今朝瞓到 6 點半就醒一醒 嗰下真係有衝動去做運動 但我驚早晚做會 Over 咁實比里奧大人鬧死 因為佢要我抖埋今星期先可以做機呀 ~
今朝都係里奧大人去買早餐 因為我怕熱唔想行呀 等佢買完就一齊去佢公司喇 ~
我同阿妹講開食嘢 里奧大人話下次一齊食自助午餐 我話可以食 4 個鐘㗎 食下傾下唔係好耐㗎咋 之後佢哋即刻話人哋都要清場啦 哈哈 ~
菇場忙下停下 船頭今日無帶飯 我話一齊去三不館啦 之後阿齋番到嚟就即刻約埋佢 仲話今次係無預警食午餐 哈哈 ~
公司擺自己鍾意嘅嘢 番工都特別開心㗎
船頭話尋晚發夢見到我同阿齋 我哋三個去黃大仙附近食自助餐 但食之前佢去買輪椅 我同阿齋就放哂啲手袋喺輪椅上面 去到食自助餐嘅地方 仲問人邊度可以擺輪椅 ?! 之後佢覺得無位放輪椅 所以要拎番屋企先 我哋覺得最搞笑係無啦啦做咩買輪椅囉 哈哈 ~
同埋我話好邪 今朝先同老公同事講食自助餐 點知妳就發夢講自助餐 ~
Lunch Time 一到即出門口 之後 BG 同阿輸都話一齊嚟 但佢哋未走得 咁我哋去攞位先 lu ~
四餸一麵 ($59) - 醬燒豬頸肉 / 滷水鮮豬大腸 / 咖哩魷魚 / 懷舊牛腩 / 鮮製油麵 (扣底) + 古法辣汁 (中辣) - 樣樣都好食 但我覺得辣汁唔夠辣
船頭話酸齋都唔錯 所以影比里奧大人睇
鮮沙薑豬手 ($38) - 咁啱有 5 件就最好喇 因為之前船頭話一碟唔夠分呀 哈哈
凍奶茶 ($10)
食完就去 759 買食物袋 之後去埋買曲奇餅就番菇場喇 ~
我同船頭講話之前喺 GP 買嘅蘋果山楂茶 依家一田買 $38 但買 10 樽先係咁嘅價錢 佢話飲到發霉都未飲得哂啦 我話 1 樽只係 15 包之嘛 飲半年都得嘅 之後阿齋無啦啦一路睇手機一路話由佢買啦 仲要用啲無氣話妳嘅語氣先搞笑 又話睇我買蛋就知我咩都只係想買 由佢買啦 哈哈 ~
今日真係超級飽 可能又油麵又奶茶 我話好想飲酸嘢消滯 船頭話我消化能力低喎 因為佢哋頭先先食完塊曲奇餅 ~
放工即走 番到屋企已經見到里奧大人 佢仲話已經熨埋衫添呀 ~
今日里奧大人同 Y 姑食 Lunch 所以我尋日叫 Y 姑整餃子比我食呀 V 姐包嘅餃子好好食㗎
無諗過有雞腳 不過我都好鍾意食㗎 但今晚食唔落 要留番星期六先食
因為我食唔落飯 但驚里奧大人齋食餸好鹹 所以佢焗福麵喇 ~
是日晚餐 - 魚香茄子 + 韭菜豬肉餃子 + 芋絲春卷
魚香茄子 - 終於清埋包醬料喇 應該有排先再見 哈哈 ~
韭菜豬肉餃子 - 我再焗熱都好食㗎 同埋我鍾意蘸醋食呢 ~
芋絲春卷 - 其實有 6 條 好在焗 2 條咋 因為好多料 食 1 條都好飽下 ~
洗埋碗就沖涼休息 之後睇 "卿卿日常" ~
因為聽晚好夜先番到屋企 所以今晚一次過食哂算喇 唔想留咁耐
里奧大人依家會用簿仔寫低睇到第幾集 我話佢好似啲老人家咁 之後佢問我依家睇到第幾集 ?! 我答錯咗呀 所以佢話仲笑佢寫低 妳自己都唔記得啦 哈哈 ~
睇到第 14 集喇 但今晚好攰 所以 10 點半要瞓覺 lu ~
沒有留言:
發佈留言