今晚連埋工人姐姐總共有 33 人 所以仲要開另一張枱擺食物
蠔餅 - 我問里奧大人好唔好食 ?! 佢話只係食咗蠔仔 因為賓公係咁夾啲蠔比佢食 哈哈
三文魚腩 - 如果塊皮再脆啲就更加好
滷水鵝 - 呢度只係其中兩盒咋 所以佢哋話隻鵝都好大隻
我想食鵝掌鵝翼好耐喇 所以今晚食得好滿足呀
泰式生菜包 (辣) - 好味呀 唔好睇賣相白雪雪咁
唔辣就整比細路仔食嘅
奇味雞煲
麻藥蛋 X 2
沙薑雞腳 X 2 - Y 姑話可以凍食 我話啫喱狀唔可能凍食啦 之後再煮翻熱 當堂好好味呀
叉燒炒飯 - 里奧大人至愛 所以食剩就我哋拎走 賓姑話下次再獨立炒一盒比里奧大人食 哈哈
沙律 X 2 - 賓姑知我鍾意佢 佢特登叫工人姐姐整㗎 但今次整得好少 所以下次再整番比我拎走
尋晚瞓到 3 點半就醒醒哋咁 之後好難先瞓得番呀 所以今朝鬧鐘響完要懶床 5 分鍾先起身 ~
今朝同里奧大人出去食早餐 因為我好想食麵呀 ~
菇場唔忙 真係要抖下 ~
講開蠔油做特價 我話我已經有 6 支 唔買喇 船頭話佢成日用都只係兩支儲備 阿齋好大聲話妳唔好再買嘢啦 成日買完又唔用又唔食 船頭叫佢唔好咁激動 哈哈 ~
之後又講溫總啲奇特嘢 成日話阿齋改咗啲嘢 叫佢 Logout 但阿齋話根本都入唔到去 之後又再叫佢 Logout 真係搞笑 跟 Logout 有咩關係 ?! 我同里奧大人講呢單嘢 佢都第一時間問做咩要 Logout ?! 所以對住溫總真係好嘔血 ~
放工買埋午餐先去里奧大人公司 又係我想食燒賣腸粉 我覺得 Share 食最好 始終燒賣腸粉都幾滯 哈哈 ~
食完就參加 LA 活動 里奧大人就放工番屋企瞓晏覺 ~
4 點半活動完畢 我買埋麵包就番屋企放低 之後再去里奧大人公司 同佢一齊出發去大埔喇 ~
6 點半去到賓姑屋企 之後成班人一齊傾下偈 所以明明 6 點半開飯都要遲啲先開呀 哈哈 ~
同兒甥女米奇講開洗衣機 晴公話洗唔到定壞都無所謂啦 米奇同我都好大反應話梗係有所謂啦 里奧大人都係咁笑 黐鬼線咩 洗衣機壞咗洗唔到衫點會無所謂呀 ~
之後又傾洗衣珠點樣用最好 再傾下呢樣嗰樣 傾到 7 點先開餐 ~
今晚都無咩點食嘢 只係食咗鵝掌同三文魚腩 我係咁同兒甥仔大力傾呀傾 佢喺我公司附近做嘢呀 同佢講邊間食店好唔好食 估唔到大家都係差唔多口味 佢話好食嗰幾間係同阿齋同船頭講嘅一樣㗎 ~
佢喺潮州買咗綠豆餅 我話想食好耐但唔知咩樣 之後賓公即刻叫大力拎比我食 我都忍唔住笑話咁樣講就有人拎比我食 哈哈 ~
里奧大人話賓姑同佢講話唔需要食山珍海味 最緊要大家一齊聚下 食咩都無所謂 咁呢樣我都認同呀 同埋每家人一樣食物 又唔駛工人姐姐一個煮哂咁辛苦 我覺得咁樣真係好好 同埋我又唔識煮 我又可以又食又拎 最着數都係我呀 哈哈 ~
8 點 40 分走喇 不過等咗好耐車再轉車 所以 10 點半先番到屋企 ~
里奧大人話我今晚好好呀 我話有咩好呀 ?! 佢話我幫嫲嫲按膊頭 又拖住 Y 姑隻手一齊行 我話無咩特別咋喎 佢話有啲唔會咁做㗎 咁我話可能佢哋關係唔係咁好啩 ~
沖埋涼就睇下 Youtube 里奧大人 11 點 45 分瞓 我 12 點先瞓呀 ~
沒有留言:
發佈留言