韭菜豬肉煎餃 + 椰菜雲耳豬肉餃湯上海麵 (外賣) ( 24-DEC-2024 )

韭菜豬肉煎餃 ($59)

椰菜雲耳豬肉餃湯上海麵 ($45) 

( 24-DEC-2024  TUE )

感恩一覺瞓天光呀   日日係咁就好喇 ~

早餐都係食芝士條   連食兩餐都覺得好好味㗎 ~

今朝班車早咗 5 分鐘   同埋只係 9 分鐘車程咋   所以 8 點半都番到菇場   勁早呀   哈哈 ~

唔忙就繼續整理相   之後家姐話放 12 點半   我話我不嬲都無得放早呢 ~  

Lunch Time 出去行陣   但覺得好凍   所以食完水餃米再行 ~

2 點半收到公司群組訊息   今日平安夜 4 點半呀   真係第一次咋   感恩感恩 ~

阿渠話無大餐食所以放早   我同阿花都話完全唔記得食過大餐   只知道平安夜無試過放早咋 ~

終於 Load 哂啲相   真係要比對眼睛休息一下呀   哈哈 ~

放工去搞啲嘢   之後去里奧大人公司坐陣先買晚餐 ~

Melody 送啲裝飾比我哋   阿妹叫 Hippo 放出嚟比人欣賞   但阿妹自己就放喺位   Hippo 好大反應話妳又叫人放出嚟 ?!   真係笑鬼死 ~

咁仲有 4 個裝飾   我同 Melody 同 Hippo 都估仲咗里奧大人揀嘅款   阿妹就估錯   我話里奧大人唔鍾意花巧嘢㗎   Hippo 都話男人唔鍾意花巧嘢囉   所以我哋一定估啱   哈哈 ~

傾完又走過去同埋榴槤傾偈   皇上又走埋嚟傾   咁里奧大人又走埋過嚟   原來係問皇上啲嘢   因為皇上都掛住傾偈   完全唔記得比里奧大人呀   哈哈 ~

差唔多 6 點半就同阿妹一齊走   佢陪完我行去買晚餐就番屋企 ~

諗住走啦   里奧大人話 Melody 都想食餃子   所以我都幫佢買埋喇 ~

我食完晚餐就出去買啲零食   之後就幫里奧大人做 Excel 表   一做就做到接近 10 點   所以同埋里奧大人一齊放工 lu ~

榴槤請里奧大人部門食   所以我都有份

咁啱又有人請里奧大人食蛋撻   大家都有飯後甜品

番到屋企即沖涼   之後休息休息 ~

睇多陣 Youtube   今晚 11 點幾先瞓覺呀 ~