尚素 @ 官塘 ( 21-FEB-2019 )

蜜汁叉燒 - 口感同味道都 OK 喎   唔似喺齋舖買嗰啲齋叉燒咁呢

蜜桃咕嚕肉 - 我麻麻哋

鮮淮山件腐竹 - 呢個好味道呀

( 21-FEB-2019  THU )

感恩一覺瞓天光   呢啲天氣仲要瞓得唔好嘅話   真係好慘㗎 ~

今朝家姐 Whatspp 話又見到 CC   我話今晚會見到真 CC 呀   哈哈   所以 CC 都話見家姐多過見我 ~

早餐食吞拿魚治烘底   酸酸咪咪有啲胃口食 ~

菇場忙下停下   但做嘅嘢係煩嘢   真係人都顛 ~

做做下嘢   聽到同事叫司機搵 CC   係咪咁邪呀   又係叫 CC ~

Lunch Time 出去行陣   之後再買埋牛什米   我都係鍾意喺菇場慢慢食   對住電腦好過對住唔識嘅人食   哈哈 ~

無啦啦忙   又係煩嘢   次次傾完之後就會特別攰 ~

放工即走   今晚約咗 CC 食飯   勁開心 ~

約咗喺 Circle K 等佢   咁喺 Circle K 入面睇下嘢先啦   但好焗   所以喺附近行陣   咁我個袋好重   同埋條街太多車   多塵到呢   所以又番入去 Circle K 等啦   咁再睇零食囉   之後有人喺我後面話: 好餓呀 ?!   嚇死我啦   原來係 CC   我以為係職員見到我出出入入   好心問我係咪好餓呀   哈哈 ~

行到食店都只係 6 點 20 分   叫埋嘢食就傾偈喇   對上一次見面係上年 5 月   我仲以為年幾無見添 ~

今晚我超勁多嘢講   我話因為太耐無見   好多好多嘢想同佢分享   佢每聽完我講一件事   佢都會擰頭   話原來真係咩人都有   原來咁嘅事真係會發生   笑死我 ~

諗番起上次同里奧大人屋企人食開年飯   每人 $294.5   佢其中一個姐夫話 $300 唔駛煩啦   我姑奶對眼嚇到凸咗出嚟咁   但又唔敢話老公   隔咗幾分鐘之後就話每人 $295   我全程望住佢   我堅覺得佢勁 Cheap   平時 $205   我地都收妳 $200 算啦   嗰個仲要係妳細佬   真心覺得好在我家姐唔係咁咋 ~

之後講開旅行   CC 老公居然落車唔記得拎背囊   唔係咁邪呀嘛   我話我落車又唔記得拎里奧大人件褸呀   感恩大家搵得番咋   哈哈 ~

咁兔兔 9 點半打來   咁啱要埋單   所以我即拎錢出來   點知 CC 即同兔兔講話唔講住   之後即刻拎錢出來   我明明已經比咗   佢又係都要比番我   係都要話請我食生日飯   但其實佢上年生日飯   我都未請   所以講明今年要請佢食兩餐生日飯呢 ~

10 點左右番到屋企   即沖涼喇  ~

咁問里奧大人頭先食咩 ?!   佢話去美心食焗豬扒飯   係咪鍾意食得咁緊要呀   哈哈 ~

睇下電視   再同佢傾多一陣偈   11 點都即瞓   難得瞓到嘛 ~