BBQ @ 會所 ( 8-FEB-2019 )

開始 BBQ 喇

另一邊就用來燒羊鞍

另一邊就燒蕃薯 粟米 蔬菜

羊鞍

好大粒魚蛋

燒呀燒   雞翼都仲未燒

除咗菜同海鮮   其他嘅食物都係喺青林買嘅   個個都話豬扒好味道

燒蝦   仲有秋刀魚同帶子   

小朋友最期待嘅腸仔   仲有廚師腸

姊妹 MC 兩公婆好努力為大家服務   

魷魚好厚肉呀

玉子燒   我片咗啲燶嘅   佢地話我好刀功   我話其實真係好易片咋喎

我話切開易控制啲  因為頭先太大火好易燶   但太細火又唔熱

( 8-FEB-2019  FRI )

今朝要番工喇   因為知道今日食埋開年飯就可以放工   咁我都唔請假喇 ~

早餐食芝腿治烘底   夠哂飽肚 ~

菇場唔忙   但要做長命 Report ~

今日 1 點食開年飯   要擇吉時喎   真係多鬼餘 ~

我同 8 卦講   話如果吉時係 2 點   我一定唔會食囉   我 12 點半即走   真係唔想嘥時間   之後 8 卦話可能無得放早㗎   笑死我呀   我話我真係黐咗線   以為一定係放早   要是得我拎袋走就超級勁樣衰了 ~

聽 BG 講話今朝好早係吉時   所以西瓜好早番到菇場開哂所有燈   怪不得頭先一番到菇場   間間房無人都開哂燈啦   8 卦都話極之唔環保呀 ~

1 點全人類去飲茶   飲完茶可以放工 ~

有大食大   不過我哋都唔會嘥嘢

飲到 2 點半走人   去超市買埋支豆漿比里奧大人就番屋企喇 ~

第一件事係開機洗衫   去旅行番來要洗 5 機衫   衫又厚   天氣又潮濕喎   真係要開埋抽濕機   咁啲衫可以快快乾   我一定要快啲洗哂啲衫   唔想成日記住要洗衫呀 ~

今晚同小組團拜   所以 5 點都出發去將軍澳喇 ~

5 點半去到   但 6 點先開始   咁我哋行陣先去會所 ~

6 點準時到   無耐弟兄姊妹都到   今晚有 24 個人出席   可惜有 8 個人嚟唔到   如果唔係就更加熱鬧呢 ~

我極之期待呢個團拜㗎   咁我私底下同組長講   話我真係好想參加呢個團拜   但 2 月 9 日就唔去得囉   所以佢就揀 3 個日子比我哋揀   感恩個個都揀星期五呢 ~

我哋 Book 咗 2 個爐

姊妹們一嚟到就預備喇

姊妹 LM 就為我哋預備蔬菜

一份份咁 Pack 好

因為有 2 個爐   咁可以一次燒好多嘢食   樣樣都好搶手   我哋簡直好似開檔咁   因為份量真係好多   哈哈 ~

個個又去燒下   又圍埋一齊傾下偈   真係好開心   咁我帶咗脆豬肉紙比佢哋食   估唔到個個鍾意食   因為頭先個個就飽   好在里奧大人記得話帶咗啲手信   唔係其實我完全無咗呢回事 ~

話咁快就 9 點   要交場喇   所以即刻影埋張大合照就要走喇 ~

今晚非常之感恩   因為 6 點嚟到嘅時候有雨粉粉   之後無耐就停雨   到我哋影埋張大合照   之後又開始落毛毛雨   所以真係好感謝神嘅保守 ~

我哋個個都話今朝熱到要着短袖   點知中午開始涼   夜晚係覺得凍添呀   個個都着番件褸   咁最搞笑我一入到屋企   同里奧大人講話出面好凍呀   佢即刻話今晚要着厚褸   我話我覺得咋喎   可能你唔覺凍   之後佢話我都覺得凍   佢都肯定凍   因為我係一個火爐喎 ~

同里奧大人搭地鐵番屋企   番到屋企都 10 點 ~

沖埋涼就睇多陣電視   11 點幾都瞓 lu ~