仍然周圍行 反正想睇日落 但最後都知睇唔到 因為雲層好厚呀 ~
舊舊嘅招牌
落去就係去淡水老街
到淡水老街喇
第一樣就係去買白柚果 我仲要用 Messenger 問佢位置喺邊 哈哈
姊妹 TT 話白柚果味道好過八仙果
同佢合照 幾識宣傳 哈哈
無諗過係地舖 不過我又無問清楚 成日以為係樓上舖 好在里奧大人幫我搵咋
行下睇下 里奧大人話想食冰火菠蘿包 我話即係菠蘿油咋喎 但見佢想食 我都會陪嘅 同埋我都想試下台灣嘅麵包口感 真係 Soft 過香港嗰啲呢 ~
係幾吸引嘅
39 元一個
每次焗一個
家姐見到啲牛油一定好開心 哈哈
都有唔少人買嚟食 同埋要等囉 因為即叫即焗呀
無牛油嘅丹麥奶油菠蘿包就 30 元
等
佢整每一個步驟都好細心
 |
好得意
今次嚟淡水 覺得老街多咗好多街邊檔呀 之前完全無㗎 可能係新年關係啦 ~
好多人
估唔到有美食廣場 係新開定係之前我無留意呢 ?!
好多街頭表演
Kebab
唔熱咩 ?!
里奧大人問我點解佢反轉個鑊 我話易拎起塊皮啩
我好想食花枝丸
但唔好食嘅
唔知會唔會越夜越多人呢 ?!
我同里奧大人講 以為呢間店名叫做 "自己米" 我再望真啲 原來係叫 "自己來" 呢
行到 5 點半 係時候要搵地方坐 我開始有啲攰 咁啱見到我想食嘅和果子店 勁開心呀 仲要有位添 ~
@ 福 • 和菓子-日本道地純天然手作
煙韌嘢 我勁鍾意 但里奧大人真係麻麻哋 不過都會陪我食呢
紅豆 / 花生 / 芝麻 / 合桃 - 我本身係叫 4 串 (NT$100) 之後店員話依家 100 元有 5 串呀
點睇都好煙韌 哈哈
我想食醬油和果子好耐㗎喇 鹹鹹甜甜幾特別 我覺得好味道呀 但里奧大人話唔係咁識欣賞 哈哈
呢隻蜘蛛俠真係好細隻
保持環境清潔 人人有責
手拖手
頭大身細 所以好易反艇 哈哈
有免費綠茶供應 飲完無咁滯
店內環境
食完超級飽呀 我覺得食芋圓呢啲會好飽肚 同埋有啲頂胃 但珍珠又唔覺咁喎 ~
差唔多 6 點了
話咁快就天黑添 我話第 1 次天黑仲喺淡水 之後里奧大人話我哋晏入嚟呢 咁又係喎
好得意呀 不過忍手唔買
耶穌出世
走人喇
我話食 Donut 因為第 1 次嚟台北 里奧大人喺 Mister Donut 買咗個 Dount 比我食 所以我一定要再回味一下 但今次要自己買 因為里奧大人話入面好焗
餅乾可可波堤 (NT$45) 無以前咁好味道了
6 點半離開淡水 去到西門町又想食啲嘢 ~
搭捷運番酒店
台灣都有關愛座 但好多人唔敢坐 根本係浪費咗啲座位
個 Model 望住個乞衣
必食嘅臭豆腐
夠熱 可惜唔夠脆 但都好好味
底部好多汁架 所以食起上來唔會太乾爭爭咁呢
一口香腸 食起來就好方便喇
其實又熟又生咁擺埋一齊 好似唔係咁好咁
如果有生蒜就更加好味
我諗呢幾日都會行嚟呢度㗎喇 哈哈
度度都無咩人咁 唔錯唔錯
如果平時都係咁少人就好啦
諗住去程美珍 不過佢哋已經休息 lu 咁我話行開嚟 想去誠品買豬肉乾 因為家姐話好味道呀 所以幫佢買 2 盒 ~
因為我想慢慢睇下有咩味道 我知里奧大人無興趣嘛 所以叫佢周圍行陣 等我可以慢慢揀 ~
估唔到里奧大人自己買蜂蜜苦瓜汁
好味道 只係我唔太受得咋
仲食埋雪在燒添 依家一份要 50 元喇 上年好似 45 元
偷食仲影埋相 不過我都開心嘅 佢肯定鍾意食嘅先會影相 所以我煮嘅嘢佢從來唔影㗎 哈哈哈哈
@ 快車肉乾
我幾鍾意佢哋包裝 因為個膠盒好硬身
買 2 盒比小組一齊食
買完豬肉乾就喺誠品行下 見到有小丸子 所以即去睇啦 ~
我以前都好鍾意小丸子 依家都 OK 鍾意
超得意呀 好鍾意啲公仔係慘慘樣呢
仍都係以前好鍾意嘅臘筆小新
我合埋眼影嘛 又唔知里奧大人影咗未喎 只係最後聽到佢話: 夠喇 我先收番埋個咀 哈哈
周圍行下 見到有間戲院又睇下 因為之前里奧大人成日話想喺台灣睇戲 但今晚得 12 點 咁一定唔睇啦 ~
買埋鹹水雞 咁里奧大人話要買杯楊桃冰 估唔到佢咁鍾意食喎 之後買埋個滿漢牛肉大杯麵 今晚番酒店開餐 ~
@ 萬國滷味
無諗過豎琴都會出現
又行番去酒店 lu
錢櫃呢個名聽咗好耐㗎喇
着燈就好靚喇
算唔算人多過車呀 ?! 哈哈哈哈
番到酒店附近都 9 點半 因為聽朝好早起身 所以我同里奧大人講話睇下附近有咩餐廳有早餐食 感恩搵到一間係 7 點開舖 咁我哋可以食完早餐先出發呢 ~
@ Ikari Coffee
Dante 都有開
沖埋涼就食鹹水雞 里奧大人就食杯麵 勁開心啦佢 ~
鹽水雞 (小辣) 其實真係要辣先好味 因為我生飛滋 唔想食咁辣囉
以前會拎啲信封做紀念 但依家唔會 lu
睇多陣戲 今日行咗好多路 對腳真係好痛 所以睇到 11 點都要瞓覺喇 ~
呢日行程完畢 ^^
沒有留言:
發佈留言