家姐先搞笑 話今晚佢可以食哂啲嘢 今次都係用沙爹湯底 但我加咗條超甜粟同白蘿蔔 家姐話白蘿蔔都甜呀
鬼馬油炸鬼 - 今次焗乾咗啲 下次都係煎 不過家姐話唔駛咁麻煩 佢同里奧大人覺得我一個人整好辛苦
日本珍寶仿皇帝蟹柳 ($46包) & 麻辣湯包 - 本來我想喺街市買樽桶蠔 但正想買嘅時候 聽到個女人同朋友講話所有蠔其實好污糟㗎 嚇到我都唔敢買 一陣我哋三個食完肚屙就大鑊 所以我買珍寶蟹柳囉 家姐同里奧大人都鍾意食 咁到食麻辣湯包啦 我同家姐講話麻辣湯包係會爆汁 家姐一咬就噴哂汁出嚟 最搞笑里奧大人話聽到 "pat" 一聲 以為家姐整啲咩聲出嚟 哈哈
鵝腸 ($28) & 水魷 ($34) - 我同家姐都食鵝腸 爽爽脆脆好味呀 今次唔買牛柏葉 因為上次又柏葉又水魷 食完個胃好脹 所以是但買一樣算喇
蝦滑 ($40) & 墨魚滑 ($40) - 買開嗰間無開 所以轉去街市買 里奧大人話點解會一粒粒咁嘅 我話我用手拻開 咁易淥啲 蝦滑就無食過 咁聽晚再見佢啦
鳳城水餃 & 招牌雲吞 - 家姐見到都話勁大粒 真係一隻等如人地兩隻 所以我哋食剩五粒 咁留番聽日食
美國特選級牛梅花肉 ($39/碟) - 食剩一碟 咁即放番入冰格 lu
炸魚皮 - 無咩點食 又要留番聽日食
嫩鴨血 ($27) - 無食過 留番下次打邊爐再食啦
芒果糯米糍 - 又係整到極度樣衰 今次直頭做少咗個步驟 但估唔到口感仲煙韌 哈哈 家姐食最大件 里奧大人食中 Size 我就整嘅時候食咗 因為包到爆哂餡 封唔到口呀 但剩番兩件真係食唔落 所以比家姐工人食 其實佢呢兩件先係皮薄 口感最好呀
紅豆砵仔糕 - 完全食唔落 哈哈
( 13-JAN-2024 SAT )
今朝 7 點 07 分已經醒咗 但懶床到 7 點 25 分先起身 ~
同里奧大人去食早餐 諗住食完去佢公司坐下 但食完都差唔多時間番工 咁就直接番工喇 ~
今日晏晝要買嘢 所以食飽啲 但食唔落個牛角酥 咁就留番做 Lunch 啦
里奧大人要少通粉
姑姐 Whatsapp 比我睇 佢話去咗加拿大咁多年 都唔習慣咁凍呀
今日里奧大人去整嘢 話 Lunch 食杯麵 但無哂豬肉乾 我叫佢買啦 佢 Whatsapp 話買泰國豬肉乾 但我話感覺好硬咁 我話無其他喇 ?!?! 佢話其他要 $59 咁我叫佢再 Whatsapp 其他比我睇啦 之後我話平時就係買 $59 嘅比你囉 食嘢唔知價 仲成日擺到過期唔記得食 依家自己買就覺貴 真係呢 ~
放工即走 去完買 5 磅豬腰芒同粟米先番屋企 ~
番到屋企食埋今朝個牛角酥就出發去買嘢喇 2 點出發 買嘅地方又唔同 所以早啲去買就好啲 ~
Big C 買梳打水 因為 6 樽只係 $17.9 咋 今日拎咗戰車 所以一定要買啦 咁再買其他嘢 好似買咗 $66 職員話買夠 $88 送 $8 咁我又要再買下醬料 最後買到 $90 左右就可以減 $8 感覺好開心 哈哈哈哈 ~
買完即去買水餃雲吞 之後買牛肉 再買埋水魷就走喇 差唔多 3 點半先番屋企 好在有戰車 買多啲都唔怕重 ~
番到屋企整埋個粟米白蘿蔔湯底 之後執好啲嘢同清潔屋企 搞掂就整芒果糯米糍 lu ~
諗住抖下 但望下個鐘已經 6 點 15 分 係時候預備晚餐喇 ~
家姐差唔多 6 點 40 分就到屋企附近 但佢話等埋里奧大人先一齊上嚟 又問我飲唔飲愛玉 ?! 唔飲就問食唔食甜品 ?! 我話咩都唔好買 我整咗甜品呀 ~
7 點開餐 依家我係清咗一隻碟就即刻洗 感覺唔駛食完要洗一大埋碗碟咁呀 ~
食食下就話今餐都買好多嘢 我話你哋話要豐富啲吖嘛 家姐話里奧大人講 里奧大人又話家姐講 但最後其實係我講 哈哈哈哈 我都唔記得自己講過啲咩添
食完就一路食甜品一路傾下偈 唔係一陣食唔落就慘 哈哈 ~
家姐耳窿密哂 我叫里奧大人幫佢唧耳仔 但我同家姐講話係超級痛㗎喎 佢即刻叫我比個 Cushion 佢攬住先 之後見佢合埋眼合埋口 又大力攬住 Cushion 就肯定痛啦 哈哈 ~
望下個鐘原來 10 點鬆啲 咁家姐都要走喇 我就送佢搭車 ~
番到屋企即沖涼 之後我問里奧大人其實今日做咩節 ?! 佢話上次做冬無同家姐食 所以今晚補番 哈哈 ~
家姐番到屋企 即比糯米糍比工人食 工話話好好味 係咪太太整 ?! 家姐話係呀 工人就覺得我好叻 呢啲都識整 其實我整得嘅就真係唔會難囉 ~
睇下 youtube 今晚差唔多 12 點先瞓呀 但唔知係開心得滯 定過咗時間瞓 好似唔係咁眼瞓 但點都要瞓囉 聽日有事奉唔想無精神 哈哈 ~
沒有留言:
發佈留言