Babymama: 小雨天 @ 葵芳 ( 14-JAN-2016 )

2016年1月14日星期四

小雨天 @ 葵芳 ( 14-JAN-2016 )

骨湯九菜豬肉餃子上海麵 ( $38 ) - 無諗過份量咁多同埋粒粒餃子都好大粒又夠餡料我哋覺得好好味呀因為我哋都鍾意食餃子呢

骨湯椰菜豬肉餃子上海麵 ( $38 ) - CC 食得好清㗎我話頂唔順白雪雪湯底魚湯除外哈哈

( 14-JAN-2016 THU )

好嘢又凍凍哋可以着下冬天衫無咁悶哈哈 ~

今朝去 KFC 食早餐好耐無食喇好有新鮮感不過就感覺到勁肥勁熱氣囉 ~

菇場忙下停下其實咁最好唔好一次過忙咁樣個腦會實哂唔知做邊樣先好囉 ~

Lunch 食酸辣米線今次大出血因為我好少叫兩樣餸哈哈 ~

邪爆無啦啦忙到顛但時間就真係過得好快話咁快就放工咁 ~

今晚約咗 CC 去葵涌廣場 Shopping 點知等小巴等咗 25 分鐘 ~

因為小巴係有去荃灣同葵芳但葵芳小巴比較疏班次所以我會上車問司機會唔會去葵芳之後排我後面個男人好好人呀見我上車又落車教我睇牌咁就唔駛上上落落 ~

之後佢仲教我邊個站落車實在太好喇因為我坐過一次小巴去葵涌廣場但已經唔記得係邊個站落車呢 ~

車程 25 分鐘因為塞車如果唔塞車我估 15 分鐘就到但好鬼驚啦司機大佬佢車片車咁我覺得有一下好似想反車咁呀嚇鬼死 ~

去到即買軟糖之後周圍行陣 CC 差唔多 7 點就到喇即刻比埋兩個背囊套比佢本來我哋兩公婆一齊食㗎但最後都係想 Shopping 多啲所以無男人份呢下次先再約食飯呵呵 ~

佢話有啲餓要食雞蛋仔但我話好飽肚㗎喎佢話唔會喎之後我話不如食咗先行啦佢即刻話好係咪咁餓呀哈哈 ~

咁 CC 比錢先咁之後我即刻比番錢佢佢居然無啦啦話請我我話唔得囉我送背囊套比佢佢又唔制所以我都唔會要佢請啦同埋真係唔需要請我囉我同佢講係咪睇唔起我所以請我呀哈哈 ~

食完有氣有力就 Shopping 佢尋日問我有咩想買我話無估唔到反而我有收穫塞滿 3 個環保袋其實好驚冬天買衫件件厚到死 CC 就只買到 1 件衫所以佢幫我手拎 1 袋衫呵呵 ~

我買咗 2 件長 Tee + 3 件厚線衫 + 2 件 One Piece ($560) + 2 對鞋 ($440) 最開心係啲衫同鞋都有 Discount 所以我覺得好抵呀 ~

行到勁鬼熱呀好在無落雨唔係就煩一袋二袋又開遮咁 ~

一齊坐地鐵番屋企喇咁可以傾偈嘛好在頭先一路行一路傾傾完偈我個人舒服好多呢 ~

終於要拎番 3 袋衫喇勁鬼重勁想叫里奧大人喺九龍灣地鐵站接我呀 ~

番到屋企原來只係 10 點頭先管理員問我做咩今晚咁夜我以為 11 點呀因為我都唔知自己幾時走呢 ?!

成身汗呀叫里奧大人讓路比我沖涼先之後再食車厘子同按腳抖多陣 11 點幾瞓 lu ~

$2.9/100g 買咗 $23 可以放滿一大樽超級勁抵