涼瓜炒牛肉 + 錦滷咕嚕肉 (外賣) ( 4-DEC-2024 )

涼瓜炒牛肉 ($98) - 呢個又係好味道   所以其實外賣都係來來去去食嗰啲

錦滷咕嚕肉 ($88) - 連續食兩晚都未食厭   但就要停一停先   哈哈

( 4-DEC-2024  WED )

感恩一覺瞓天光呀   臨醒之前發緊夢   所以聽到鬧鐘響都諗緊係咩嘢聲音添 ~

里奧大人唔舒服   呢日要請病假休息 ~

早餐食咖央椰絲班蘭迷你吐司   無咩味道咁   成個包又好乾   完全唔好食囉 ~

菇場忙下停下   又 Load 下相再蒸埋飯   好快又到 Lunch Time 喇 ~

出去行個大圈就要番菇場食飯   因為弟兄 12 點半有嘢搵我傾   咁食完洗埋碗就啱啱好呢 ~

忙下停下又 Load 下相   話咁快放工 lu ~

今晚都係比自己抖下   所以買埋外賣先番屋企 ~

食完抖陣就沖涼   里奧大人今日開機洗衫   我熨衫就搞掂 ~

睇陣 Youtube   依家天氣涼涼哋好快眼瞓   今晚 10 點 15 分都瞓覺添呀 ~