鐵板黑椒牛肉飯 ($68) - 如果係肥牛會好啲 因為依家好似食緊沙爹牛肉咁 哈哈
( 13-SEP-2026 SUN )
感恩一覺瞓天光呀 無喉嚨痛但流鼻水同有啲咳 不過約咗家姐就點都要出去喇 ~
家姐今朝遲咗出門口 所以我一落車就搵佢哋 不過我背住佢哋嘅 我見到 Berry 跑過嚟呀 又係好似十年再重逢咁 見到我好激動 但今次撲咗兩下就停喇 可能佢急紙 哈哈 ~
今次佢好快搞掂 我同家姐就可以快啲去食早餐喇 ~
煙肉+蜜味火腿+炒蛋+薯餅+麥包多士+凍咖啡 ($52)
識家姐嘅人都知佢食得好辣 同事 P 仔又係食得好辣 家姐話佢上次食食下就比件腐竹比 P 仔食 佢食完都話辣 不過家姐話上次要特辣真係食完唔係咁舒服 之後都唔敢再食特辣呀 我咪話囉 駛咩一下子就去到特辣咁激喎 ~
家姐話 P 仔會等埋佢一齊放工 我話又會跟埋妳呢個中女嘅 ?! 佢話 P 仔鍾意傾股票呢啲喎 ~
食完就去 Panash 買包 咁我哋揀包嘅時候 有人拍我呀 原來係船頭 我正想介紹家姐比佢識嘅時候 佢已經叫家姐做家姐 哈哈 之後同佢傾咗陣就番屋企喇 ~
Berry 女一見到我又係撲唔停 真係好鬼得意 不過有時太大力 整到我有啲痛呢 ~
家姐講開細 K 做生意 但好多都未諗好 始終夾份真係要好小心 無謂為咗錢就無咗朋友 又話佢同糟糟拍住做生意 可能之後都無朋友做㗎 所以我覺得做朋友真係唔好牽涉錢 為錢反目真係好唔值得囉 ~
傾下呢樣傾下嗰樣又已經 12 點 15 分 咁我都要走喇 所以家姐陪我去搭車 ~
買埋午餐就去里奧大人公司 食完就幫手做嘢 今日 2 點半先搞掂呀 ~
雙層芝士子堡餐 + 麥香雞 ($55)
番到屋企即沖涼洗頭 因為我要瞓晏覺呀 希望瞓醒會好啲啦 ~
3 點瞓到 4 點半 之後睇下 Youtube 6 點左右就出去食晚餐 lu ~
星期日出去食晚餐 感覺真係好舒服呀 但其實里奧大人好多時都叫我出去食 不過我話想煮飯啫 哈哈 ~
食完去惠康買嘢 因為有 92 折呀 ~
番到屋企即沖涼 等埋里奧大人沖埋涼再熨埋衫 之後先一齊睇 "卿卿日常喇 ~
睇到 20 集 時間啱啱好係 10 點半 我要瞓覺 lu ~

















沒有留言:
發佈留言