辣汁焗雞下肶 + 蒜蓉蒸脆肉瓜 ( 9-JAN-2024 )

( 9-JAN-2024  MON )

感恩一覺瞓天光呀   6 點 45 分都起身做運動了 ~

依家都係急步行   咁今朝早咗起身仲可以做夠半個鐘頭運動添   希望每日行夠 10,000 步   咁朝早最理想係 3,000 步   中午同夜晚就可以 3xxx 步   真係算係咁啦   咁懶嘅人都行到 10,000 步   哈哈 ~ 

早餐仍然係食祼麥提子合桃包   仍然都覺得好味道呀 ~

諗咗好耐先記得呢樽咖啡係喺 OK 買   係上次同家姐飲茶諗住自備咖啡   不過最後都飲咗即磨咖啡   真係買嚟拎   哈哈 

菇場忙咗陣又 Hea 過   但我都係鍾意日日忙   呵呵 ~

上個月轉咗 5G Plan   上網真係快好多喎   本來唔想轉㗎   因為月費要比多幾十蚊嘛   但里奧大人話我部手機係 5G 機   唔好嘥咗去喎 ~

同溫總喺 Pantry 吹水   因為有人請食朱古力   咁包裝啲字好細粒   但佢都睇到   我話佢好勁呀   佢話佢戴咗漸進   之後佢話以為我係戴隱形眼鏡   因為見我平時都有戴眼鏡   我話做嘢先戴咋   因為 System 啲字太細囉 ~

家姐話張床好似係 Berry 咁   我話直頭係   唔係好似   哈哈

Lunch Time 出去行陣再食鯪魚球米   之後又再去大生買零食   番到菇場都已經 12 點 50 分了 ~

我鍾意食米餅   因為細細件同埋獨立包裝

又係忙咗個幾鐘   之後就等放工   呵呵 ~

番到屋企都即預備晚餐   但差唔多 7 點先可以開餐呢 ~

是日晚餐 - 辣汁焗雞下肶 + 蒜蓉蒸脆肉瓜

辣汁焗雞下肶 - 唔想買秀珍菇   所以加個細洋蔥同獨子蒜做配菜   今次覺得啲汁好辣呀   之前完全唔覺辣㗎喎   里奧大人話啲雞好滑   我話急凍咋   可能我好少買雞下肶   依家啖啖肉就食得到呢   哈哈 ~

蒜蓉蒸脆肉瓜 - 終於清哂喇   聽晚又會轉食菜芯苗 ~

洗埋碗抖陣   里奧大人話攰唔做運動   咁我都行去 759 買嘢當做運動喇 ~

番到屋企即沖涼   之後睇下 Youtube 同打機 ~

里奧大人今日放下午   所以又開機洗衫同熨衫   咁就乖仔喇 ~

新鮮出爐嘅燒餅   所以買嚟做飯後甜品

依家朝早做運動   夜晚好快眼瞓咁   今晚又係 10 點 15 分瞓覺喇 ~