Saizeriya ( 薩莉亞意式餐廳 ) @ 九龍灣 ( 2-JAN-2016 )

水牛芝士比薩 - 如果餅底再薄啲就更加好喇  

里奧大人叫我成塊咁食   我話好呀   但我心諗都 Cut 開一半啦   做咩唔 Cut 埋去呢 ?!   之後佢話講笑   我話好好笑咩   哈哈

吞拿魚配蕃茄辣汁意大利粉 - 估唔到里奧大人話食吞拿魚意粉   咁仲好啦   好過成日食煙肉同肉醬   同埋屋企仲有幾罐吞拿魚   我就係驚佢唔鍾意食   所以唔敢整住   咁依家就可以整啦   哈哈

羊鞍焗爐燒 (2 件) - 我食咗少少   又唔係好羶喎

蒜蓉焗田螺

中華海草

( 2-JAN-2016  SAT )

今朝 7 點 50 分先起身   真係勁唔想番工囉   哈哈 ~

遲咗出門   所以差唔多 8 點 40 分去到平時食開嘅茶餐廳   見到 8 卦坐門口   之後佢同我打眼色   原來阿渠坐喺佢對門   所以我即關門即轉場   呵呵   但咁又好喎   可以食粉果做早餐   平時呢間好多人食   所以好焗   但今朝無咩人   可以舒舒服服咁食呢 ~

番到菇場完全無 Mood   我明明有 Report 都唔想做呀   就咁 Load 相 Load 咗半日   對眼好攰   哈哈 ~

又開始新嘅一年 lu 

家姐11 點半打嚟問一陣同唔同媽咪飲茶 ?!   但我話可能一陣行山   所以唔去喇   咁講完之後無耐   里奧大人打嚟話起身   咁我話一陣同媽咪飲茶好唔好 ?!   佢話好   咁我就即約家姐喇 ~

佢哋約去稻香   咁里奧大人就拿拿聲刷牙洗臉   之後即去攞位呢 ~

我放工都即走 lu   一坐低已經有嘢食   呵呵 ~

香芋金錢酥盒

醬皇金錢肚 - 用蘿蔔糕墊底   都幾特別喎  

剁椒蒸三寶

臘味糯米飯 - 都煙韌同乾身   唔錯喎  

五穀粗糧糕

香芋煎薄罉

唔記得叫咩拚盤

飲到差唔多 2 點半就走喇   送埋佢哋去停車場   我都番屋企 lu ~ 

雖然會落雨   但都忍唔住抹窗   之後再執零食櫃   因為阿表實在買咗好多零食比我   唔知以為佢做批發   哈哈 ~

1 盒 + 3 袋嘅愛心手信

2 包 mimi 脆脆 + 2 包海鮮脆 + 1 包江魚仔  

包包都脹卜卜㗎

獨立包裝嘅海鮮脆 + 杯麵  

唔同味道嘅媽咪麵   我可以做代言人   哈哈  

Rojak 醬   

表表話呢盒係小寶堅持要親自 Pack 比我嘅   有 8 支 100 Plus 呀   仲用媽咪麵同醬料包墊住呢   表表擔心小寶擺得唔好   但我覺得都好整齊呀

真係有排食嘅手信   哈哈   多謝表表 & 小寶   

女飛俠嘅手繪晝心意卡   又靚又得意呀   

難得有 Mood 做家務   再抹埋衣櫃   搞掂哂都差唔多 6 點   今晚里奧大人話想食 Pizza   所以去 Saizeriya   等咗 10 分鐘就有位 lu ~

食完就去商場行陣   之後番屋企一開門覺得好焗   即頭痛   唉 ~

沖埋涼都休息   坐坐下覺得好熱   我同里奧大人講話唔知係咪頭先食咗啲羊肉   所以個人好暖呢 ?!   佢話我食咗好小咋喎   應該唔關羊肉事囉   哈哈 ~   

里奧大人就睇戲   我就陪坐啦   個腦好實   完全無 Mood 睇戲囉   但又瞓唔到   但 11 點半都仲未做完   咁我話瞓 lu   因為開始有啲眼瞓咁呢 ~