蕃茄芝士和牛漢堡意粉 + 菜心苗 ( 10-JAN-2024 )

( 10-JAN-2024  WED )

今朝又係瞓到 6 點 05 分   去完廁所再瞓 ~

做咗個幾星期運動   都開始少少習慣早起身   希望可以維持啦   哈哈 ~

以前細個喺婆婆屋企   成日都見到鷹㗎   我到依家都好鍾意睇鷹

太陽一出   就要精精神神番工喇

早餐仍然食祼麥提子合桃包   食埋聽朝就清哂㗎喇 ~

里奧大人呢排開始飲黑茶

影完相再倒番入焗杯   之後就深色好多   哈哈

里奧大人送我搭車   咁我同佢傾緊偈   之後後面有三個女仔一齊傾偈   佢哋又好貼近我後面咁行   可能掛住傾無留意貼得咁近啦   但大聲到呢   嗰刻有啲頭痛呀   同埋我完全聽唔到里奧大人講咩   我同里奧大人講話第一次感受到咁嘈呀 ~

咁我差唔多上車   里奧大人話番到公司 Whatsapp 佢   我話你都唔睇我 Whatsapp 嘅   佢把瞽好慘咁話有時忙就睇唔到囉   傻豬   我話都唔知係咪   哈哈 ~

我上咗車坐好   我見佢跑   咁後面個女仔又跟住跑   即刻打比佢問做咩要跑 ?!   以為洗地嘛   之後佢話諗住跑上前同我再揮手   但巴士開得好快   所以跟唔切   哈哈   佢都笑住話後面過女仔爬咗佢頭呀   我話搞笑囉   又會咁啱一齊跑 ~

菇場唔忙就做自己嘢   其實都幾爽㗎 ~

Lunch Time 出去行陣   船頭同阿花話老粗尋日食韭菜餃好大陣味   要搽阿婆油遮住陣韭菜味   我問佢係咪唔鍾意食韭菜 ?!   佢話唔係   只係本身食飽咗   聞到咩都覺得好難頂   哈哈   呢樣我都認同㗎 ~

我話以前搭長途車番工   有人坐喺巴士食鳳瓜排骨飯添啦   成架車焗住陣味仲難頂   阿花話算好啦   佢話有人食鹹魚肉餅飯呀   咁鹹魚仲難頂   哈哈 ~

食完鯪魚球河就去買菜同車厘蕃   之後再行陣就番菇場喇   今日好熱咁   之後阿齋話中午 24 度呀   咁唔怪得之咁熱啦 ~

仍然唔忙   安心等放工 ~

依家煮嘢真係慢咗好多   不過其實係我唔想太心急   唔係煮完食唔落㗎 ~

其實最想 6 點 45 分開餐   但依家好多時最快都要 7 點呢 ~

是日晚餐 - 蕃茄芝士和牛漢堡意粉 + 菜心苗

蕃茄芝士和牛漢堡意粉 - 好想快啲清哂啲漢堡扒呀   下次煮咖哩汁先   唔想成日蕃茄咁悶呀   哈哈 ~

菜心苗 - 里奧大人話唔駛咁辛苦特登切碎啲菜   因為我成日話等佢易消化啲   呢排成日驚我辛苦咁噃 ~

洗完碗抖下先   之後再同里奧大人一齊做運動 ~

開埋機洗衫就沖涼休息   打陣機再睇 youtube   今晚 10 點半都瞓覺 lu ~