米線陣 @ 官塘 ( 16-FEB-2019 )

滋味二人餐 ($179)

川辣口水雞

清湯蘿蔔 + 燜冬菇

大汗豬扒

滷水雞翼 + 滷水牛展米線 (蕃茄麻辣湯底 +$2)

鮮蝦雲吞 + 香酥豬頸肉米線 (蕃茄麻辣湯底 +$2)

青瓜豆漿 / 青檸蘆薈冰

( 16-FEB-2019  SAT )

今朝同家姐食早餐   好似好耐無同佢食早餐咁   哈哈 ~

講開 Berry 姐   家姐話 3 月 3 日要去狗會比人領養   我勁唔捨得呀   喊咗出來   家姐仲搞笑   同朋友講話   話如果有人抱起 Berry   會啤住佢   家姐其實仲唔捨得啦   仲話工人實喊添呀 ~

不過家姐都話做保姆係咁   始終一開頭都只係暫養 Berry   等佢打完哂針   就要比人領養㗎喇 ~

之後家姐話我又唔見對麥包係咁   我話麥包一定會住喺妳屋企嘛   點同 Berry 喎 ~

食下傾下又 9 點   要即去搭車番工喇 ~

菇場 3D   所以勁 Load 相   難得今日又無 Urgent 嘢   感恩感恩 ~

放工即走   番到屋企忍唔住爆喊   我喊住同里奧大人講 Berry 3 月 3 號   之後喊到講唔到嘢   嚇到里奧大人以為 Berry 死咗   我話要比人領養呀   咁佢都話最緊要有頭好人家養佢囉 ~

之後佢咁啱要傾電話   我就繼續係咁喊喊喊   佢都係咁望住我   哈哈 ~

因為舖頭有急事要傾   所以同佢食埋下午茶   佢就去舖頭   我就去探 Berry ~

家姐番工嘛   咁唯有叫工人出來接我啦   家姐叫工人抱埋 Berry 一齊接我   去到家姐屋企都 3 點 45 分   姐夫出咗街   得番我哋   我都係第一次一個人喺家姐屋企㗎咋   哈哈哈哈 ~

好好天呀

一坐低就要同佢玩 (比佢咬)

隻手仔按住我隻大脾   佢啲指甲好尖㗎   所以勁驚佢抓親我塊臉   肯定有血痕

咬咬下呢   佢會咋咋啼啼   一嘢咬埋我㗎   真係唔明我有咩咁好咬   哈哈

牙仔細細隻好得意   但係最具殺傷力

之後工人同佢玩

玩完又曬太陽   幾咁識嘆

無啦啦呢入去梳化底   唔係依家先識驚我嘛 ?!  都咬咗我咁耐啦

個樣仲好慘咁   家姐同工人都話佢驚就呢埋喺梳化底   大佬   我無蝦妳噃

唔郁又好喎   等我可以影下相

之後又出嚟玩

超級大力

等食個樣   幾咁定同幾咁乖

無啦啦瞓喺度   嚇到我以為佢突然間唔舒服

餓定啦   因為對眼成日望住工人

好在肯食嘢

食到轉哂身

一影佢   佢又望住我

撲埋來咬我

拳頭硬了   唔好再咬我呀下

之後又番去食嘢

食完又望住我   真係好心野

里奧大人 5 點 15 分搞掂哂   咁我都走人喇   又叫番工人同 Berry 姐送我去巴士站   我驚行錯路 ~

感恩好快有巴士   同里奧大人行陣 APM   去 Stage of Playload 買咗 3 年裇衫   特價 $198/件   原價好似 $598   依家買 3 件價錢=買 1 件原價價錢   呵呵 ~

買完都 6 點幾   咁去米線陣食嘢喇   因為想用埋張 $50 Coupon ~

好飽呀   又要行陣 APM   之後番屋企 lu ~

番到屋企就即沖涼   之後熨 3 機衫   熨完都成 10 點   攰到呢 ~

睇多陣電視   11 點幾都要瞓喇 ~