Add Some Thai Restaurant @ 官塘 ( 26-FEB-2019 )

A.S.T 小食拚盤 - 自家制經典泰式手打蝦餅 (4件) / 春卷 / 泰式炸蝦片/ 酥炸一支骨雞翼 (4支) 炭燒豬頸肉 / 迷你無骨酸辣鳳爪沙律 ($148)

樣樣炸嘢都好味   里奧大人只係食豬頸肉同雞翼   其他係我食哂呀   熱氣到呢

炭燒豬頸肉   我覺得好油同埋好漏   最終食剩 2 件

招牌海鮮菠蘿炒飯 ($118) - 第一次覺得菠蘿炒飯係咁好味   個飯係有啲酸酸甜甜咁嘅味㗎   材料又多        

馬拉盞炒通菜  ($66) - 呢個失色囉   完全食唔到馬拉盞味道

( 26-FEB-2019  TUE )

今日又大一歲喇   最緊要身體健康   每日都開開心心呀 ~

一開手機   收到好多好多好多祝福   真係好感激每個記得我生日嘅朋友 弟兄姊妹同屋企人 ~

早餐食吞拿魚烘底   諗住生日食個特餐   但真係食唔落   哈哈 ~

菇場忙下停下   但尋晚瞓得唔好   好鬼攰呀 ~

瞓覺個樣好似佢 BB 樣咁   勁得意

Lunch Time 出去行陣   再買牛腩河番菇場食   呢排好想食河粉   想食啲滑嘟嘟嘅嘢   但一定要扣底    始終河粉真係好飽肚呢 ~

仍然忙下停下   終於等到放工 ~

約咗里奧大人喺 APM 等   之後一齊行去駱駝漆食飯呢 ~

環境一流呀   好舒服同埋好靜   人多就唔知喇下   哈哈哈哈

勁鍾意泰國嘅水壺

我叫佢比生日利是   佢話病到唔記得添   之後我話記得厚啲   佢都忍唔住笑   我都頂唔順自己咁講   哈哈 ~

食完去拎淘寶就番屋企   之後即沖涼喇 ~

沖完涼一出來   里奧大人雙手捧住件蛋糕再講生日快樂   真係嚇死我呀大哥   無諗過佢會咁嘛   真係要定一定神先講多謝呀 ~

最搞笑佢叫我快啲吹乾頭先   咁我話囉   又要快啲食又要快啲吹乾頭   咁點解唔等我搞掂哂先拎出嚟呀 ~

講真   估唔到佢咁有心   梗係   有年食自助餐   我掛住食   叫佢快啲自己去拎蛋糕仔做生日蛋糕   佢記成世啊   咁事實我又衰嘅  哈哈 ~

佢 10 點都瞓   我就睇多陣電視   但其實我都好眼瞓   10 點 20 分都瞓喇   勁早呢 ~