   里奧大人又話食刀削麵   我話今晚唔想食呀   反而想去 COCO 食咖哩 ~

我話猜輸請   咁我輸咗嘛   但里奧大人又去比錢   不過八達通負數   之後話改支付寶   我話我嘟就得啦   同埋本身都應該係我比家嘛 ~

食完去 AEON 買褲   里奧大人諗住買 2 條   好感恩依家係買 1 送 1 ($199) 仲有 95 折   佢揀咗 2 條   之後比我見到有啲更靚更抵   但就係 $139/條   不過都超級抵啦   着起上嚟好似馬莎啲款咁喎   所以叫佢買 2 條呀   之後我都買咗 4 件薄身長袖底衫 ($100/2 件) 同 1 把遮 ($69)   我又無帶環保袋   但我死都唔比一蚊雞買袋   所以個袋裝到脹卜卜呀   哈哈 ~

走嘅時候   里奧大人兒生仔打嚟問食唔食糖水   我話食呀   所以佢買 2 碗比我哋   我哋要快啲番屋企喇 ~

經過 BIG C   我話買件禮物比兒甥仔啦   佢成日請我食糖水嘛 ~

里奧大人話個地下好靚呀   佢唔講都無留意添

買咗呢盒 ISABELLE X TWININGS JOANNE Gift Box ($88) 比兒甥仔

買完即番屋企   諗住入大堂嘅時候   里奧大人話架車好似係兒甥仔   之後行前睇原來兒甥仔已經到咗呀   但里奧大人聽唔到電話響囉   哈哈 ~

C 生活買只係 $12   質地都好   所以叫里奧大人送比我呀

開機洗衫就即沖涼   搞掂已經 10 點 20 分   要即刻食糖水喇 ~

兒甥仔買嘅份量真係多啲喎   但我都係跟佢咁買㗎喎

粉粿仍然係煙韌   所以好鍾意食

一路食一路睇埋 " FAST 10"   所以差唔多 12 點先瞓覺 ~