越棧 @ 九龍灣 ( 10-JAN-2016 )

里奧大人明明話飲綠豆冰   仲問咗我兩次係咪唔飲 ?!   唔飲就叫綠豆冰   因為知我飲綠豆會好涼會頭暈   之後佢叫紅豆冰   我糾正番係綠豆冰   但佢又話要紅豆冰先啱 (係咁紅豆綠豆紅豆  哈哈)   咁我咪話唔係飲綠豆冰咩 ?!   佢話我可以食啲紅豆   所以叫紅豆冰   之後仲話煲紅豆沙比我食   嗰下真係呆咗   我話煲比我食 ?!   佢話係呀   估唔到又幾好喎   雖然得把口   但起碼知我要補血   食紅色嘢呢   哈哈

唔熟嘅豬扒   里奧大人一定唔知係唔熟   所以我勒令佢   無我喺度唔可以食豬扒  

香茅雞翼湯濛

 ( 10-JAN-2016  SUN )

今朝 8 點半起身   沖埋涼   食埋早餐就番主日學喇 ~

崇拜完畢就番屋企拎環保袋   因為諗住掃平嘢   咁明明好開心咁睇緊袋   家姐打嚟   咁佢感冒嘛   所以把聲好似喊咁   嚇鬼死咩   原來佢打嚟話媽咪已經拆埋粒豆   嗰下我好開心呀 ~

呢包藍莓乾喺價真棧買嘅   $71/包   好鬼大包   有排食   哈哈

無啦啦好餓   所以去 Piago 食完嘢再 Shopping   點知乜都買唔到   之得唔特登番屋企拎環保袋啦   哈哈 ~

吉列魚柳

吉列豬扒 

番到屋企都 3 點   即開機洗衫   之後到我淘寶喇   搵咗兩星期都搵唔到心水嘅手提袋   所以去淘淘先   點知比我淘到   仲要係十分之一價錢   超抵 ~   

又睇下飲食男女   睇到 5 點半就出發探媽咪喇 ~

無啦啦落雨   最驚濕凍呢 ~

見到媽咪都精神   佢食魚蛋麵   不過佢好搞笑   成日強調話頭先有食醫院啲瓜菜   我話其實唔食街嘢更好啦   因為一開碗魚蛋麵   成陣味咁   係 Feel 到係好鹹囉 ~

今晚 7 點 45 分走喇   因為里奧大人聽朝約咗同事 7 點 45 分喺公司附近等   想早啲食飯早啲休息呢 ~

去到巴士站落好大雨呀   所以去越棧食嘢算喇   因為最緊要近屋企 ~

食完就行一陣 Outlet 場   又唔係平   仲要啲款係超舊   其實叫做散貨場好過囉 ~ 

番屋企即沖涼   之後就休息   11 點即瞓喇 ~