豆腐湯 ($54) - 估唔到小辣仲好味
感恩一覺瞓天光 不過瞓到 6 點醒醒哋 但仍然再瞓到鬧鐘響先咗身呀 ~
早餐食烚雞蛋 加啲鹽昆布係好食好多㗎 ~
菇場忙呀 咁就好喇 ~
Lunch Time 蒸完飯就出去睇啲嘢 行下行下又半個鐘 所以要快啲番菇場開餐 lu ~
忙下停下 就咁好快放工 ~
今晚同里奧大人出去食晚餐 咁我叫職員落單 因為我哋掃唔到 Code 佢好唔情願好急咁幫我哋落單 之後我同佢講咗兩句 佢再比嘢嘅時候 對我哋好好招呼 里奧大人都話估唔到我會咁講 我話我唔需要咁樣受氣囉 ~
食完就去德福睇嘢 因為我鍾意周圍睇 職員問我想搵咩 ?! 我笑住話搵人呀 咁啱我真係睇完要搵里奧大人 哈哈 ~
坐 Shuttle Bus 去 megaBOX 睇嘢 經過 AEON 我同里奧大人講話等 20 號有折呀 咁啱係星期日可以去買 依家 12 號好快到㗎咋 里奧大人個樣好疑惑咁問 AEON 幾號有折 ?! 我話 20 號呀好快到㗎咋 之後佢話依家 21 號喎 哈哈 ~
睇完見有時間就再坐 Shuttle Bus 去德福 因為拎月餅係 9 點 Closed 所以快速行去 Muji 買頸巾 買就好快但做會員就搞耐咗囉 ~
8 點半去到淘大 我叫里奧大人去唐記買飯做 Lunch 我就去拎雪糕月餅 去到見到個場好似清緊咁 好在職員話仲有月餅拎咋 ~
拎完即打比里奧大人 佢話正想打比我話 3 分鐘後有巴士 我又睇咗反方向嘅班次 仲話 7 分鐘可以慢慢行添 ~
家姐好多同事都知佢一有嘢食就會比埋我 依家如果有 Coupon 仲幫手睇埋係咪免費先好比阿妹呀 哈哈
番到屋企即沖涼 等埋里奧大人沖埋涼就睇 "卿卿日常" ~
睇到 32 集又已經 10 點半 係時候瞓覺喇 ~








沒有留言:
發佈留言