新春大吉 @ 台北 DAY 4 (PART 1/2) ( 5-FEB-2019 年初一 )

( 5-FEB-2019  TUE )

今朝 7 點半都起咗身喇   一覺瞓天光   所以好精神呀   感恩感恩~

即刻刷牙沖涼出發去食早餐喇   條街無咩人   真係好鬼正   哈哈 ~

今日係大年初一   應該更多店舖休息呢 ~

今日氣溫係 17-23 度

個天好似想落雨咁噃

好鍾意坐呢啲旅遊巴

微笑單車

點行都得   講笑咋

呢條馬路好長

另一邊都無咩人行

市面真係好寧靜   哈哈

快手影張相

Hello

我又要影

落緊毛毛雨

好想入去參觀下   係參觀下   哈哈

朝早 8 點 27 分   氣溫係 16 度   好凍呀

好少會咁早起身   所以要影相留念   哈哈

兩間咖啡店都休息   所以我話要去影張相

呢間門面唔錯   可惜早餐唔啱我

繼續搵食

成條街都掛滿燈籠   好有新年氣氛呀

我覺得白蘭花好香

我見有對香港人   佢哋話間食店無開   之後就好緊張咁   我同里奧大人就無咩所謂   因為我預咗今日好多都休息呢

一見店舖有開   我哋就會睇睇

我以為天花係道符添   原來係寫住西門金峰

周圍行下先搵食   好感恩搵到食蛋餅嘅地方   因為我就係想比里奧大人試下蛋餅 ~

感恩有位呀

即睇餐牌   因為開始餓喇   哈哈

自己寫早餐

齊餅喇    我覺杯咖啡唔好飲   好似 3 合 1 嘅味道   好稀又好甜   最後只飲咗半杯咋   同埋我無諗過大杯係咁大杯囉   因為只係 NT$30

肉鬆蛋餅 + 起司 (NT$45) - 好味呀   蛋餅唔會好漏

火腿蛋餅 + 起司 (NT$45) - 里奧大人指定要呢個蛋餅   佢話肉鬆同蛋餅唔夾   食落又真係覺得火腿蛋餅係好味啲   哈哈

我同里奧大人講話呢度係 5 號枱

正確係 7 號

坐到好似接受訪問咁   哈哈

原來有咁多嘢食㗎

店前有個黑色衫男人幫手拎嘢   仲以為係員工

原來佢喺隔離店㗎   佢一見食店人多   就過去幫手   上次喺西門町夜市又係   分別見過 2 次檔口嘅人去隔離檔口幫手

最鍾意睇人煮嘢食

   

@ 美而美

我話唔係咁飽   所以又周圍睇下有咩食店   見到有間食餃子嘅   咁就入去食啦 ~

朝住目標向前行

出面係煮粥嘅

食粥又太飽   同埋驚食完出汗   所以唔食喇   哈哈

9 點 15 分落單   咁今日年初一   好多賀年語要 Send 出去嘛   所以等下都唔驚   點知 Send 哂都未見   再望手機時間係 9 點 35 分   咁即追啦   原來佢哋漏單   本來想話唔要   但見佢哋即刻拎出來蒸就算啦   唉 ~

台北食店啲點菜單格式   幾乎一模一樣

佢貼得求其   我仍影得求其   哈哈

等到無人   哈哈   室內比較焗

最鍾意見到里奧大人影食物 = 佢都鍾意食

店員話有 2 隻爆咗   所以比多 2 隻我哋

辣椒油超級好味   香香辣辣

今日係大年初一   條街更加寧靜

紅色真係勁有新年氣氛   但里奧大人件紅褸   其實係因為想我易認到佢   因為嗰時去黃山   佢驚我見佢唔到   所以買紅色褸   點知去到黃山   十幾萬個人都着紅色褸   笑死我哋   咁樣仲難認呀   哈哈哈哈

好多店舖都係年初四 (2 月 8 日) 營業

蜂大咖啡有早餐供應   10 點開始   但只供應到 11 點

好多咖啡豆

@ 真善美劇院

開年 ?!

估唔到會見到麵食同餅乾

又周圍行下 

太陽呀

有唔少街邊檔   唔知平時有無開嘅呢 ?!

生煎包好似幾好味咁

行得咁自在   唔係搵食就係搵嘢買   一定唔會係搵路   哈哈哈哈

扭蛋機   其實扭一扭都唔平

呢間有開舖呀

早餐都唔錯喎

三兄妹都休息

初三開市

咁去檸檬屋買 lu

心情實在太好   所以好想再食嘢呀   哈哈   其實係飽   但又想食嘢喎 ~

有一間細細嘅檔口賣傳統飯糰   見無咩人買   所以唔買 lu

行下行下又 10 點 15 分   咁見到永和豆漿   所以想試下餈飯   排咗 15 分鐘   勁期待啦   但一咬入口   真係唔知食緊咩囉   真係係我半生人當中   最難食嘅餈飯   一 Pat 嘢   好似食緊芋蓉口感   油條又腍   究竟我食緊啲咩嘢呀   嗚嗚嗚嗚 ~

呢間原來唔係正宗嘅

記住呢間   唔好去食   哈哈

今次可以坐街邊食嘢   原因係無咩車   咁就無咁多廛啦   哈哈

咁樣睇完全係正正常常   哈哈哈哈

我想睇下有無油炸鬼   但一睇啲餡   個心已經離一離

我鍊番埋一嚿   但真係好鬼難食   食咗一半都唔食喇

我次次鍾意食或者飲嘅店舖   里奧大人都會影低佢哋嘅位置   感動感動

唔好落雨呀下

商場出面有好多人排隊   係咪大減價呀 ?!

直頭唔見龍尾喎

呢次去台北   唔係咁想行啲商場   所以我 Plan 去行中正紀念堂   尋晚師傅又話歌劇院好靚   原來中正紀念堂就喺隔離   咁順便去埋呢 ~

主題房嘅設計   要貴啲㗎   但我又覺得無咩特別

有兩個人喺度對望   哈哈

市面靜英英

唔知呢條街   平時多唔多人行呢 ?!

法務部廉政署

右手邊係總統府

總統府停車場   我影到個護衛咁樣添   哈哈

嚴陣以待

總統府貨車   一定好乾淨   哈哈

轉右手邊就係總統府正門

臺灣銀行

向左走向右走

仍然行呀行   我係保護色   哈哈

無咩幾可望地下   原來係咁有特色

唔知架車有咩用途呢 ?!

總統府

總統府前面好多樹

無得入去總統府   咁就周圍行下啦 ~

里奧大人話見到葵鼠呀   我話咩嚟㗎 ?!   有無英文名呀 ?!   係咪 Hamster 呀 ?!   之後佢話妳鍾意嗰隻 Chip & Dale 呢   佢答案好搞笑   同埋我都覺得自己非常搞笑   無啦啦做咩問佢葵鼠英文名呢 ?!   佢講完我都唔識啦   哈哈

行得好快

好得意呀   我真係第 1 次親眼見咋

我用手機都影到   但相機真係影唔切   哈哈

見唔見到呀 ?!

有個亭

呢棵榭嘅外型   好似一把倒轉嘅掃把

好大個人像

@ 介壽公園

人影都唔多隻

影完呢張相   我同里奧大人講話佢先似恐怖襲擊嘅人囉   着迷彩褲呢啲保護色   之後佢話頭先講完我之後   都睇到自己條迷彩褲   話好在我無話佢   哈哈

好想企喺馬路中間影相呀

好舊式嘅大樓

12 點到歌劇院喇   去埋中正紀念堂   之後再去埋中山紀念館   頭先食咁多嘢   真係覺得無哂罪惡感喇   哈哈哈哈 ~

@ 歌劇院

好靚呀

我出場喇   企穩呀唔該

另一邊又係一樣的

好似廟宇

由佢帶路   哈哈

行條暗斜上去

Say Hello

我影咗好耐   哈哈

佢大粒過啲人

里奧大人就周圍影

好靚呀

好鍾意睇呢啲設計

有啲攰喇佢

細細間歌劇院   哈哈

對面就係中正紀念堂

@ 自由廣場

其實我真係影咗好耐   所以里奧大人都影到無嘢影   就影我喇   哈哈

我係咁影佢

呢隻蜘蛛俠真係好細隻㗎咋

See

感恩無落雨   但無咩風

同左手邊嘅人同步做動作   哈哈

思想家

走人喇

@ 國家音樂廳

@ 國家戲劇院

坐喺樓梯影相都唔錯

有個女仔做掌上壓

好多狗仔

行去中正紀念堂

行快啲

@ 中正紀念堂

行咗 5 萬公里   但望來望去啲嘢都係一樣咁嘅   哈哈哈哈

我唔行上去喇   呢日雖然無落雨   但有啲焗熱

大孝門

無風呀   所以都唔想行得快   哈哈

自行車

傳統中學 ?!

唔知咩門

得幾架旅遊車

反正行開嚟呢度   又行去杭洲小籠包睇睇有無開

係無開舖嘅   但我聽到入面電話響

行咗 4 個捷運站   西門行到東門   所以開始攰呀   哈哈哈哈 ~

之後再行去大安區   原來都 1 點半   要食 Lunch 喇 ~

紅紅紅

我要蠟筆小新   我真係以為蠟筆小新嘅造型出嚟   但里奧大人話個名嚟之嘛   叫咩都得啦   哈哈

一目了然

里奧大人等到悶   哈哈哈哈   可樂 (套餐 + 30)

一口餃 (NT$60) - 皮薄同埋有啲煙韌   第 1 次食扁身餃子

扁身真係易夾好多

叉燒原味豚骨拉麵 (NT$310) - 要瘦肉 (+40)   樣樣都好味呀

呢樽係七味粉

@ 樂麵屋

呢日未完㗎 ^^