燒汁焗牛仔骨 + 豆角炒豬肉腸 ( 8-SEP-2026 )

剩咗啲韭菜就食埋去   就咁加豉油麻油都好味道㗎

( 8-SEP-2026  TUE )

感恩一覺瞓天光   不過又係瞓到天光就醒醒哋   但我都照繼續瞓到鬧鐘響先起身 ~

里奧大人一起身就話半夜去咗廁所   如果唔係瞓得仲好   我話我都唔知你起身添   之後佢話我瞓得好呀   哈哈 ~

早餐食 Flakes + 乳酪   終於食哂啲乳酪   下次特價都唔會再買㗎喇 ~

菇場忙呀   仲諗住 3D 可以抖下添 ~

今朝真係好邪   阿齋同肥仔豪 Whatsapp 又無睇   銀行打嚟又無睇   好在唔係緊要嘢咋 ~

Lunch Time 蒸完飯就去 A1 買麵包   之後去一田行下先番菇場開飯 ~

我話睇緊 "卿卿日常"   估唔到船頭話好睇   佢鍾意老三個角色   阿齋就鍾意白敬亭   大隻得嚟唔 Over   呢樣我又認同呀 ~

忙到 2 點就搞掂   里奧大人話阿笑又話佢啲餸好香呀   我老婆知道實開心死   我真係覺得呢句好搞笑   咁開心都好正常啦 ~

好在家姐都覺得 Berry 恐怖   哈哈

放工即走   番到屋企都煮晚餐   今晚要切粒粒要多啲時間   里奧大人話要晏啲放工   咁無問題啦 ~

是日晚餐 - 燒汁焗牛仔骨 + 豆角炒豬肉腸

燒汁焗牛仔骨 - 今次只係焗熱   但口感完全唔柴呀   真係第一次咋   哈哈 ~

豆角炒豬肉腸 - 加咗一扎韭菜   我就切埋粒啦   星期六買真係點都要食埋去喇   我再加埋野生椒豆豉油辣椒一齊炒

洗埋碗就沖涼休息   里奧大人就熨衫   等佢搞掂就睇 "卿卿日常" 喇 ~

話咁快就睇到 11 集   但我有啲攰   所以 10 點半都要瞓覺 lu ~