沖繩二段料理 @ 紅磡 ( 9-SEP-2026 )

開餐

蜜糖芥末雞 - 新鮮炸起實好食   哈哈

宮城辣醬雞 - 個醬都幾辣   啱哂我呀

蕃茄鐵板烏冬 ($92) - 烏冬口感仍然咁煙韌

大阪燒醬雞肉餃子 (追加 $20) - 估唔到個皮脆卜卜   好似食緊春卷咁

沖繩海鹽焦糖冬甩雪糕 - 我最鍾意焦糖嘢   但里奧大人就覺得甜喇

紅桑莓醬冬甩雪糕 - 呢個都好味道呀

無糖烏龍茶 (凍)

( 9-SEP-2026  WED )

尋晚發夢自己瞓喺火車軌隔離   因為嘈到不得了   之後直頭嘈醒咗添呀   原來係里奧大人嘅鼻鼾聲   好在好快又瞓得番咋 ~

早餐食芝士卷   好耐無食   所以覺得好好味呀 ~

食完去里奧大人公司坐陣先番工   同里奧大人傾傾下偈   易姐突然入嚟話請我食無花果   仲話尋朝諗住比我㗎   咁再番嚟嘅時候但我已經走咗囉 ~

其實里奧大人啲同事真係好有我心   幾乎係食物都會預埋我㗎   之後里奧大人話點解係比妳唔係比我 ?!   哈哈

菇場忙呀   溫總過嚟同我講話喺 System 搵到個好方法   咁唔駛 Check 得咁煩   我即刻睇下佢點做啦   我話我依家都係用緊呢個方法喎 ~

其實呢個 System 已經用咗幾年   唔明點解依家先諗到所謂好嘅方法 ?!   我第一次做嘅時候已經咁用啦 ~

Lunch Time 要去一田買涼粉   船頭又話要去買個籃   所以我都唔蒸飯 lu ~

德青源愛緩卵白蛋10隻裝 ($46/2 盒) / 壹品粒粒涼粉 X 3 ($9.9/盒) / 萵筍苗 & 水晶冰川生菜 ($35)

買完都已經 12 點 15 分   我要番菇場叮飯食 lu ~

本身我買 1 包萵筍苗   之後職員話買 2 包 $35   所以船頭就同我 Share 喇

忙下停下   船頭 5 點 20 分開薯片食   仲叫我試下   但我話刷咗牙喇   之後我話係洗咗杯先啱   哈哈 ~

今日係結婚週年   所以要出去食飯慶祝一下呀 ~

咁我放工先去睇中醫   里奧大人再嚟接我   之後就幫船頭去買茶   買完就去食嘢喇 ~

我話呢餐真係超級飽   可能加咗份餃子呀   我再話要減肥但咁食法好難減   佢笑住話妳由 1 月 1 日開始話減   我話 10 月真係會認真減   呢排要做節要食好多嘢唔想減住   哈哈 ~

食完就番屋企   但行到一半路嘅時候   里奧大人話要去奇趣天地買嘢   咁當然無問題啦   因為好飽都好想行下囉 ~

我都估到佢一定係買小新比我㗎喇   佢話結婚週年要送嘢比我喎   咁我都唔會客氣   哈哈 ~

蠟筆小新動物恰恰恰系列 (特價 $20) - 上次原價 $69 減到 $39 已經覺得抵   今次減到 $20 呀   我揀咗 2 盒   但里奧大人話仲有 1 盒喺入面   我話 2 盒夠喇   公司無位擺呀

買完就去買砵仔糕   之後我叫里奧大人買碗綠豆沙清熱氣   佢又問我食唔食糯米糍 ?!   我話真係好飽食唔落呀   佢就問職員可唔可以放雪櫃聽晚食 ?!   但職員話雪咗會硬   我無諗過里奧大人會咁問呀   佢知我鍾意食煙韌嘢好想買比我食   不過我話下次先買啦   反正之後都會成日嚟 ~

番到屋企即開機洗衫   之後沖涼休息喇 ~

猴子同熊貓 - 非常感恩抽到另外兩款呀   四款抽到三款真係好感恩呀   上次抽到兔子   我同里奧大人就最唔鍾意隻光屁屁怪獸   哈哈

綠豆沙 ($17) - 我試咗一啖   我覺得都足料但甜咗少少

仍然繼續睇 "卿卿日常"   睇到 14 集又已經 10 點 45 分   係時候瞓覺喇 ~