陸陸雞煲火鍋 + Pacific Coffee @ 旺角 ( 15-JAN-2016 )

前菜 - 阿 mi 係咁食車厘茄   我覺得佢好健康呀   我就係咁食螺肉   哈哈  

陸陸雞煲 (例 $148) ( 小辣 ) - 阿 mi 就我食小辣   呵呵   我哋影相   阿姐話得啲菜有咩好影   其實我想我鍾意影咪影囉   妳咁多口做咩呢 ?!   

阿 mi 食食下話麻麻哋   之後加多句話係條脷麻麻哋   其實都知佢講條脷麻麻哋啦   哈哈   阿 mi 一路食一路搞   我完全無搞過呀   哈哈   好在佢細心   唔係成煲嘢燶哂都似       

陸陸六寶丸 ($80) - 有白魚蛋 / 豬肉丸 / 龍蝦丸 / 牛丸  / 蝦丸 / 墨丸   我覺得無特別囉   急凍丸之嘛   我以為樣樣係手打丸添   同埋我哋坐 2 人枱嘛   擺咗個雞煲   啲位已經所剩無幾   所以叫住兩樣先   唔夠再叫    

水餃 ($42) - 我記得明明係話要雙拚㗎喎

鮮鵝腸 ($70) - 好肥呀   哈哈   但叫咗都要食啦   里奧大人唔食嘛   所以有時同 mi 食嘢最好   佢會陪我食   知道我無人陪   同埋 mi 話千奇唔好叫菜食呀   索哂啲汁好辣   食唔到㗎   佢都話食唔到   我就一定唔叫啦   因為依家實施 "邊個叫邊個食"   我唔會搵自己笨   哈哈

阿 mi 居然唔收我錢   不過我話要比番啦   之後我同里奧大人講   CC 同阿 mi 唔收我錢呀   知我窮   佢即刻話因為我額頭 "作" 住個貪字呀   衰得佢   因為佢成日話我唔比番錢佢   我咪話囉   比張單咪有錢拎番囉   所以佢話我賤格   哈哈   佢話好記我嗰時喺書局   我叫佢買本 Voucher 薄   咁咪見單即比錢囉   不過我要買個 Chop 先得   佢好好奇問我咩   我好大反應話係 "Void" 印呀   哈哈哈哈   我真係覺得自己衰過啲奸商   哈哈

( 15-JAN-2016  FRI )

尋晚一覺瞓天光   真係好鬼開心呢   加上聽日 Off   所以今日更加開心呀 ~

今朝凍咗好多   不過我只係着一件厚 One Piece 加厚絲襪就覺得好夠暖   如果再着褸   係會好熱   但里奧大人問我凍唔凍   我話真係唔凍   咁我仲帶披肩嘛   真係好夠囉 ~

早餐可以慢慢嘆   睇埋報紙都仲有時間 hea   所以真係好鍾意星期五呢   哈哈 ~   

番到菇場  有兩個同事又問我凍唔凍 ?!   哈哈   其實件衫好厚   只不過我無着褸   佢哋咪覺得會好凍囉   其實我可能一件衫仲暖過妳哋薄衫加褸添呀 ~

菇場忙呀   又係煩嘢   真係做到有啲頭痛 ~

Lunch 諗住去麥記食超值餐   但唔覺有   所以去 KFC 食囉   一個餐都要 $37.9 再加杯熱咖啡 又要加 $3   我覺得好貴呀   哈哈 ~

超勁飽   又去行下一田超市   見到嘢食都唔想買   就知幾咁飽呢 ~

之後行行下高妹叫我   咁就一齊行下莎莎   行完就番菇場喇 ~

頭先又炸雞又薯格   再加埋杯咖啡   覺得超級勁熱氣呀   所以即焗杯牛蒡茶清熱氣   飲完又真係好似好啲咁喎   呵呵 ~

雖然媽咪仲未出院   但家姐話佢可能今日出得院喎   咁所以要等到 4 點先覆 mi 出唔出到嚟食飯囉   咁 4 點都無話出院   即覆今晚食飯喇 ~

忙鬼到呢   放工都未做完㗎   咁留番星期一先做 lu ~

今晚約咗 阿 mi 出旺角食飯   咁搭地鐵啦   因為 mi 話地鐵近啲喎 ~ 

約咗 6 點 15 分喺 E2 出口  咁我去到 E 出口又唔見有 E2 區   頭昂昂咁搵啦   之後衰 mi 笑住嚟叫我   話我樣好搞笑   可以個樣係好鬼驚青   哈哈   同埋佢已經 whatsapp 話 E 區等   不過我無睇到囉   呵呵 ~

一見到就傾傾傾   好在我哋中氣夠  唔係邊行邊講真係無哂氣囉   哈哈 ~

我地 6 點半去到   但阿 mi 係 Book 咗 6 點 45 分嘅   好在比我哋入去坐咋   好記得之前同佢去 CPK 食嘢   居然早 10 分鐘都唔比我哋入   話如果入就要開始 Count 時間 ~

一坐低就睇下叫咩食啦   之後開始傾呀傾   食呀食   個咀好忙呀 ~

咁我又呻嘛   又激氣   加埋食麻辣雞煲   真係更加慶合合   哈哈 ~

咁有個阿姐好好啦   幫我哋搞下個鍋   話易黐底   快啲食哂啲雞   但之後即加多句 "快啲食   8 點要還枱"   嗰下我勁驚   以為已經 7 點幾喇   因為頭先掛住呻嘛   但阿 mi 話 7 點咋   駛唔駛咁早講定話要還枱呀 ?!

雖然呢間雞煲好味   但叫佢哋加水或者佢哋幫我哋搞個煲呢   佢都話 8 點還枱   感覺唔係咁好囉   Book 位都知 8 點要還枱   同埋講一次咪夠囉   唔駛講幾次喎   所以阿 mi 都話鬼阿姐   7 點催到 8 點   真係好煩 ~

其實我覺得食雞煲同韓燒咁   好驚啲衫同頭髮索哂啲味   咁我問阿 mi 我哋有無 "雞味"   佢問我咩雞味   哈哈哈哈   我講比里奧大人聽   佢都係度笑   話我講得衰呀   雞味呢家嘢真係唔好亂講呢   哈哈 ~ 

8 點食完即走   阿 mi 帶我去朗豪坊嘅 Pacific Coffee 飲嘢   都 8 點喇   所以唔飲咖啡 lu   咁飲果汁就最好  同埋頭先堅勁飽   要飲啲酸嘢消滯先得呢   本來諗住食 Cheese Cake   但真係好飽食唔落   下次先食   哈哈 ~

左邊隻 Monchhichi 好搞笑   曾經超鍾意佢   依家就唔係 lu   所以里奧大人成日話我呢啲唔係鍾意囉    

阿 mi 買完嘢飲   一坐低到阿 mi 話我知啲藥膏係點用   又比埋手信呀   簡直大豐收呀 ~

我又比咗啲零食佢   因為要佢幫手食呀   我真係食唔到咁多呢   雖然我覺得好衰咁   但係真係無辦法   同埋我分零食嘅時候   真係諗住分埋比佢㗎   因為知道會見佢呢   呵呵 ~   

阿 mi 掂呀   呢個場真係正呀   最緊要係唔會比人催催共呢   但我又即刻諗起呀喂囉   成日話做我哋兩個生意好慘   哈哈   佢真係唔明嘅   做生意最緊要係咩呀 ?!   人氣吖嘛   你經過食店   無人坐呀   你都唔入去啦   係咪先 ?!      

又傾呀傾   好在阿 mi 教我之前送比我啲泰國神油點用   話臨瞓前搽喺 "雲精" 咁會好瞓啲   等我試下先 ~

今晚超勁開心呀我   呻哂我要呻嘅嘢   真係舒服好多   佢知媽咪入院   就一定會 Whatsapp 我問媽咪咩情況   但次次我都好鬼勞氣   所以我話雖然媽咪仲未出院   但我都要出嚟食飯   唔係我會顛囉 ~  

家姐唔識諗   媽咪又激到我死   我又無理由成日同里奧大人呻   同埋我想番到屋企嘅心情係舒舒服服   唔想令自己咁激氣   所以好多嘢佢都唔知   但阿 mi 就一定知 ~

有時唔開心都想即 Whatsapp 阿 mi   因為我覺得佢好了解我嘛   想佢幫我分析下   旁觀者清嘛   但又唔想煩到佢   但有時真係正想搵佢嘅時候   佢會搵我   呵呵   佢就慘啲   要聽我呻   但真係無辦法   我真係好想同佢呻呢 ~

我覺得 2/3 時間係我講嘢   但其實我覺得只係同 mi 傾咗 1/3 嘢囉   佢實在太好   係咁聽我講   都唔理佢想唔想聽 ~

之後佢又講生活點滴   又笑到我想標眼水   佢啲語氣呀   好鬼搞笑   好在喺 Cafe 傾嘅嘢係開心搞笑   咁臨瞓前都開心啲啦   哈哈 ~

傾傾下呀喂 Line 話 Goodnight   原來已經 11 點 07 分喇   真係唔知咁快又過咗 3 個鐘   一出商場   原來商場都掛 Closed 牌   哈哈   我同阿 mi 講   如果比人困住咗都好喎   可以食哂佢哋啲嘢   哈哈 ~     

差唔多 11 點 34分開車   但 11 點 43 分可以落車   一落車就落好大雨呀   但都懶得開遮 ~    

原來個紙袋濕哂   穿咗都唔知   仲跌咗盒藥粉添   激死我   嘥咗阿 mi 心意   下次佢送嘢比我   要幫我拎到上屋企先得呀   我實在太論盡啦 ~

好在無打爛咋

阿 mi 同阿喂送咗絲巾比我同里奧大人   仲洗埋   消埋毒再熨埋先比我哋   多謝哂妳咃呀

收到呢包乾果實在太開心   因為我想買嚟食好耐   但覺得太大包   里奧大人又唔食   我食唔哂   所以有時西瓜拎呢啲乾果手信   我日日食㗎   哈哈     

沖埋涼   抖多陣   1 點半先瞓呀 ~