今朝瞓到 7 點就醒咗 但都繼續瞓到鬧鐘響 ~
鬧鐘未響但里奧大人起身望下個鐘 話已經 7 點 50 分喇 我話如果係 8 點 50 分就大鑊喇 ~
原來我無將手機拎入房 里奧大人又校到鈴聲好細聲 真係整定要遲起身呀 哈哈 ~
今朝同里奧大人出去食早餐 食完都直接番工 lu ~
菇場唔忙 執下嘢又同船頭傾下偈 但喉嚨仍然有啲痛 好在有喉角散 食完又無咁痛喎 ~
放工即走 今日同石頭食午餐 其實得 1 個鐘都比較趕 但我話唔理呀 7 月生日飯拖到 9 月先食已經好耐 我唔想再拖呀 ~
石頭鍾意食越南嘢 所以我話去 30 啦 但今朝佢話改貓廬 因為 30 比較嘈 我話其實我都覺得 30 比較迫 改為貓蘆仲好呀 ~
我一坐低影完餐牌 石頭就即叫我 Whatsapp 比佢 咁樣唔駛再嘥時間落單 佢一嚟到就食得 咁樣多啲時間傾偈 哈哈 ~
好感恩佢有好多嘢同我講 所以里奧大人成日話佢好珍惜我哋嘅友誼 咁我都好珍惜㗎 雖然唔係成日一齊食飯 但都有 Whatsapp 傾偈㗎 ~
食到 2 點 40 分就要走喇 石頭要去小組 我就番屋企放低嘢先再出發去 LA 活動 ~
4 點半散會 去埋樓上買嘢先番屋企 ~
里奧大人話頭先瞓咗晏覺 所以抖陣會去做機 我話無問題啦 ~
因為里奧大人晏晝只係食咗個鹹牛肉包 所以 6 點半都可以開飯喇 ~
是日晚餐 - 韭菜餃子 + 蠔油燜雞腳 + 萵筍苗
韭菜餃子 - 尋晚焗熱但覺得啲皮硬咗啲 咁今晚都係想煎嚟食 口感真係差好遠呢 ~
蠔油燜雞腳 - 呢個真係超級好味 下次會再叫 Y 姑整比我食呀 ~
萵筍苗 - 第一次食萵筍苗 都幾好食喎 ~
洗埋碗就開機洗衫 之後沖涼休息 ~
同里奧大人一齊睇 "卿卿日常" 今晚睇到 17 集又已經 11 點 係時候要瞓覺喇 ~




沒有留言:
發佈留言