打邊爐 @ 阿 Mi 屋企 ( 23-FEB-2019 )

預備埋位開餐了

虎蝦 - 好大隻同爽口呀   好味道 

金鯧魚 - 呢部係只係尾巴   所以原條應該好大條呢

水餃 / 雲吞 / 魚皮餃 - 今次好靚   仲以為轉咗另一間買   估唔到係牛丸哥哥



明太子墨魚滑 - 阿 Mi 知道里奧大人鍾意食   所以又會買呢

萵苣 - 呢個菜又係好味道   爽爽哋咁

炸魚皮 - 必食   哈哈

沙爹湯底

 ( 23-FEB-2019  SAT )

今朝瞓到 11 點半自然醒呀   感恩一覺瞓咁耐呀 ~

咁今日約咗阿 Mi 喂   所以一起身就話佢哋知   咁阿喂話佢哋自己食啲嘢   我同里奧大人都即沖涼   快快食早餐先出發   因為我有啲暈   所以一定要食嘢呀 ~

今次搭巴士去荃灣   感恩好快有車   車程又順 ~

去到打比阿喂   佢哋話唔食嘢   但我勁想飲珍珠奶茶   所以買埋先去佢哋屋企 ~

洛神蜜香紅寒天 Q 幾好味喎   夠哂酸   我杯原奶烏龍小芋 Q 都 OK   好夠茶味   兩杯要 $63   里奧大人話貴   我話差唔多啦   因為飲佢哋啲主題飲品嘛

頭先一個早餐 Share 食   驚一陣里奧大人話餓   咁喺麥記食個包先   我話唔好一陣喺阿 Mi 屋企   得我哋兩個喺度食嘢咁核突   哈哈 ~

諗住麥記最快   點知等咗好鬼耐   之後阿 Mi 問我哋喺邊   仲諗住靜雞雞食啲嘢都唔得添   哈哈 ~

我食脆雞翼   細細隻最好

里奧大人本來話食雞包   咁我話 OK   以為食麥香雞   點知係食呢個包   仲要有塊薯餅   之後係咁話飽   但我真係只能幫佢食 2 啖囉



其實一早約咗今日係 BBQ   可惜落毛毛雨   同埋阿 Mi 話啲櫈會好污糟   所以留番下次先去 ~

去到佢屋企都已經接近 3 點   咁又坐低即吹水 lu ~

傾傾下   阿 Mi 入咗廚房   阿喂又入埋   咁我諗住講埋呢句   等阿喂兇我就入廚房幫手   點知佢拎個生日蛋糕出嚟比我呀   勁感動呀 ~

搞笑囉   我話如果跟入去   就無哂驚喜囉 ?!   阿 Mi 話放心啦   我關咗廚房門   笑死我   真係知道我會入去喎 ~

食完又傾下   6 點左右預備晚餐   又係傾密偈時候了   呵呵 ~

6 點半左右要開餐喇   但其實我真係好飽   我成日話: 唉   好飽呀   阿 Mi 話生日唔好唉唉聲呀   哈哈   但我真係好飽喎 ~

食下傾下好快又唔知幾點   陪阿 Mi 洗完碗又話要食甜品   里奧大人都話又食 ?!   哈哈 ~

阿 Mi 同家姐係咪覺得我哋平日食唔飽呢 ?!   去到佢哋屋企   真係食食食   食食食   講真   食完唔洗做真係特別飽   只係個口不斷係咁郁   所以真次次去親佢哋屋企   真係抱住個肚走咁㗎   好在次次都係第日係星期日   起碼 10 點幾先食早餐   如果好似番工咁 8 點半食早餐   真係食唔落囉   呵呵 ~

今晚阿 mi 喂請我食生日飯   實在太客氣   佢哋又買又拎又煮又洗   我今晚真係無點做嘢   阿喂終於無話炒我喇   定係因為生日唔可以鬧我呢 ?!   哈哈哈哈 ~

10 點半打的走人   好似 15 分鐘已經番到屋企   勁快 ~

沖埋涼   整依樣嗰樣   都差唔多 12 點先瞓 ~