極上貝之盛 (外賣) + Pizza Hut 一人滋味餐 (外賣) ( 23-DEC-2024 )

極上貝之盛 ($67) & 日式八爪魚 + 飲品 (+$12) 

一人滋味餐 ($59) (迷你夏威夷薄餅酥脆蝴蝶蝦 (3 件) 拚香脆薯條 & 7 Up) 

之後兩晚都唔煮飯   咁今晚要煮埋啦   所以里奧大人好奇怪點解外賣又會煮嘢呢

( 23-DEC-2024  MON )

感恩一覺瞓天光呀   天氣凍真係特別好瞓 ~

早餐食芝士條   好在里奧大人都鍾意食芝士嘢   唔係又要分開買就好麻煩呢 ~

菇場忙咗陣又整理相   呢樣先係最忙   哈哈 ~

Lunch Time 蒸完飯就出去一田買嘢   番到菇場已經 12 點 25 分   真係差啲蒸乾水呀 ~

石田三成抹茶粒粒曲奇餅 ($53.9) 比 CC   燒帆立貝裙邊 ($15.9) 比兔兔   MD 焦糖&海鹽味爆谷 ($10.9) 就比家姐同里奧大人

唔忙就繼續 Load 相   咁里奧大人去完姑奶屋企整嘢就叫我打比佢   不過我過咗 40 分鐘先睇到 Whatsapp   佢以為我好忙   唔敢打比我   我話整相都無留意電話咋   哈哈 ~

噴霧式消毒酒精壞咗   咁即刻拎番支傳統式出嚟噴啦   阿齋見到即同阿爽講   話我驚佢咳   佢一咳就即刻拎兩支消毒酒精噴佢   黐鬼線   哈哈

放工即走   本來想煮飯   但 Pizza Hut 張 $30 Coupon 今晚到期   咁里奧大人話都食夏威夷風光薄餅   咁我淥完菜先再去拎 ~

行行下見到壽司又想買   買完都即走喇   費事又忍唔住再買其他嘢 ~

里奧大人話做咩行去買壽司 ?!   我話真係無事出街少破財   之得唔帶銀包   里奧大人即刻話係妳啫   哈哈 ~

之後我話同你做聖誕呀   佢話做咩話 ?!   我話做聖誕呀   其實都唔知咩叫做聖誕   哈哈 ~

食完抖陣就沖涼休息喇   里奧大人今日幫手開機洗衫同熨衫   我可以做少一樣嘢喇 ~

里奧大人 10 點瞓覺   應該飲咗啤酒眼瞓啦   不過我 10 點 15 分都瞓覺喇   因為好鬼凍   想快啲捐入被竇呀 ~