Hungry Korean @ 九龍灣 ( 17-DEC-2024 )

豆腐湯 ($54) - 雖然少飯都食唔哂   下次我會叫佢細半碗飯都可以   依家唔可以格硬食   我個胃頂住會好辛苦   比着以前真係拚埋老命食埋去㗎

仲有豬肉   1 隻蝦 + 青口 + 雞蛋

辣雞肉鐵板燒 ($64) - 都係少飯   所以里奧大人話份量啱啱好

( 17-DEC-2024  TUE )

尋晚瞓得都 OK   雖然差唔多天光去咗次廁所   但都好快瞓得番呢 ~

臨瞓前個夢係見到好多抹茶糯米糍   家姐話今晚有 88 折先買   之後諗住買紫薯百力滋比 CC   家姐話食咗好食先買   之後鬧鐘響 lu ~

早餐食丹麥條   里奧大人話食一條都好飽   我話係啦   但食半條又驚唔飽   下次諗下點買先   哈哈 ~

菇場唔忙   不過個人感冒又咳   做嘢都無咩動力咁 ~

Lunch Time 出去食牛筋米   因為好想食熱嘢呀 ~

食完就去銀行搞啲嘢   感恩好快搞掂   可以快啲番菇場休息下 ~

唔忙就抖下啦   個人勁攰呀   所以好想快啲放工睇醫生 ~

放工即走   今晚等多 2 個就到我睇   算好快喇 ~

我同醫生講話唔知有無發燒   醫生笑住話同妳探熱咪知有無囉   第一次咁好笑容   哈哈 ~

醫生問我幾時開始唔舒服 ?!   我話星期六有鼻水   今日就開始有鼻涕同咳 ~

咁有抗生素   我問姑娘唔食得唔得 ?!   我食完會胃痛   咁佢即話再開胃藥比我   不過我話屋企有呀   之前都係食醫生開嘅藥嘛   又問我幾時唔舒服 ?!   我話星期六開始   佢話啲鼻水儲下儲下就係菌呢 ~

拎埋藥已經 6 點   里奧大人啱啱落車   佢話去 Hungry Korean 食晚餐   咁我實無問題啦 ~

我其實叫佢唔駛陪我睇醫生   但佢又話想去德福行下   咁食完飯就去德福 lu ~

我話去 Haagen Dazs 啦   不過我唔食   只係想快啲清咗啲 Coupon ~

綠茶 & Mango Raspberry   呢兩款都好味道   今次加 $15 多一球   但其實我用 2 張 Free Coupon 咪得囉   我旨在想清 Coupon 嘛   真係豬咗

經過 MIRABELL   我入去睇下鞋   點知 Caterpillar 買 2 對做半價   即刻叫里奧大人買啦   好難得做半價   所以好感恩呀 ~

里奧大人買咗對靴 $750 (半價) + 工作靴 $950 (半價)   之後職員話再買對唔同牌子嘅有 8 折   所以里奧大人叫我睇下   我買咗對 Champion $639 (8 折)   絏數係 $2,338   咁諗住買夠啦   但職員話買滿 $2,500 就減 $200   最後我買咗個袋仔 $184 (8 折)   全單減 $200 即係 $2,324   即係個袋幾乎係送咁滯呢 ~

買完就搭車番屋企   見到教會姊妹   我平時搵佢就搵唔到   唔搵佢就見到   之後佢話我清減咗   我話之前病呀   所以瘦咗啲呀 ~

番到屋企即沖涼   之後休息休息 ~

金秋柿好甜呀   我由細到大都好鍾意食柿㗎

紅黃藍綠嘅藥丸   最緊要細細粒易入口

食完藥再睇陣 Youtube   今晚 10 點半都瞓覺 lu ~