燻蹄 (外賣) + 蒜蓉蒸脆肉瓜 ( 7-JAN-2024 )

尋晚食剩嘅牛扒   今晚加啲脆肉瓜一齊焗   真係勁方便

( 7-JAN-2024  SUN )

尋晚熱醒咗呀   里奧大人又係咁   之後佢話可能晚餐食咗麻辣嘢呀   咁真係要試多晚先   唔通第時夜晚真係要食清清哋 ?!

今朝無咩胃口   但就一定要飽囉   因為起碼 2 點幾先食午餐 ~

去到里奧大人公司幫下手   之後又可以同阿妹傾密偈了 ~

皇太后話我着件衫好肥   上星期着件黑色衫就好瘦好好睇   不過趕住走就無讚到妳   最搞笑佢話叫里奧大人幫我影張相   咁就知道呢件衫着到妳好肥   但我話會照着㗎   因為件衫好舒服嘛 ~

我坐多陣都要走喇   今日要番教會事奉呢 ~

今日里奧大人突然要開 OT   所以我事奉完都即走喇   買埋麵包同燻蹄   再去買午餐就去里奧大人公司喇 ~

里奧大人食得哂一碗   感恩感恩

里奧大人話皇太后同佢講   話我件衫着到好肥   里奧大人話妳衰喇   件衫係佢特登買嚟做司事着㗎   皇太后即刻好驚咁用手按住個咀   之後問里奧大人咁點呀 ?!   里奧大人話買咗都要着㗎啦   唔係點呀 ?!?!   哈哈哈哈   我下次要整鬼皇太后   話件衫已經掉咗先   哈哈 ~

食完就去超市買嘢   買完都即番屋企做大清潔   今日做咗個幾鐘就搞掂喇 ~

好攰呀   所以都係灘抖睇 Youtube ~

差唔多 5 點半都預備晚餐   要滾熱啲節瓜湯   同埋煲飯   好多時假期都唔記得煲飯   所以寧願早少少預備   唔記得都可以叫做早啲知嘛   哈哈 ~

喺 A1 買嘅祼麥提子合桃包 ($30)   但 7 折只係 $21/個咋   所以即買兩個做早餐

里奧大人 6 點幾番到屋企   抖多陣就可以食飯喇 ~

是日懶餐 - 燻蹄 (外賣) + 蒜蓉蒸脆肉瓜

燻蹄 (外賣) - 買咗半斤 ($60)   太耐無食喇   覺得勁好味   最鍾意啲皮係脆嘅 ~

蒜蓉蒸脆肉瓜 - 我都鍾意食脆肉瓜   蒸嘅時間又唔駛咁耐   呢下好嘛   哈哈 ~

洗完碗抖下就做運動   番到屋企即開機洗衫同沖涼喇 ~

今晚同里奧大人一齊睇 "臥底旅行團"   真係好鍾意阿正同妹頭   佢哋好鬼搞笑   哈哈 ~

睇完都 10 點   再睇多陣 Youtube   今晚 10 點 45 分都瞓覺喇 ~