新春大吉 @ 台北 DAY 2 (PART 1/2) ( 3-FEB-2019 )

( 3-FEB-2019  SUN )

感恩一覺瞓天光呀   我地 7 點 45 分都起咗身   所以就即刻沖涼   早啲出去食早餐 lu ~

今日好好天   感恩感恩

街道仍然無咩人   唔知係咪早呢 ?!

紅樓隔離就係警局   咁治安應該好好

@ 成都路

經過紅樓   居然無人呀   所以真係要去影相啦   影咗 20 分鐘   係時間走人喇 ~

無人嘅紅樓呀

我同里奧大人影出來嘅顏色都有啲唔同

好似 TBB 嘅民初街佈景咁   哈哈哈哈

我影到陰陰沉沉咁   哈哈

無人呀   勁正

好得意

叫里奧大人幫我影張   佢好奇怪話有咩好影 ?!   我話因為無人呀   之後佢就猛咁幫我影   哈哈

好鍾意呢啲雲嘅形狀   今次去台北好少望白雲呀   因為我覺得台北無乜人嘅景象吸引我多啲

今朝去南美咖啡食早餐   上年已經想嚟   不過無時間   但今次咁近酒店   所以決定去食喇 ~

條街係得幾個人行㗎咋

我睇完蜂大咖啡嘅餐牌   再行前少少睇南美咖啡嘅餐牌

喺條街行來行去   為咗食   我係 OK 嘅   哈哈

8 點 45 分食早餐   食到 9 點半   勁開心 ~

金色字體   真係買少見少 lu

選擇唔多   對我嚟講係好事   唔係樣樣都會好想食咁仲煩呢   哈哈

估唔到有樓上雅座   有啲枱仲係 "留位" 添啊   肯定係熟客   哈哈

開餐喇

原味鬆餅 - 我真係第一次食 Waffle 早餐   平時見到 Whipped Cream 仲梗加唔會食添呀   呢個餐我轉飲曼特寧 (Mandheing City Roast )   我對咖啡無研究   只係唔想飲南美咖啡

Waffee 外脆內軟   如果再多啲 Honey 就更好呢

里奧大人補差價飲其他咖啡   佢飲冰咖啡

好味道呀   但又唔識講咩味道出來   哈哈

火腿蛋夾吐司 (NT$135) - 里奧大人一見到餐牌   就好堅定話要食呢個

我食完就快啲落去睇人沖咖啡

我想睇耐啲㗎   不過好似阻住人咁   哈哈

樓下位置   都係覺得樓上座位舒服好多呢

咩都影下   我鍾意睇咖啡杯   但一定唔會買的

飲咖啡太講究啦   所以唔啱我   哈哈

@ 南美咖啡

明日開始休息了

西門商場

無咩人嘅地方   真係好舒服   因為香港實在太多人了

番去酒店抖陣   10 點 15 分出發去教會   今次仍然去懷寧浸信會 ~

我一定要落廉   實在接受唔到對住個洗手間瞓呢

雖然透明玻璃都遮住個馬桶   但都唔接受到   哈哈

床頭櫃下面就係夾萬

洗手間好光猛

相對來講   洗手間算大間呀

但個企缸好高囉   低番 1 尺就好啲

洗手乳味道好香呀   洗頭水護髮素都係呢個牌子

之前將啲磁貼拍到好整齊   所以唔知係可以拎出來貼

如果咁樣   就知道可以拎出來貼喇   哈哈

Dante Coffee 每日都會開   但只係我唔想去食呢

狗多過人   哈哈哈哈

咁樣行路真係好舒服

合作金庫銀行

條街真係無咩車同人   無呃妳哋㗎   哈哈

呢個招牌有幾多年歷史 ?!

無人又無車   所以企喺馬路中間影一張相

有間 "大陸書店"

繼續行

條條街都差唔多樣咁   哈哈

好多 "飛哥英文" 燈箱

裕生銀樓   係咪二叔公呀 ?!

狗狗好嘆噃

我覺得唔止 14 度囉

靚喎   一陣再去影

到懷寧浸信會喇

11 點開始崇拜   啱啱趕得切 ~

今日有聖餐

我好鍾意呢段經文

如鷹展翅上滕

@ 懷寧浸信會

12 點左右就崇拜完畢   附近好多建築物都好靚   又要影相留念 ~

我最鍾意喺呢度影相

自拍無難度

影完想暈又想嘔    哈哈

去台北周圍行都唔錯   我最鍾意行啲殘殘舊舊嘅街道

真係好想睇下當地人嘅住宅

附近都幾多銀行

我同里奧大人講話有隻恐龍呀 ?!   佢問喺邊度呀 ?!   之後我話呢隻恐龍細過隻白鴿   佢話我講嘢零舍誇張   點會細過白鴿呀   哈哈

影黑白相都唔錯

國家級保護

地下都好靚

呢間 Cafe 裝潢好童真

重慶大廈   睇到嗎 ?!

見到沅陵皮鞋街   以為買皮鞋嘅街   咁行入啲睇   原來係買食物   咁就要睇下喇   哈哈 ~

@ 沅陵皮鞋街

好大隻鞋

行入去睇喇

里奧大人慢慢行   我就已經試飲緊啦

之後都有幾個嚟試飲

我想買黑棗

最後買咗 2 包黑棗 + 1 包北芪  (總共 NT$800)   下次再嚟   我要再買   因為香港好貴

台北都有烚花生   不過我唔鍾意食   太腍喇

米通   不過無咩味

呢間鞋店設計好正喎

經過麵包店又睇下

接近 HK$10/件   都唔平喎

我睇咗倫敦糕   所以睇下係咩來   原來係倫教糕   其實即係白糖糕呢

最 ? 品味 ?!   真係唔識讀   我讀 "窮" 音   但應該唔係   我估係最紅咁嘅意思啩 ?!   我無上網睇呀

頭先都見到有間大陸書店   唔知買咩書呢 ?!

拱門設計

因為買咗 3 包嘢   好鬼重呀   所以要番酒店放低呢 ~

今日 13 度 ?!   完全唔覺   哈哈

執好房了

張枱其實已經擺了唔少嘢

Hi

走廊

見到魯肉飯又想食   好在里奧大人咩都食   如果唔係我就食唔到咁多嘢㗎喇 ~

價錢真係好平

好少會坐喺街邊食嘢   始終多車多塵   但今日就可以喇   因為條街係無咩車   呵呵

去旅行   食咩都好味道

乾麵 (NT$30)

其實我鍾意食乾撈   但里奧大人就麻麻哋

滷肉飯 (小 NT25) - 都幾好味   但汁唔夠多

估唔到都幾多人喺度開餐   但其實佢有室內舖位   但里奧大人話焗   所以坐街好啲   哈哈

睇到 M&M's 2 件 49 元   真係受了刺激咁呀   所以聽日先再嚟買

酒店對面係遠東百貨

里奧大人做咩影呢張相呢 ?!

酒店對面已經係捷運站   超級勁方便呀

其實喺邊度都要輕聲細語啦

有個男人 "唉" 住幕門

淡水係最尾站   即係有排坐   哈哈哈哈

3 點到淡水   里奧大人本來話唔去淡水㗎   但知我想幫姊妹 TT 買白柚果   所以特登同我去淡水呢   好感激佢呀 ~

今日好熱呀

第 1 次認真地去睇淡水站外圍

咁似紅樓設計嘅

過對面行下

離遠見到珍煮丹   我即指比里奧大人睇呀   佢話唔知我指咩   哈哈 ~

我話想飲珍珠奶茶   咁里奧大人話買啦   咁我唔客氣了 ~

@ 珍煮丹

黑糖珍珠鮮奶 (NT$55) - 就咁睇個樣   我都心裡有數了   真係唔好飲囉   完全無黑糖味道

我好怕啲電單車駛入啲橫街窄巷   好在佢哋駛得好慢

去過淡水幾次   真係從未試過行淡水老街外圍   所以覺得好有新鮮感咁呀   哈哈 ~

我好鍾意食呢啲檔口嘅炸雞   所以一定要買來食呢 ~

去旅行買嘢食   真係任何語言都難唔到我㗎   因為為咗食   咩都會講   哈哈

有價錢最好   大家唔駛煩

樣樣都想食   但驚熱氣   但依家就有啲好後悔無食   哈哈哈哈

我講雞腿個音唔正嘛   之後老闆娘再講一次雞腿   排我後面個女人笑住同埋拍我大脾   教我講雞腿   好搞笑呀   哈哈

里奧大人話食雞腿喎   話多肉喎   咁就佢啦   之後佢只係食少少咋   我話我其實鍾意食雞翼多啲   佢個樣好愕然   唔係呀嘛老公   我不嬲都唔鍾意啖啖肉㗎啦

真係從來無行過呢度

里奧大人影戰鬥雞雞幫   我以為佢想去食   原來佢話個名好得意   哈哈

里奧大人想買 Zipper 袋   感恩見到墊腳石呢   但無想要個款   哈哈 ~

墊腳石真係好多嘢睇

 NT$5 一支原子筆   都幾好寫喎   所以買咗 2 支

呢日未完㗎 ^^