( 25-FEB-2026 WED )
今朝瞓到 9 點 40 分先起身 沖埋涼就去食早餐喇 ~
食完就番屋企抖下 11 點 40 分先出門口 ~
感恩今次班車係直接去羅湖 咁唔駛轉車 仲可以一齊坐添 ~
呢個細路女係咁同里奧大人玩 又成日望住佢笑 真係好得意呀
每次過關 里奧大人都會比我行先 咁我有咩問題都可以陪我嘛 感恩今次過關非常順行 ~
12 點 50 分到羅湖口岸 真係好耐無嚟喇 ~
今日好好天 但我覺得好熱
我唔係自拍呀 今次 3 日 2 夜要拖喼喇
好耐無去羅湖口岸
向前行
我哋住嘅酒店係喺香格里拉隔離 所以里奧大人話好易記 因為以前會約啲客喺香格里拉酒店位置等呢
1 點到酒店 Check-in 不過仲未入得去 所以就去南頭古城先喇 ~
我哋住嘅楹諾酒店 (INNOGO)
搭電梯上酒店前枱
TODAY IS A GOOD DAY
馬字揮春
喺 2 樓辦理 Check-in 手續
門口位置
Lobby 都幾有特色
旅行好物館
INNO KIDS
望住出面都唔錯
2 樓都有房間
因為我哋第一次 Call 車 所以職員幫我哋 Call 喇 但要等 11 分鐘先有車
新年快樂
坐咗半個鐘頭 地鐵好似坐 44 分鐘 雖然開得好慢 但點都快過地鐵嘅 哈哈 ~
等車中
架車開得好慢 睇住隔離啲車係快過我哋
所以 Snapshot 都影得好清 哈哈
2 點到南頭古城 估唔到唔算好多人 咁就好喇 太多人無心機行呢 ~
呢架車都好污糟
@ 南頭古城
大紅燈籠 好有新年氣氛
好大片草地
民國三年 公元 1914 年
企喺機械人隔離 佢個頭就會立即轉向我嗰邊 影完張相就行啦 點知叉錯腳向前仆 感恩無仆落哋咋
今年馬年 好多都用馬仔做裝飾
依家先正式行入古城 臨入去之前又差啲叉錯腳仆親呀 真係勁驚
行咗一陣 我話見到食店都可以食嘢喇 ~
今日唔算好多人
里奧大人話呢間食店多人食 所以就入去喇 咁我哋係坐入面 可能已經 2 點半關係 好多客人食完都走 之後個場靜哂好舒服呀 ~
我都想食湘菜
開餐
白辣椒爆炒土雞 (RMB68) - 里奧大人話唔想食豬肉 所以我就話揀雞喇 預咗係辣㗎 但都接受到 不過里奧大人話啲雞件連骨切到太細粒 食嘅時候有啲麻煩 因為始終都有碎骨嘛
雞樅菌炒飯 (RMB32) - 里奧大人叫㗎 都估到佢一定食炒飯 咁呢個炒飯的確係好食嘅
配料都好多呀 呢度係食剩嘅配料
冰鎮檸檬茶 (RMB18) - 茶唔澀口 所以鍾意喺深圳飲檸檬茶 咁我叫職員比飲管 佢識講廣東話嘅 佢笑住教佢哋係叫吸管 所以佢聽唔明咩係飲管呢 哈哈
裝潢都靚
@ 桃喜小館
呢餐食咗 RMB118 (約 HK$135.54) 估唔到人仔同港幣相差十幾蚊 仲以為相差幾蚊雞添 唔識計數真係唔識計數 哈哈 ~
食完都 3 點 係時候正式行古城喇 ~
叫里奧大人試食 咁好食就一陣再買 因為我唔係咁舒服 所以真係咩都唔想試呀 簡直唔似我 哈哈
周圍睇下 呢啲地方基本上嚟一次就夠
@ 牌匾故事館
里奧大人成日影我好專心影相嘅相 哈哈
呢啲牌匾真係成為歷史文物
厚業 (厚載詩書崇古訓 業留花鳥暢吾懷)
榮盛堂
為神正直
有 Cafe 都唔錯呢
啲人坐喺度飲咖啡 即時諗起越南
里奧大人話地下都整到好得意
最鍾意睇杯杯碟碟
無蓋嘅杯係唔會買嘅
麵包圖案嘅杯碗
我覺得呢啲匙更係靚 不過我覺得會好易打爛
抹手巾
好鍾意呢啲窗花
抱朴
扎染好靚
藝術展覽
啡色衫都好睇 但係好難 Carry
小紅點 初初睇到以為係小紅書 哈哈
呢件 Tee 要 RMB299 我覺得唔算平呀 但質料係舒服嘅
今日講得最多嘅係好熱
新安縣衙
明鏡高懸 諗起包青天
里奧大人叫我企被告跪石
原告跪石
被告跪石
喺黃山都見過類似嘅
出去 lu
@ 先賢孝廉文化展館
悌。兄弟姊妹之間嘅互愛 真係好重要呢
有個觀音像 我初初以為係皇后之類嘅人物添
行下啲橫街窄巷
行番出番 lu
甜品都唔錯 不過呢刻唔係咁想食
重慶酸辣粉
香蕉燒就無興趣喇
熟睡中
冰糖葫蘆
唔記得去邊個館睇添
4 點又抖下 因為好熱 同埋我有啲攰 今次病住去旅行 雖然只係咳 但體力真係下降 50% 呀 平時我一定咩都睇同埋會試食 今次咩都無試呀 哈哈 ~
依家大陸消費都唔平了
冷氣好夠 所以要坐多陣 但我隔離位香港姐姐話冷氣吹正佢個頭 頭痛要食藥呀
墨之韵．黑芝麻銅仁抹茶 (RMB26 約 HK$29.86) - 我唔知係咁多奶㗎 不過都幾好飲 味道都幾有層次
里奧大人影就光啲
沃集鮮係沃爾瑪自家品牌
@ 小丛山非遺中式抹茶舖
啲武獅幾特別
其實有啲攰 所以都無咩影相
小新 Puzzle 就一定要影 哈哈
呢幅長條型 Puzzle 真係令我眼界大開呀
港片．時代
里奧大人話有隻熊貓 佢依家一見到熊貓同小新就會叫我睇㗎喇
海棉寶寶個樣有啲唔同 小新就好似戴咗頂帽 但其實係兩隻小新嘅背面 哈哈
南頭古城另一個出/入口
呢兩個字 我直頭唔知點寫同點讀呀
行出去其實可以走得㗎喇
我哋行番頭先入嚟嘅入口位置 因為想睇下仲有無嘢睇 哈哈
入去黑科技旗艦店睇下
我哋行番頭先個入口番酒店
到此一遊
雨鱗雲出現了 好在今日行古城呢
5 點走人 又係打車番酒店 ~
呢個司機就正常速度 但一塞車就好心急轉去另一邊方向
奇怪頭先應該差唔多到啦 心諗點解會見到國貿金光華 ?! 里奧大人話司機行錯路呀 載我哋遊大運呀 哈哈
今晚會行茂業天地
因為塞車 差唔多坐咗 50 分鐘車呀 車費約HK$47.62 其實都算平㗎喇 ~
番到酒店都接近 6 點 lu 今次酒店係我揀㗎 因為我想試下住羅湖 價錢係 HK$942.93 (2 晚) ~
今日出咗好多汗 所以抖陣先出去食晚餐 ~
到酒店喇
酒店有機械人送餐
走廊都光猛
間房都光猛呀
我見到 HAPPY BIRTHDAY 笑哂話好開心呀 里奧大人問真定假 ?! 我話真係喎 有呢啲小擺設都好有驚喜呀
熄燈影就靚好多
呢張梳化都幾舒服 最緊要唔好深色就得㗎喇
小角落
依家唔係咁慣用呢啲水龍頭
洗手間都乾淨
洗髮露 / 護髮素 / 淋浴露
酒店係提供一次性毛巾
差唔多 6 點 15 分就出去食晚餐 羅湖區應該多嘢食啩 ~
健身房
洗衣房
圖案好似數目字 8
去茂業天地睇下有咩食店 不過就無咩啱食 所以喺附近睇下有無食店喇 如果真係唔啱食 里奧大人話去國貿喇 ~
全季酒店外型好似隻船
茂業天地無咩嘢好行 又無咩嘢啱食 個場又比較細 唔怪得無咩人行啦
行番出去大街睇下 我見到有間食重慶小麵 所以同里奧大人講話入去食喇 ~
我調咗幾次位 咁我坐定就叫職員再抹枱啦 佢話妳轉咗呢度呀 ?! 我話唔好意思要再抹枱 佢笑笑口話佢應該做嘅 ~
坐位都寬敞
開餐
重慶酸辣粉 (RMB16) 加牛肉 (RMB15) - 我哋要小辣 但都幾辣呀 好在叫咗罐雪碧 (RMB4)
都幾大碗
牛肉好入味 紅薯粉又煙韌 呢餐好啱我食 哈哈
烤年糕 (RMB4) & 烤牛肉串 (RMB20/4 串) - 呢兩樣就一般喇
晚餐係 RMB59 (約 HK$67.77) 真係好抵食 其實仲想食腸粉 不過我要留肚食甜品先唔食咋 ~
@ 渝品鮮重慶小麵
成都冷串就唔食 lu
乳山生蠔 RMB10/隻真係好抵 不過我唔係咁想食
呢條街都多食店
蒸餸好似 RMB8 一碗
莓果巧克力乳酪包都幾好味咁 每次見到啲麵包都好想買嚟試下 但次次都無買 哈哈
食完就去番茂業天地嘅趙記傳承食甜品 我同里奧大人講話每晚都想食甜品呀 佢話無問題啦 又唔係成日係咁 所以我每次去旅行話食咩 佢都會講呢句 哈哈 ~
呢間分店都幾大
飯後甜品
多芒小丸子 (RMB24) - 呢個酸酸甜甜好食呀
份量都唔少㗎
芋圓仙草大滿貫 (RMB18) - 里奧大人鍾意食仙草
里奧大人自己影相做記錄
紅糖糍粑 (RMB9.9) - 新鮮炸起呀 真係非常之好食
以前好唔鍾意紅糖嘅味道 依家就無問題了
@ 趙記傳承
呢餐嘅銀碼係約 HK$59.61 所以覺得好抵食 ~
又去深港融合商業街行下 其實係去酒店必經之路
見有個出口就行出去睇下
有機會會試海豐小米
飯團就無興趣喇
脆脆零食 食到好飽真係試唔到呀 可惜可惜
薑糖
唔記得係咩糕點
里奧大人最鍾意嘅阿甘鍋盔
客家走地雞
北京烤鴨 其實都想買呢啲試下 好味可以買番香港
一大堆人去轉車
月黑風高
番到酒店都 8 點 15 分喇 今日出咗汗真係比較攰 拿拿聲沖涼就休息了 ~
我只係睇電視劇同電影 酒店係免費睇騰訊影視
我唔係咁鍾意睇籃球賽事
都係想睇電影
睇 "監諜任務" 都幾好睇
諗住 11 點瞓覺 但睇到 12 點 15 分先瞓呀 ~
沒有留言:
發佈留言