2026年9月11日星期五

冬菇亭點心大排檔 @ 九龍灣 ( 11-SEP-2026 )

濃湯海鮮粉絲雜菜煲 ($98) - 份量都好多呀   同埋味道都唔錯   如果我自己整到就好 lu


椒鹽金磚豆腐 ($48) - IT 話食呀   所以一定要叫啦


蜜椒薯仔牛柳粒 ($128) - 我哋個個都話好味道   但阿 Jack 話尋晚整得仲好味   哈哈


菠蘿拔絲咕嚕肉 ($98) - 呢個都 OK 呀   因為有幾件啲皮係脆㗎


古法涼瓜燜魚雲煲 ($128) - 我最鍾意呢個   因為太耐無食魚喇


( 11-SEP-2026  FRI )

感恩瞓得好好呀   不過瞓到 7 點都醒醒哋 lu   但懶床到鬧鐘響先起身 ~

今朝同里奧大人出去食早餐   食完就去佢公司坐陣先番工 ~



菇場唔忙   可以做自己嘢 ~

Lunch Time 出去 DAISO 買嘢   買完又已經 12 點 15 分   要番菇場叮餃子喇 ~

東京拉麵 ($12 但 8 折之後只係 $9.60) - 1 包比同事   4 包就比里奧大人同事 
沙律醬 ($12/2 件) - 本身買 3 件   但職員話 $12/2 件就當然買夠 4 件啦


都係 $9.60/條   咁問里奧大人要唔要 ?!   估唔到佢話要呀   話送禮自用喎   咁我買 7 條比佢啦


唔忙又做自己嘢   阿齋好多時 3 點幾就過嚟食零食   我話頭先買咗啲零食   叫佢開嚟試下   佢話唔好再買啦   仲有好多未食   之後船頭話我戒食唔戒買   我話咁啱特價先買咋 ~

無啦啦喉嚨有啲痛   唔通煎餃子再叮會好熱氣 ?!   之前叮嘢食又無喉嚨痛喎 ~

船頭尋日買嘅曲奇   我覺得海鹽朱古力曲奇好鹹   牛油曲奇又唔夠香   佢話好彩買半磅咋


放工即走   我行咗陣淘大就去惠康買無花果同蘋果   里奧大人話過嚟搵我   之後佢話都估到係買比小組   哈哈 ~

今次都係買蘋果同無花果   我最開心係用到 $8 同 $12 Coupon   所以覺得更抵呀 ~

樂淇珍寶蘋果 ($63.50/2 件) - 都係買比阿 Jack 嘅
原裝大箱土耳奇無花果 X 4 ($49.80/盒) - 1 盒比教牧同工 & 3 盒比小組


我買咗最靚嗰 4 盒   因為今晚無時間即場食   所以買啲無咁熟嘅


買完即拎去教會放低   同工一見我就知道有無花果呀   哈哈   今次特登買 1 盒比佢哋慢慢食 ~

我哋去到食店   諗住坐低嘅時候   前面張枱有人叫我哋   原來係 IT 兩公婆呀   之後佢哋話一齊坐呀   後尾阿 Jack 同姊姊 J 都嚟埋   咁 6 個人就可以試多啲嘢喇 ~

講開睇劇   佢哋睇劇真係睇得好搞笑   1 個係 1.25 倍睇   1 個係睇頭 3 集就跳去睇結果   如果好睇再由第 4 集睇   我話我同事睇劇係飛劇   所以好快睇完一套劇囉 ~

佢哋又話我識煮好多嘢   我話全部急凍之嘛   佢哋話唔估到我唔煮海鮮同埋新鮮魚   我話因為唔想睇住佢哋生勾勾   之後煮熟再食   我唔係咁接受到   所以揀海鮮嘅時候   我絕對唔會出現呢   哈哈 ~

食到 7 點 45 分都走喇   我哋番教會先   姊姊 J 就要去超市買嘢 ~

姊妹 IT 一見到里奧大人就話佢老公話記要比番錢你呀   咁里奧大人得支付寶   佢話支付寶無錢   所以拎 $200 比里奧大人   我話叫里奧大人喺支付寶過 $200 比妳   妳再支付寶比里奧大人咪得囉   里奧大人話都有 $200 Cash 啦   駛咩支付寶過數呀   同埋咁樣過數咪即係要比兩次錢   哈哈 ~

今晚代禱又係好搞笑   姊妹話個仔做嘢比人鬧   之後將所有負面轉為正面   話人哋當你親生仔先教你咋   依家塞錢入你袋呀    真係笑到我哋死死下   佢最後話都頂唔順自己咩都噏得出   哈哈 ~

另一個弟兄分享細佬喺英國開搬運公司   但佢信唔過外人   所以舖路叫你過去幫佢呀   之後又話帶埋邊個個仔一齊做   佢再強調話佢細佬唔信外人呀   姊妹話嗰個係你契仔咪得囉   今次代禱事項真係笑到大家肚痛呀   明明擔憂但好似講到笑話咁   哈哈 ~

10 點 15 分散會   啱啱好趕得切班車 ~

番到屋企即沖涼喇   之後睇下 Youtube   差唔多 11 點半先瞓 ~

沒有留言:

發佈留言