煎牛仔骨
煎羊鞍
蒜蓉炒油麥菜 - 本來話豆豉鯪魚炒 不過我話清清哋仲好
羅宋湯 - 有紅菜頭 + 西芹 + 薯仔 + 蕃茄 + 牛骨 我飲飲下話妳哋無落蕃茄呀 ?! 家姐同工人好大反應話落咗 8 個㗎 但我話真係無蕃茄味喎 可能比紅菜頭啲味道遮蓋哂
家姐話點解呢兩粒蘑菇 點掃都掃唔到落垃圾桶 ?! 哈哈哈哈 右邊係真蘑菇
( 24-FEB-2019 SUN )
今朝鬧鐘未響 但我 9 點 15 分已經醒咗 所以都沖涼先 之後沖完一開門就見到里奧大人想開門 嚇死我咩 佢又話嚇死佢 佢話唔見人 又聽唔見廁所有水聲 以為我去咗邊 所以都係開廁所門睇下 又係搞笑 我沖完涼咪無水聲囉 ~
咁早咗 15 分起身 所以真係可以睇聖經喇 睇咗 15 分鐘就要出門口喇 ~
今日又學習另一樣事奉 所以早少少番教會 ~
崇拜完畢就去食嘢 之後再番教會 今日 2 點半有分享呢 ~
4 點 35 分完畢 感恩趕得切搭巴士 如果唔係我諗住打的去家姐屋企㗎喇 趕住見 Berry 姐呀 哈哈 ~
我又叫家姐帶 Berry 姐一齊出來接我哋 衰女撐手撐腳 到里奧大人抱又係咁 勁驚佢甩手囉 但工人抱又唔會㗎喎 真係蝦家姐呢 ~
Berry 姐最開心見到我啦 可以狂咬我嘛 依家捉佢真係好難 所以我成日講話求下妳比我抱啦 佢哋話我黐黐哋線呀 哈哈 ~
妳來喇 最期待嘅畫面出現喇
佢真係好嗲家姐
好似好乖咁
居然想瞓覺
最鍾意托住個頭仔
咁迫就過來我個身度瞓啦 哈哈
Hello 妳好
個樣好懵呀
突然間又好 Smart 咁款
家姐叫我估今晚食咩 ?! 我話蝦同魚同燜冬菇 佢話唔係喎 整咗啲特別啲嘅嘢 又叫我估今晚飲咩湯 ?! 話喺茶餐廳成日飲嘅 我話中湯蓮藕湯 佢話唔係 我話我其實好少喺茶餐廳飲湯㗎喎 之後佢又比個勁大 Tips 話唔係中湯 我話羅宋湯囉 佢勁開心 ~
家姐好少去茶記 佢事實都唔太鍾意食中式嘢 但我覺得好少茶記有羅宋湯囉 山埃 Tips 哈哈 ~
眼瞓嘅眼睛
眼瞓就過嚟瞓啦 哈哈
瞓啦
脷底原來都係黑色
中來中去都唔瞓 激死我 哈哈
6 點半左右開餐 其實未煮好哂㗎 但工人話鍾意邊煮邊食 咁樣每個餸都熱喎 咁無所謂啦 又唔係我煮 哈哈 ~
一路食一路傾 咁我話尋晚好飽呀 喺阿 mi 屋企 4 點幾食完生日蛋糕 6 點幾就打邊爐 今晚又食到好飽 真係唔減肥都唔得了 ~
食完又抱 Berry 啦 好想佢瞓覺呀 哈哈 ~
好似想瞓咁
一影相就起身
咁我抱住 Berry 灘喺梳化嘛 之後家姐拎個生日蛋糕出嚟 勁有驚喜呀 ~
開心果 Mousse Cake
仲叫我揀 Candle 顏色 好似當我係細路仔咁 哈哈
家姐叫 Berry 吹啦 咁家姐個口當然都扮吹 點知真係吹熄咗 嚇到佢呢 佢話應該我吹喎 我話有咩所謂呀 最搞笑咁啱里奧大人影咗張相 我個樣真係好愕然 因為我以為係 Berry 姐吹熄呀 但佢明明係合埋個口仔㗎喎
家姐同我講 聽到我話好飽 同工人講話咁點食生日蛋糕呀 ?! 但工人趕住走 家姐就問佢係咪好想食蛋糕呀 ?! 工人答話係呀 所以家姐就拎個生日蛋糕出嚟呢 ~
最搞笑家姐話佢開雪櫃拎 Tabasco 嘅時候 好驚我望到雪櫃有蛋糕 我話真係搞笑 平時我去親家姐屋企 一定睇下兩個雪櫃有咩嘢 今次只係開飲品嘅雪櫃 如果唔係就一定睇到個生日蛋糕 ~
呢個蛋糕係家姐工人揀㗎 本來家姐想買拿破崙 但工人話難切 所以揀呢個開心果 Mousse Cake 呢 ~
我成日抱住 Berry 姐講話係咪好掛住我呀 ?! 係咪好唔捨得我呀 ?! 里奧大人喺飯廳做緊嘢 都忍唔住同家姐講話我黐黐哋 成日自言自語 又自我感覺良好 哈哈哈哈
Berry 姐明明喺我身度瞓着 點知里奧大人同家姐去露台睇嘢 搞到 Berry 姐企咗起身 我點整佢個頭 佢都望住佢哋呀 最後仲跳埋落地 激死我 ~
Berry 姐先慘 明明 6 點想瞓㗎喇 我又抱下佢 佢瞓張毯 我又抱起佢 但家姐話佢眼瞓先會瞓毯 所以佢應該真係好眼瞓 嘩哈哈哈 我一來到就無覺好瞓 可能會有童年陰影 哈哈哈哈 ~
Berry 無啦啦企喺門口細細聲咁叫 家姐話係工人番嚟 無耐就見到工人 咁叫佢即刻食蛋糕喇 哈哈 ~
家姐車我哋番屋企 原來都 9 點喇 ~
又嗲家姐 喺家姐大脾度瞓覺呀
沖埋涼再熨 2 機衫 睇多陣電視 11 點 45 分就瞓覺了 ~
沖埋涼再熨 2 機衫 睇多陣電視 11 點 45 分就瞓覺了 ~
沒有留言:
發佈留言